Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Gẹnẹsis 21:8 - Edo Bible (E Baibol Ẹdo) Version 1996

8 Ọmọ nii keghi wan, vbe ẹdẹ ne a ghi fian ẹre ewẹn, Ebraham keghi le evbare eghọ nọkhua.

အခန်းကိုကြည့်ပါ။ ကော်ပီ




Gẹnẹsis 21:8
16 ပူးပေါင်းရင်းမြစ်များ  

Sokpan rẹn keghi ye gha rhẹrhẹ iran, vbe okiekie, iran na lelẹe gha rrie owa ẹre. E Lọt keghi wẹ ne eguọmwadia ẹre le ebrẹd, ọ na le evbare esiesi ne iran, iran na re.


Ọ keghi rhie tẹe wẹẹ, “De ọmwa ne ọ gha te sẹtin tae ma Ebraham ighe Sera gha koko emọ, sevba ghe vbe I biẹ ọmọ okpia nẹẹn vbe I khian ọmaẹn nẹ.”


Ẹdẹ ikẹtin ghi rre, Ismẹl ne Hega ne ovbi Igipt biẹ ne Ebraham keghi gha gu Aizik ne ovbi e Sera ku.


Aizik keghi le evbare ne iran, iran na re, iran na da.


Ẹre Leban na le evbare irhiọha, ọ na tie emwa hia sẹ owa.


Vbe ikpẹdẹ ne ogieha ne ọ re ẹdẹ ayere ubiẹmwẹ Fero, ọ keghi le evbare ne avbe ọruemwi ẹnrẹn hia, ọ keghi tie ne ọsiẹnro ayọn rẹn kevbe ọkaolotu iran ni le ebrẹd ye odaro avbe ọruemwi ẹnrẹn.


Abna keghi viọ arhin ugie ba egbe bu e Devid gha die Hibrọn. E Devid keghi le evbare ya mu ọghọ ye iran egbe.


E Solomọn ghi rhiọrre ọ keghi miẹn wẹ te Osanobua gu irẹn guan vbe imina. Ẹre ọ na gha rrie Jerusalẹm, ọ na ya mudia ye odaro Ẹkpẹti Ile e Nọyaẹnmwa, ọ na zọ ese ne a giẹn uan kevbe ọghe isara ghe Nọyaẹnmwa. Iyeke ọnii, ọ keghi le evbare ne emwa rẹn hia re.


Ọ ghi rre ukpo eha ne ọ rriọba, ọ keghi do le evbare tie avbe iran ni rre asẹ kevbe eghaẹvbo ẹre hia sẹ owa. Ivbiyokuo e Pẹsia kevbe Midia keghi vbe gha rre evba, erriọ vbe nọ ne iran ni khaemwisẹ kevbe avbe egbesẹmwegie ni rre otọe nii hia.


Banbanna nian, ọghomwẹ sẹ mwẹ ọkẹn, egbe vbe rọkhọ mwẹ, zẹ vbene ọmọ hẹko lovbiẹ vbe ekuabọ iyẹe, erriọ ọ re ekhọe mwẹ hẹko hunwan vbe uwu imẹ.


E Goma ghi vbe fian ovbi ẹre ewẹn nẹ, ọ keghi vbe dọlegbe hanmwa, ọ na vbe biẹ ọmokpia ọvbehe.


Erha ẹe kegha rrie owa ọmọ okhuo nii, ọ re Samsin na le evbare tie emwa sẹ owa vbe evba. Erriọ ọ re avbe igbama gha a ru ẹe.


E Samsin keghi tama iran wẹẹ, “I ra mu ibo ọkpa ne uwa san. Wa i ra sẹtin san rẹn ikpẹdẹ ihinrọn ọghe iruemwi na te do gberra sokpan deghẹ wa sẹtin, I gha viọ ukhiọnfọ eto ovbiohuẹ ọgban ne mose mose kevbe ẹwu ne mose mose ughughan ọgban ne uwa.” Iran keghi tama rẹn, “Ta ibo ruẹ ma ima, gie ima họn ẹn.”


Sokpan, e Hanna ma yo. Ọ keghi tama ọdọ ẹre wẹẹ, “Ọmọ na gha ghi wa fian ewẹn nẹ, I ghi rhie ẹre gha rrie owa Osanobua, ọ ghi ya gha rre evba vbe ẹdẹ agbọn rẹn hia.”


Ugbẹn vbe ọ ghi fian ẹre ewẹn nẹ, ọ keghi rhie ẹre gha rrie Siailo, ọ keghi mu ẹkhuia ẹmila ne ọ rre ukpo eha mwẹ kevbe ọduẹki irhuarhua kevbe ọgọ ohian ayọn ọkpa vbene ọ ru ọvbokhan sẹ nii, ọ keghi rhie ẹre gha rrie owa e Nọyaẹnmwa vbe Siailo.


Abigẹl keghi bu e Nabal gha khian vbe ọ wa rre eghọ, egbe ne ọ kei ne ọba. Ayọn gbe ẹe, ọ keghi wa vbe hẹ yo hẹ rre, rhunmwuda ọnii, Abigẹl ma vbe ta ẹmwẹ ọkpa ma rẹn ẹdẹ te dọ gbe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ