Gẹnẹsis 21:9 - Edo Bible (E Baibol Ẹdo) Version 1996

⁹ Ẹdẹ ikẹtin ghi rre, Ismẹl ne Hega ne ovbi Igipt biẹ ne Ebraham keghi gha gu Aizik ne ovbi e Sera ku.

Gẹnẹsis 21:9 ပူးပေါင်းရင်းမြစ်များ

Gẹnẹsis 16:1

E Serai ne amwẹ Ebram ma biẹ nẹẹn. Sokpan rẹn kegha mwẹ ovbi Igipt nokhuo ọkpa ne a tiẹre Hega vbe ọviẹn,

Gẹnẹsis 16:15

Hega keghi biẹ ọmọ okpia ne Ebram, rẹn keghi he ẹre Ismẹl.

Gẹnẹsis 17:20

U tama mwẹ nẹ wẹ ne I gbe ebe gue Ismẹl. Emwi ne I ra ru ọre ọna khin. I gha fiangbẹe, I gha viọ emọ kevbe uniẹn nibun nẹẹn. Rẹn gha khian erha ivbiọba iweva, I ghi vbe ye uniẹn ọnrẹn ru okpẹvbo ne ọ kpọlọ. I gha ya ile ne I tae rre vbe egbe Aizik ne ovbuẹ ne Sera ra biẹ vbe omwa ẹghẹ na vbe ukpo ne ọ dee.”

Gẹnẹsis 21:8

Ọmọ nii keghi wan, vbe ẹdẹ ne a ghi fian ẹre ewẹn, Ebraham keghi le evbare eghọ nọkhua.

II Krọnikol 30:10

Iran na gie ẹre uhunmwu keghi wa la ẹvbo ni rre otọ Ifreim kevbe Manasẹ fo, kevbe ya sẹ Zẹbulọn vbe odẹ Okuọ, sokpan emwa nii kegha giẹ iran, iran na gha ya iran gbogiẹ.

II Krọnikol 36:16

Sokpan, iran kegha ya emwa ne Osanobua gie ẹre uhunmwu gbogiẹ, iran ma zẹ ye ẹmwẹ ne iran ta, iran na vbe gha giẹ avbe akhasẹ ọre, rhinrin a ke do miẹn wẹ ohu Osanobua ghe emwa rẹn kpọlọ sẹrriọ wẹ, emwi ne a gha ya rhanmwẹ ọẹn re, ẹ i ghi rrọ.

Job 30:1

Sokpan, emwa ni ma sẹ ihua mwẹ gha ya mwẹ gbe ogie nian. Emwa ne erha iran ma sẹ ọmwa ne I gha giẹ lele ekita mwẹ, ne iran ya gha gbe aro ghe ohuan mwẹ.

Psalm 22:6

Sokpan, mẹ i ghi re ọmwa, ọkhọe mẹ khin, ne emwa hia zan, kevbe ne a kan fua.

Psalm 42:10

Ihẹn ne iran tie mẹ rẹnkhẹn mwẹ uan Vbene iran na nọ mwẹ yan egbe wẹẹ, “Osanobua ruẹ vbọ?”

Itan 20:11

Ọvbokhan sẹtin rhie egbe ọmwa ne irẹn khin ma vbekpa vbene ọ ru emwi hẹ, wẹ gha wa rẹn a dẹghe ọmwa esi ne ọ ta ẹmwata ọ re nọ.

Itan 22:10

Wa yuo ọmwa ne ọ ya obọ rra ẹwẹe ọre fua vbe imuan ẹmwẹ, ẹzọ, kevbe ovan ne a tie egbe re ghi fo vbe otọ.

Eve Orriara 1:7

Itowa ne ọ rre ivbiẹ ghi nọ na Jerusalẹm do ye ẹghẹ ne ọ na rre atẹ rre. Ẹghẹ ne obọ eghian ghi na gba ẹre a ma ghi miẹn ọmwa ne ọ yi ọre obọ. Iran ni khọn mu ẹẹn keghi yae gha gbogiẹ ye ne ọna de guọghọ ua.

Galatia 4:22

Ọ wẹẹ: Ebraham kegha mwẹ emọ ikpia eva. Ọkpa vbọ re ne okhuo ne ọviẹn ọmwa biẹ ẹe, nọkpa keghi re ne okhuo ne ẹ i re ọviẹn ọmwa biẹ ẹe.

Galatia 4:29

Vbe ẹghẹ nii, ọmwa ne a hiẹ ẹe zẹ vbene a ya biẹ nii, kegha zẹ ọmọ ne a la ekpa Orhiọn Osanobua bie kpokpo, erriọ ọre ọ wa vbe ye na nian.

Hibru 11:36

A ye eso gbe ogiẹ, a gbe iran asan, a keghi munọ eso gbalọ hẹ ku uwu ẹwẹdọ.