Gẹnẹsis 21:17 - Edo Bible (E Baibol Ẹdo) Version 1996

¹⁷ Osanobua keghi họn vbe ọmọ nii viẹ; odibo Osanobua keghi gu Hega guan ke ẹrinmwi rre, “De emwi nọ ruẹ yi Hega? Ghẹ gie ohan muẹn. Osanobua họn eve ọmọ nii nẹ.

Gẹnẹsis 21:17 ပူးပေါင်းရင်းမြစ်များ

Gẹnẹsis 15:1

Vbe iyeke ọnọna, Ebram keghi miẹn umian, ọ na họn vbe Nọyaẹnmwa guẹe guan wẹẹ, “Ghẹ mu ohan Ebram, Mẹ ọ re asa ne ọ gha degue ruẹ I gha ruẹ ẹse nọkpọlọ ẹsẹse.”

Gẹnẹsis 16:11

Ọmọ okpia u ra biẹ na, u gha he ẹnrẹn Ismẹl rhunmwuda Nọyaẹnmwa họn eve ọlọghọmwa ruẹn.

Gẹnẹsis 16:7

Odibosa e Nọyaẹnmwa keghi miẹn Hega vbe ọkpẹn ẹzẹ ne ọ rre ato vbe odẹ ne a la sẹ Siọ.

Gẹnẹsis 16:8

Ọ na kha wẹẹ, “Hega ne ọviẹn Serai, vbua rrie vbua ke dee?” Ọ keghi kha wẹẹ, “Te I lẹ kpa sẹ arowa mwẹ nokhuo rae.”

Gẹnẹsis 16:9

Rẹn keghi kha wẹẹ, “Dọlegbe bu ẹre gha khian ne u ya gha re ọviẹn ọnrẹn.”

Gẹnẹsis 22:11

Sokpan, odibo Nọyaẹnmwa keghi datie ẹre ke ẹrinmwi rre, “Ebraham, Ebraham!” Rẹn keghi wanniẹn wẹẹ, “Ee, ghe mwẹ mwa.”

Gẹnẹsis 24:7

Nọyaẹnmwa, Osanobua ẹrinmwi kevbe agbọn ọre ọ rhie mwẹ ke owa erha mwẹ ladian hin otọ avbe etẹn mwẹ rre, ọ na vbe yan ma mwẹ ighẹ rẹn gha mu otọ na ne imẹ kevbe uniẹn mwẹ, ọ gha gie odibo ẹre ke odaro nuẹn ne u miẹn ehe na miẹn okhuo rhie ne ovbi mwẹ vbe evba.

Gẹnẹsis 26:24

Vbe Asọn nii e Nọyaẹnmwa keghi rhiegbe ma rẹn, ọ wẹẹ, “Mẹ ọrọre Osanobua Ebraham ne erha a. Ghẹ gie ohan muẹn, I rrọọ yaba ruẹ I gha fiangbuẹ, I gha vbe viọ ivbi uniẹn nibun nuẹn rhunmwuda Ebraham ne ọguọmwadia mwẹ.”

Gẹnẹsis 46:3

“Mẹ ọrọre Osanobua, ọghe erha a, ghẹ gie ohan muẹn ne u gha rrie Igipt, I gha ya uniẹn ivbuẹ khian okpẹvbo vbe evba.

II Ọba 13:23

sokpan e Nọyaẹnmwa keghi mwẹ itohan kevbe ẹnina ghe iran, ọ ma gie a wa fuẹn iran an, sokpan, ọ keghi yi iran obọ rhunmwuda ile ne ọ gu Ebraham, Aizik kevbe Jekọb ta. Ọ ma he mianmian emwa rẹn ẹdẹ.

II Ọba 13:4

Ẹre Jehoahaz na na erhunmwu ghe Nọyaẹnmwa, ugbẹn vbe Nọyaẹnmwa ghi miẹn obọ dan ne ọba e Siria ya mu ivbi Izrẹl, ọ keghi họn erhunmwu ẹnrẹn.

Psalm 10:14

Sokpan, wẹ bẹghe ẹre, wẹ vbe zẹ ye ọlọghọmwa kevbe oya ne emwa re, u vbe mu egbe ne u ya ru iyobọ ẹghẹ hia. Wẹ, ọ re ọmwa ne ne ẹi mwẹ iyobọ lẹgbinna, wẹ ọ re ọ ye ne ẹi mwẹ iyobọ obọ, ke otọ gha dee.

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Psalm 6:8

Wa kpao vbe ehe ni I ye rre, emwa dan, E Nọyaẹnmwa họn eve mwẹ nẹ.

Psalm 65:2

Rhunmwuda ne u na họn erhunmwu, emwa hia gha ke ehe hia bu ruẹ rre, rhunmwuda orukhọ iran.

Psalm 91:15

Iran gha kpe tie mwẹ, I gha yaba iran vbe iran a gha rre uwu ibaro. I gha miẹn iran fan I gha vbe ye ọghọ ne iran.

Ẹksọdọs 14:13

E Mosis keghi wanniẹn tama emwa nii wẹẹ, “Wa ghẹ fian afianma. Wa mudia gbain ne uwa gha ghe emwi ne Nọyaẹnmwa gha ru ya miẹn uwa fan ẹrẹna; ivbi Igipt ne uwa miẹn ẹrẹna, wa i ghi ra dọlegbe miẹn iran ọvbehe.

Ẹksọdọs 22:23

Wa gha ru iran khọ, iran na tu ma mwẹ nọ iyobọ, I gha zẹmwẹ wanniẹn iran.

Ẹksọdọs 22:27

Rhunmwuda ọnii ọkpa ọre ọ mwẹ ne ẹ i ra gie ọnii gbe ẹe. De emwi ọvbehe ne ọ gha ghi ya hin egbe? Ọ gha tu ma mwẹ nọ iyobọ, I gha zẹmwẹ wanniẹn ọẹn rhunmwuda ọmwa itohan mẹ khin.

Ẹksọdọs 3:2

Odibo e Nọyaẹnmwa keghi rhie egbe ma rẹn zẹ vbe erhẹn ne ọ baa vbe uwu oha. E Mosis keghi miẹn wẹ erhẹn mu vẹn vbe oha nii sokpan emwi rhọkpa ma giẹn.

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Aizaia 22:1

Uhunmwu ne a gie vbekpa Iya Umian ọ re ọna khin. Demwi ne ọ sunu na yi? Vbọzẹ ne emwa hia na gbe izabọbọ vbe uhunmwu owa iran yi?

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Matiu 15:32

Jesu keghi tie avbe erhuanegbe ẹre, ọ tama iran wẹẹ, “Ohan avbe emwa na wa to mwẹ rhunmwuda ikpẹdẹ eha gha dee iran kegha gun mwẹ rre emwa, evbare ighi gue iran nian. I ma ho ne I zẹ iran urrie vbe ẹko ohanmwẹ ne iran ghẹ ya sahẹ vbe odẹ.”

Iyẹn ne ọ Maan Ọghe Mak 5:36

Jesu ma zẹ ye ẹmwẹ ne iran tae sokpan ọ khama rẹn wẹẹ, “Ghẹ fian afianma, sokpan yayi.”

Diuteronomi 26:7

“ ‘Ẹre ima na datie Nọyaẹnmwa Osanobua avbe erha mwa odede ne ọ ye ima obọ. Rẹn keghi họn urhu mwa, ọ miẹn oya ne ima re kevbe ọlọghọmwa usẹ ne ima ye.

Giọgis 18:23

Iran na go yan iran. Ẹre emwa e Dan na fi egbe werrie, iran nọ e Maika wẹẹ, “Vbe ọ khin na yi? Vbe iran na si ọbọbọ rrie?”

I Samuẹl 11:5

Ẹghẹ na, e Sọl wa ke ugbo dee ke ẹe kevbe avbe ẹkhuia ẹmila ẹre, ọ keghi nọ wẹẹ, “De emwi ne ọ sunu yi? Vbọzẹ ne emwa hia na viẹ yi?” Iran keghi na iyẹn ma rẹn vbene emwa ni ke Jabẹs rre kha hẹ.