Gẹnẹsis 21:21 - Edo Bible (E Baibol Ẹdo) Version 1996

²¹ Iyẹe keghi ya rhie okhuo ke Igipt giẹe.

Gẹnẹsis 21:21 ပူးပေါင်းရင်းမြစ်များ

Gẹnẹsis 14:6

Ke Horit ne ọ rre uhunmwu oke ọghe Idọm rhinrin yasẹ Elparan ne ọ rre vbe a ra la ato fo.

Gẹnẹsis 16:3

Ẹre Serai ghi na rhie Hega ne ọviẹn ọnrẹn ne ovbi Igipt ne Ebram rhie rọnmwẹ (Emwi na sunu iyeke vbe Ebram gbe ukpo igbe nẹ, vbe Kenan).

Gẹnẹsis 25:18

Uniẹn Ismẹl kegha rre otọ ne ọ rre ẹkpo Havila kevbe Siọ vbe odẹ ahọ Igipt vbe odẹ ne a la ye Siria. Iran ke yan egbe fua vbe egbe etẹn iran, ne ivbi uniẹn Ebraham ya yin ehe ọvbehe.

Gẹnẹsis 27:46

Ribẹka keghi tama Aizik wẹẹ. “Egbe ikhuo eghọẹn ne Isọ viọre wọ mwẹ, ẹtin iran fo mwẹ. A i ghẹ miẹn wẹ te Jekọb ghi vbe rhie vbe ivbi e Hiti na, ọnii ọre I ghi na wu!”

I Ọba 11:18

E Midian iran ke kpao, iran na gha rrie Paran, emwa ọvbehe eso keghi vbe deba iran vbe evba, ẹre iran ghi na gha rrie Igipt. Iran keghi bu ọba gha khian, ọnii na mu otọe eso ne Hadad, deba owa ọkpa ọ na vbe gha rhie evbare ne ẹẹn.

II Krọnikol 24:3

E Jehoiada keghi viọ ikhuo eva ne Joas ne ọba, iran na biẹlẹ emọ ikpia kevbe emọ ikhuo ne ẹẹn.

Jerimaia 29:6

Wa viọ ikhuo ne uwa biẹlẹ. Wa vbe gie avbe ivbi uwa viọ ikhuo, ne iran vbe miẹn ehe na biẹlẹ emọ. Te ọ kere ne uwa gha bun yọ ne uwa ghẹ yẹkẹ.

Habakọk 3:3

Osanobua dọlegbe ke Idọm dee, Osanobua ke oke Paran nọhuanrẹn dee. Ose ẹre gba ẹrinmwi fo, agbọn kevbe vuọn ne urhomwẹ ọnrẹn.

Nọmbas 10:12

Ọre ivbi Izrẹl na deyan okhian iran, ne iran ya kpao vbe Oke Sainai rre. Okuku ni keghi do yakọ vbe ẹgbo ọghe Paran.

Nọmbas 12:16

Ẹre iran na kpao vbe Hazẹrot ya gbe agọ ye Paran.

Nọmbas 13:26

e Mosis, Errọn kevbe ivbi Izrẹl hia gha die Kedẹs vbe ẹgbo Paran. Iran keghi na iyẹn emwi ne iran miẹn, iran na vbe mu ọmọ erhan ne iran viọ rre ma iran.

Nọmbas 13:3

E Mosis keghi ru vberriọ ọ na ke ẹgbo Paran gie avbe ọkaolotu na gha khian: Ẹwae Ọkaolotu Ẹwae Riubẹn e Siamua ne ovbi Zakọ E Simiọn e Siafat ne ovbi e Hori E Juda e Kelẹb ne ovbi e Jefunẹ Isaaka Igal ne ovbi e Josẹf Ifreim e Hosia ne ovbi e Nọn E Bẹnjamin e Palti ne ovbi e Rafa E Zebulọn e Gadiẹl ne ovbi e Sodi E Manasẹ e Gadi ne ovbi e Susi E Dan Amiẹl ne ovbi e Gemani Asia e Setọ ne ovbi e Maikẹl Naftali e Nabi ne ovbi e Vopsi E Gad e Gẹuẹl ne ovbi e Makai

I Kọrinti 7:38

Ọmwa ne ọ rhie okhuo ọghọe rọnmwẹ yin ẹse, sokpan ne ọ ma rhie okhuo rọnmwẹ ọre ọ yevbe yin ẹse sẹ.

Giọgis 14:2

Rẹn keghi dọlegbe gha rrie owa, ọ na tama erha ẹe kevbe iye ẹe wẹẹ, “I ye aro ba ọmọ okhuo e Filistia ọkpa vbe Timna, wa rhie ẹre mẹ, I ho ne I rhie ẹre rọnmwẹ.”

I Samuẹl 25:1

E Samuẹl keghi wu, ọre ivbi Izrẹl hia na si koko, iran na do khiẹ ọre. Iran na ghi re ẹre ye Rama ne ẹvbo ẹre. Vbe iyeke ọnọna, e Devid keghi kpao, ọ na gha rrie ẹgbo ọghe Paran.