Gẹnẹsis 21:34 - Edo Bible (E Baibol Ẹdo) Version 1996

³⁴ Ebraham kegha rre ẹvbo avbe Filistin vbe ẹghẹ ne ọ taẹn.

Gẹnẹsis 21:34 ပူးပေါင်းရင်းမြစ်များ

Gẹnẹsis 20:1

Ebraham keghi si kpao vbe Mamrẹ gha rrie isoko Kenan, o na bu agọ ye ẹkpo Kedẹs kevbe Siuọ, ẹghẹ ne ọ na gha rre Gera.

Gẹnẹsis 22:19

Ebraham keghi dọlegbe bu avbe eguọmwadia ẹre, iran hia keghi werriegbe gha die Biẹsiẹba ne ọ gha ye.

I Krọnikol 29:15

E Nọyaẹnmwa, wẹ rẹnrẹn wẹ te ima la agbọn na gberra vbe emwa ni rrie iwe kevbe ekhẹn vbene avbe enikaro vbe ru. Te ẹdẹ agbọn mwa yevbe aghọnghọn ni rhie gberra khian, ma i sẹtin lẹ uwu fe.

Psalm 39:12

Họn erhunmwu mwẹ Nọyaẹnmwa ne u vbe rhie ehọ ye eve mwẹ larre ne u do yọmwẹ obọ vbe I a gha viẹ. Ẹghẹ kherhe ọ re I mwẹ ne I gha ya vbe ehe ne u ye. Zẹ vbene avbe erha mwẹ odede vbe ye.

Hibru 11:13

Uwu iyayi ọre iran na hia na wulo. Emwi ne Osanobua ve ma he sẹ iran obọ, sokpan urria gbaan iran na bẹghe iran, iran keghi rhan obọ miẹn iran, iran keghi ye unu iran miẹn kue ma emwa hia wẹ, erhunmwuyẹn kevbe ekhẹn ọre iran khin vbe agbọn na.

Hibru 11:9

Vbe ekpa iyayi, rẹn keghi yin ẹvbo nii ne Osanobua ve ẹre re, vbene a miẹn wẹ orhunmwuyẹn rẹn khin. Rẹn keghi yin okhogbo ukpọn, irẹn kevbe Aizik kevbe Jekọb ne Osanobua vbe ve ẹre emwi vberriọ.

I Pita 2:11

I rinmwian uwa, wa ne avbe ọse mwẹ, zẹ vbe avbe erhunmwuyẹn kevbe emwa ne ọlọghọmwa werrie ẹre owa vbe agbọn na! Wa ghẹ rhie otọ ne orriarria egbe, emwi ne ọ gu orhiọn gbinna vbe ẹghẹ hia.