Gẹnẹsis 22:15 - Edo Bible (E Baibol Ẹdo) Version 1996

¹⁵ Odibo Nọyaẹnmwa nii keghi tie Ebraham ukpogieva ke ẹrinmwi rre,

Gẹnẹsis 22:15 ပူးပေါင်းရင်းမြစ်များ

Gẹnẹsis 16:10

Ọre ọ na kha wẹẹ, “I gha viọ uniẹn nibun sẹrriọ nuẹn wẹẹ, a i sẹtin ka iran.

Gẹnẹsis 16:7

Odibosa e Nọyaẹnmwa keghi miẹn Hega vbe ọkpẹn ẹzẹ ne ọ rre ato vbe odẹ ne a la sẹ Siọ.

Gẹnẹsis 18:10

Ọkpa vbe uwe iran keghi wẹẹ, “I tama ruẹn nian, vbe uki ihinrin ne ọ dee mẹ gha dọlegbe rre, e Sera ne amwẹ ọn gha biẹ ọmọ okpia.” Sera kegha danmwehọ vbe odieke iran vbe onurho owa ukpọn.

Gẹnẹsis 22:14

Ebraham kegha tie evba nii, “Nọyaẹnmwa Kpemehe.” U hin ye do sẹ ẹdẹ nẹrẹ na te emwa ye tae wẹẹ, “Uhunmwu oke Nọyaẹnmwa ọre ọ na kpemehe ẹre.”

Gẹnẹsis 22:16

“I ye eni mwẹ yan, Nọyaẹnmwa ọre ọ guan na, wẹẹ I gha fiangbuẹ ẹsẹse rhunmwuda emwi ne u ru na ne u ma na gun mwẹ sinmwi ovbuẹ,

Gẹnẹsis 31:11

Odibo Osanobua keghi tama mwẹ vbe imina wẹẹ, ‘Jekọb’ I keghi wanniẹn wẹẹ, ‘Ghe mwẹ’.

Gẹnẹsis 48:16

Te Odibosa ne ọ fanmwẹ hin uwu ẹbe hia rre gha fiangbe iran! Te eni mwẹ deba eni avbe Ebraham kevbe Aizik ne erhamwẹ gha rrọọ khian vbekpa emọ na! Te iran gha biẹlẹ emọ nibun ne iran do khian ọrhẹnrhẹn.”

Ẹksọdọs 3:2

Odibo e Nọyaẹnmwa keghi rhie egbe ma rẹn zẹ vbe erhẹn ne ọ baa vbe uwu oha. E Mosis keghi miẹn wẹ erhẹn mu vẹn vbe oha nii sokpan emwi rhọkpa ma giẹn.

Aizaia 45:23

Ẹmwata ọ re eyan ne I yanrẹn khin ai vbe fi ẹe werriẹ. Emwi ne I khin hia fẹẹrẹ ọ re I ya yan: Emwa hia gha rre do diguẹ vbe odaro mwẹ iran ghi yan wẹ iran gha rhie egbe mu mwẹ.

Levitikọs 26:42

I ghi ye ile mwẹ ne I gu Jekọb, Aizik kevbe Ebraham ta rre, I ghi dọlegbe su eyan nii igie wẹ I gha mu otọe nii ne emwa mwẹ.

Zẹkaraia 12:8

Ọ gha sẹ ẹghẹ nii, e Nọyaẹnmwa gha degue emwa ni rre Jerusalẹm sẹrriọ we ọmwa ne ọ ghi vburriẹ sẹẹ vbọ gha wegbe vba vbene Devid gha ye. Ivbi uniẹn Devid gha su iran zẹ vbe odibo Nọyaẹnmwa zẹ vbe Osanobua tobọ ẹre.

Zẹkaraia 3:6

Ẹre odibosa nii na tama e Jọsua wẹ,

Iwinna 7:30

“Vbe iyeke ukpo iyeva, odibosa keghi rhie egbe, ma Mosis vbe uwu oha ne erhẹn na baa, vbe ato ne ọ rre ọkpẹn Sainai.

Hibru 6:13

Ẹghẹ ne Osanobua na ve Ebraham emwi ọ keghi yan wẹ, rẹn gha ru vbene irẹn ve. Ugbẹn vbe a miẹn wẹ, ọmwa ne ọ kpọlọ sẹ irẹn i ghi rrọọ, ọ keghi ye eni egbe ẹre yan nene eyan.

Arhie Maan 10:5

I keghi ya bẹghe odibosa ne ọ rhie owẹ ọkpa ye okun, ọ rhie ọkpa ye otọe kẹkan, ọ tọn obọ erha ọmwa ẹnrẹn mu ghe odukhunmwu.