Gẹnẹsis 22:7 - Edo Bible (E Baibol Ẹdo) Version 1996

⁷ Ọ ma ghi kpẹe, Aizik keghi guan wẹẹ, “Ebaba ọ!” Rẹn wanniẹn wẹẹ, “Ghe mwẹ ovbi mwẹ.” Aizik na kha wẹẹ, “I miẹn nian wẹẹ erhan kevbe erhẹn guẹ, sokpan, oteghe ohuan ne a ra ya zọ ese vboo?”

Gẹnẹsis 22:7 ပူးပေါင်းရင်းမြစ်များ

Gẹnẹsis 22:8

Ebraham wanniẹn wẹẹ, “Osanobua tobọ ẹre gha kpehe, ovbi mwẹ.” Iran eveva na gba gha khian.

Gẹnẹsis 8:20

E Noa keghi gba aka ne Nọyaẹnmwa. Ọ keghi rhie ọkpọkpa vbe uwe aranmwẹ kevbe ahianmwẹ ne ẹ i mwẹ awua, ọ keghi ya iran zọ ese ne a giẹnrẹn vbe uhunmwu aka nii.

Ẹksọdọs 12:3

Tama ivbi Izrẹl hia wẹẹ: Vbe ikpẹdẹ ne ogigbe ọghe uki na, edọmwadẹ ọghọe ghi hannọ oteghe ohuan ọkpa ra ovbi ẹwe ọkpa ye otọ ne ẹgbẹe ọre, oteghe ohuan ọkpọkpa ne igiowa ọkpọkpa.

Ẹksọdọs 29:38

“Emwi ne u gha ya gha zọ ese vbe aka ẹdẹgbegbe rhinrin ẹdẹ ọre ọna khin: u ghi gbele ivbe ohuan eva ni he rre ukpo ọkpọkpa.

Matiu 26:39

Rẹn keghi khian sikẹ odaro, ọ keghi wa mu aro rhu otọ ọ keghi na erhunmwu wẹẹ, “Deghẹ ọ gia ru, Erha mwẹ, mu ukpu na hin mwẹ obọ rre, sokpan ẹ i re vbene I mẹ ho, sokpan vbene uwẹ ho.”

Matiu 26:42

Jesu keghi dọlegbe gha khian ya na erhunmwu ukpogieva wẹẹ, “Evbavba, deghẹ ukpu na i gia miẹn mwẹ re vbe ẹ i re te I wọn ẹn, iho ọwuẹ ọre a gha ru.”

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

Iyẹn ne ọ Maan Ọghe Jọn 1:36

Ugbẹn vbe ọ ghi bẹghe Jesu vbe ọ gberra khian, ọ wẹẹ, “Ghe Oteghe Ohuan Osanobua!”

Iyẹn ne ọ Maan Ọghe Jọn 18:11

Jesu tama Pita wẹ, “Rhie umozo ruẹ ye ako. U ma rẹn ighẹ ẹ i mwẹ I ma wọn ukpu orriara ne Erha mwẹ mu mẹ?”

Ebe ne Pọl gbẹẹn gie emwa Rom 8:15

Rhunmwuda Orhiọn ne Osanobua rhie ne uwa, ma ya uwa khian ọviẹn, ne ọ gha ya uwa gha fian afianma, sokpan, te Orhiọn ni ya uwa khian ivbi Osanobua, vbe ekpa ẹtin nene Orhiọn ne a gha da tie Osanobua wẹẹ, “Evbavba! Erha mwẹ!”

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.