Gẹnẹsis 22:4 - Edo Bible (E Baibol Ẹdo) Version 1996

⁴ Vbe ikpẹdẹ ne ogieha, Ebraham keghi ya bẹghe ehe ne a kha na vbe urria.

Gẹnẹsis 22:4 ပူးပေါင်းရင်းမြစ်များ

Gẹnẹsis 22:3

Vbe owiẹ vbe ẹdẹ ne ọ lelẹe, Ebraham keghi mu ekẹtẹkẹtẹ ọre, ọ na yọ emwi yọ ọre egbe, ọ na rhie Aizik kevbe eva vbe uwe eguọmwadia ẹre ba egbe. Ọ na giagia erhan eso ne a ra ya zọ ese, ọ na mu uhunmwu da ehe ne Nọyaẹnmwa tama rẹn.

Gẹnẹsis 22:5

Ọ keghi tama avbe eguọmwadia ẹre wẹẹ, “Wa mudia ke ekẹtẹkẹtẹ vbe emwa; mẹ vbe ọmọ okpia na gha ye sikẹ odọ ne ima ya ga, ne ima vbe dọlegbe bu uwa gha dee.”

II Ọba 20:5

wẹ ne ọ werriegbe bu e Hẹzekaia gha khian ya khama rẹn wẹẹ, “Mẹ ne Nọyaẹnmwa, Osanobua ọghe Devid ne erha a odede họn erhunmwu ruẹn, I vbe miẹn ameve ruẹ. I gha mu uẹn egbe rran, u gha yo Ọgua Osa irakhuẹ.

Ẹsta 5:1

Ọ ghi rre ikpẹdẹ eha ne Ẹsta ghi suẹn gha yo aguẹ, ọ keghi hẹ ukpọn ọba ẹre ye egbe, ọna gha khian ya mudia ye ikun ne ọ ke ẹguae, ọ na mu aro da ugha ne ẹkete ye. Ọba kegha rre uwu owa, ọ tota ye ẹkete, ọna mu aro da onurho.

Ẹksọdọs 15:22

E Mosis keghi wẹ ne emwa nii mu egbe, ne iran kpao vbe Okun Nọbaa. Iran keghi la uwu ato ne a tie ẹre Siọ. Iran keghi ya ẹdẹ eha khian vbe uwu ato, sokpan iran ma miẹn amẹ.

Ẹksọdọs 19:11

vbe ẹdẹ ne irakhuẹ, vbe ẹdẹ ne ẹdẹrriọ, mẹ ne Nọyaẹnmwa gha tuorre vbe uhunmwu oke Sainai ehe ne avbe emwa nii hia gha na bẹghe mwẹ.

Ẹksọdọs 19:15

E Mosis keghi khama iran wẹẹ, “Wa ghi mu egbe irakhuẹ. Okpia vbe okhuo ghẹ miegbe vbe uwu ẹghẹ na.”

Ẹksọdọs 5:3

E Mosis kevbe Errọn keghi wanniẹn wẹẹ, “Osanobua avbe emwa Hibru do miẹn ima. Lahọ gie ima khian okhian ikpẹdẹ eha gha rrie uwu ato ne ima ya zọ ese ghe Nọyaẹnmwa Osanobua ima. A deghẹ ma ma yo, ọ gha ya okuo ra okpe emianmwẹ gbele ima hia a.”

Hozia 6:2

Vbe ọ te ya sẹ ikpẹdẹ eva ra eha, ọ ghi gua ima kpao, ma ghi ya gha rre ehe ne irẹn ye.

Levitikọs 7:17

Emiowo ne ọ ye kẹrre yasẹ ikpẹdẹ ne ogieha, a ghi giẹn ọnrẹn uan.

Nọmbas 10:33

Ugbẹn vbe emwa nii ghi sii kpao vbe Sainai ne oke ne ọ huanrẹn, iran keghi khian okhian ikpẹdẹ eha, Ẹkpẹti Ile ọghe Nọyaẹnmwa keghi kodaro ne iran ne ọ gualọ ehe ne iran gha bu agọ yi ne iran.

Nọmbas 19:12

Ọ ghi ya ye amẹ akpehuan khuẹ egbe ẹre huan vbe ikpẹdẹ ne ogieha ke ikpẹdẹ ne ogihinrọn, rẹn keghi do gha re ne ọ huanrẹn, sokpan a deghẹ ọ ma khuẹ egbe ẹre huan vbe ikpẹdẹ ne ogihinrọn, ọ ghi gha re nọ ma huan.

Nọmbas 19:19

Ọmwa nẹ i mwẹ awua ghi miẹn amẹ nii ku ọmwa ne awua gue nii vbe ikpẹdẹ ne ogieha kevbe ikpẹdẹ ne ogihinrọn. Vbe ikpẹdẹ ne ogihinrọn, ọ ghi kpẹe huan ighẹ ọmwa ni ne a miẹn wẹ ọ ghi họ ukpọn rẹn nẹ, ọ mu amẹ rhurhẹ yan egbe, ọ keghi do khian ne ẹ i ghi mwẹ awua vbe ọ ghi sẹ ẹghẹ ne ovẹn ya dero.

Nọmbas 31:19

Sokpan, wa hia ne obọ ẹre vba ọmwa ya gbe, kevbe ni ya obọ kan orinmwi, wa ghi mudia vbe ore, wa ghẹ la agọ ọ te sẹ ikpẹdẹ ihinrọn. Wa ghi họnmwẹ egbe kevbe avbe ikhuo ne uwa khọn mu vbe ikpẹdẹ ne ogieha kevbe ne ogihinrọn.

Matiu 17:23

Iran gha gbe ẹe rua, sokpan, vbe ikpẹdẹ ne ogieha, ọ gha rhiọrre.” Ẹmwẹ na keghi gbe iran ne erhuanegbe egbe.

Iyẹn ne ọ Maan Ọghe Luk 13:32

Jesu wanniẹn tama iran wẹẹ, “Wa ya tama umuọkhọkhọ nii wẹẹ, ‘I gha khulo avbe Orhiọn esu ladian, I ghi vbe sinmwi avbe ọkhọnmwẹ ẹrẹna kevbe akhuẹ, vbe ikpẹdẹ ne ogieha, I gha winna iwinna mwẹ fo.’

I Kọrinti 15:4

Wẹ a re ẹre, a keghi vbe dọlọ huẹn ọnrẹn kpaegbe vbe ikpẹdẹ ne ogieha zẹ vbene a gbẹn ọẹn ye Ebe.

Jọsua 1:11

“Wa lele agọ na khinkhian, ne uwa vbe tama avbe emwa nii wẹẹ, ‘Wa dọlọ emwi uwa yi ye otọ rhunmwuda vbe ọ te sẹ ikpẹdẹ eha, wa gha fian Ẹzẹ Jọdan na rra ne uwa ya mu otọe ni ne Nọyaẹnmwa Osanobua rua ra mu ne uwa.’ ”

I Samuẹl 26:13

Ọ re Devid na fian odẹ rra ghe obọ nọkpa vbe iya ni la uhunmwu oke, ọ keghi khian rrei ẹsẹse.