Gẹnẹsis 21:16 - Edo Bible (E Baibol Ẹdo) Version 1996

¹⁶ ọ na ya tota vbe omwa izowẹ iyisẹn, ọ na ye ekhọe tae wẹẹ, “Mẹ i sẹtin yan aro a gha ghe ọmọ nii vbe ọ wu khian.” Ugbẹn vbe irẹn ghi tota ye evba, rẹn na ghi gha viẹ.

Gẹnẹsis 21:16 ပူးပေါင်းရင်းမြစ်များ

Gẹnẹsis 21:15

Ugbẹn vbe amẹ nii ghi fo, rẹn na ban ọmọ nii mu ye ototọ irhu,

Gẹnẹsis 27:38

Isọ keghi ye gha rinmwian erha ẹe, “Afiangbe ọkpa kẹkan wẹ mwẹ ra erha mwẹ? Vbe fiangbe imẹ evbavba!” ọ keghi kpe orhu eve ua.

Gẹnẹsis 29:11

Ọ keghi ye unu Soso ọmọ okhuo nii unu, ọ na gha viẹ.

Gẹnẹsis 44:34

Vbia ra bu erha mwẹ gha rrie owa hẹ vbe ne ọvbokhan nii i na gue mwẹ? Mẹ i sẹtin zin ẹnrẹn ne I miẹn ọkhọ vbe nian ne ọ sunu vbe egbe erha mwẹ.”

I Ọba 17:12

Okhuo ni keghi wanniẹn wẹẹ, “I ya eni Nọyaẹnmwa nọ rrọọ ne Osanobua ruẹ vẹn ihẹn wẹ, I i mwẹ ebrẹd hiehie. Emwi ne I ghi mwẹ ma gberra ovbi irhuarhua kherhe vbe uzokpo kevbe ofigbọn oliv kherhe vbe ovbi ẹluba. Te I rre do ho erhan na ne I ya le evbare kherhe ne ọ ghi guemwẹ ne imẹ vbe ovbi mwẹ. Evbare okiekie ima ọ re onii khin. Iyeke onii, ohanmwẹ ghi gbele ima an.”

I Ọba 3:26

Ekhọe okhuo ne ọ yan ọmọ keghi vuọn ne agiẹngiẹn ovbi ẹre, ọ keghi kha ma ọba wẹẹ, “U gha tọ u kpẹre Umogun, ghẹ gbe ọmọ nii uan, mu ne ẹẹn.” Sokpan, okhuo nọkpa keghi kha wẹẹ, “Ghẹ mu ẹẹn ne ọmwa rhọkpa vbe uwu ima, fian ẹre eva.”

Ẹsta 8:6

Vbia ra ru hẹ, a deghẹ emwi dan na sunu vbe egbe emwa mwẹ, a na vbe gbele avbe etẹn mwẹ.”

Aizaia 49:15

Rhunmwuda ọnii, e Nọyaẹnmwa keghi kha wẹẹ, “Okhuo gha sẹtin mianmian ọmọ ne ọ biẹe ra ne ọ ghẹ ho ẹmwẹ ovbi ẹre ne ọ biẹe? Ọ gha khọn rẹn ne okhuo sẹtin mianmian ovbi ẹre mẹ i ra mianmian uwẹ ẹdẹdẹmwẹdẹ.

Jerimaia 6:26

E Nọyaẹnmwa khama emwa rẹn wẹẹ, “Wa viọ ukpọn akhiẹ ye egbe ne uwa gha wunnu vbe uwu emuẹn, wa ye ameve ne ọ rriara khiẹ zẹ vbe ne ọmwa gha khiẹ ukpọmọkpa, rhunmwuda emwa ne ọ ra do fuẹn uwa a gha dekun uwa vbe amaro amakọ.

Emọs 8:10

I gha ru ẹe ne uwa khiokhio eto, na uwa vbe viọ ukpọn akhiẹ ye egbe. Wa ghi ye vbe evbibiemọ ni khiẹ ukpọmọkpa ne iran biẹe. Tẹ ẹdẹ ne ẹdẹrriọ ra wa rriara ne ebi ro.

Zẹkaraia 12:10

“I gha ye orhiọn itohan kevbe orhiọn erhunmwu vuọn ivbi uniẹn e Devid ni rre Jerusalẹm kevbe ivbi Jerusalẹm ọvbehe. Iran gha ghe ọmwa ne a ya agbada bi gbe ua, iran gha vbe khiẹ ọre vbe ọmwa ne ọ khiẹ ukpọmọkpa ne ọ mwẹ. Iran gha viẹ eve orriara zẹ vbe ọmwa ne ọmọdiọn rẹn nokpia wu.

Iyẹn ne ọ Maan Ọghe Luk 15:20

Ọ keghi kpao bu erha ẹe gha khian. “Urria gbaan ọre ọ he ye vbe erha ẹe dẹghe ẹre, ekhọe nọẹn ruan, ọ na rhulẹ bu ẹre, ọ gba ẹe ginna egbe, ọ na mu ẹre unu hiẹnhien.

Giọgis 2:4

Odibosa nii ghi ta ọna nẹ, ivbi Izrẹl hia keghi gbe eve ua

Ebe Rut 1:9

E Nọyaẹnmwa ne ọ lahọ ne ọ gie uwa miẹn ọdọ rọnmwẹ ne uwa vbe gha mwẹ owa.” Ẹre Naomi na mu iran unu hiẹnhiẹn ya gbe ọ khian ẹdẹ hia ne iran. Sokpan, iran keghi kpe rua a.

I Samuẹl 24:16

E Devid ghi guan fo nẹ, e Sọl keghi kha wẹẹ, “Wẹ ọnii gele khin ra Devid ne ovbi mwẹ?” Ọ keghi suẹn gha viẹ.

I Samuẹl 30:4

E Devid kevbe emwa rẹn ke gbe eve ua, iran keghi viẹ viẹ viẹ a te do miẹn wẹ orhiọn ighi rre iran iwu hiehiere.