Gẹnẹsis 21:3 - Edo Bible (E Baibol Ẹdo) Version 1996

³ Ebraham keghi he ovbi ẹre Aizik.

Gẹnẹsis 21:3 ပူးပေါင်းရင်းမြစ်များ

Gẹnẹsis 17:19

Sokpan Osanobua tama rẹn wẹẹ, “U baeku, Sera ne amwẹ ọn gha biẹ ọmọ okpia nuẹn, wẹ ghi he ẹre Aizik. I gha ye ile ne I tae rre vbe ẹghẹ ọre kevbe ọghe uniẹn ọnrẹn, ile etẹbitẹ nọ.

Gẹnẹsis 21:12

Sokpan, Osanobua ke tama Ebraham wẹẹ, “Ghẹ mu ẹmwẹ ọmọ okpia nii roro kevbe ọviẹn ighẹ Hega. Ru emwi ne Sera rhirhi tama ruẹn, rhunmwuda, urho Aizik ọre uniẹn ne I ve nuẹn ra la rre.

Gẹnẹsis 21:6

Sera keghi kha wẹ, “Osanobua rhie oghọghọ mẹ, ọ vbe zẹ mwẹ ogiẹ. Ọmwaikọmwa ne ọ họẹn gha gunmwẹ gie.”

Gẹnẹsis 22:2

Osanobua keghi kha wẹẹ, “Rhie ovbuẹ, ovbuẹ ne ukpọmọkpa ighẹ Aizik ne u ho ẹmwẹ ọnrẹn, ne u gha rrie otọ Moraia. U ghi ya yae zọ ese na giuan, vbe uhunmwu oke ne I gha rhie ma ruẹn.”

Gẹnẹsis 25:19

Itan Aizik ne ovbi Ebraham ọre ọna khin.

Matiu 1:2

Ebraham ọrọre erha Aizik. Aizik keghi vbe re erha Jekọb. Jekọb ọrọre erha Juda kevbe etiọnrẹn.

Iwinna 7:8

Ẹghẹ nii ọre Osanobua na rhie iruemwi arhuẹ ne Ebraham, zẹ vbe ama ọghe ile nii. Ebraham keghi rhuẹ Aizik vbe ọ rre uzọla ọkpa ne a biẹ ọe. Aizik keghi rhuẹ Jekọb, Jekọb keghi rhuẹ avbe erha mwa odede ne iweva.

Ebe ne Pọl gbẹẹn gie emwa Rom 9:7

Erriọ vbe nọ, ẹ i re ivbi uniẹn Ebraham hia ọre ọ vbe re ivbi Osanobua, rhunmwuda Osanobua tama Ebraham wẹẹ, “Ivbi uniẹn Aizik ọkpa ọre a gha ka ye ọwuẹ.”

Hibru 11:18

Osanobua ka tama rẹn nẹ wẹẹ, “Urho Aizik ọre u ra na gha mwẹ uniẹn ruẹn.”

Jọsua 24:3

Ẹre I na rhie Ebraham hin otọe ni rre, fian Yufretes rra, I na su ẹe la otọ Kenan, ehe ne ọ sẹe ehe ne ọ rhanmwẹ. I kevbe viọ emọ ni bun ne ẹẹn, I rhie Aizik ne ẹẹn,