Gẹnẹsis 21:15 - Edo Bible (E Baibol Ẹdo) Version 1996

¹⁵ Ugbẹn vbe amẹ nii ghi fo, rẹn na ban ọmọ nii mu ye ototọ irhu,

Gẹnẹsis 21:15 ပူးပေါင်းရင်းမြစ်များ

Gẹnẹsis 21:14

Vbe owiẹ vbe ẹdẹ ghi gbe, Ebraham keghi rhie evbare eso kevbe ọgọ ohian ne amẹ voẹn ne Hega. Ọ keghi mu ọmọ nii vbovbo eẹ, ọ na wẹẹ ne iran gha rrie. Okhuo nii keghi kpao, ọ na ya gha bibi lele uwe ẹgbo Biẹsiẹba khian.

Gẹnẹsis 21:16

ọ na ya tota vbe omwa izowẹ iyisẹn, ọ na ye ekhọe tae wẹẹ, “Mẹ i sẹtin yan aro a gha ghe ọmọ nii vbe ọ wu khian.” Ugbẹn vbe irẹn ghi tota ye evba, rẹn na ghi gha viẹ.

I Ọba 17:12

Okhuo ni keghi wanniẹn wẹẹ, “I ya eni Nọyaẹnmwa nọ rrọọ ne Osanobua ruẹ vẹn ihẹn wẹ, I i mwẹ ebrẹd hiehie. Emwi ne I ghi mwẹ ma gberra ovbi irhuarhua kherhe vbe uzokpo kevbe ofigbọn oliv kherhe vbe ovbi ẹluba. Te I rre do ho erhan na ne I ya le evbare kherhe ne ọ ghi guemwẹ ne imẹ vbe ovbi mwẹ. Evbare okiekie ima ọ re onii khin. Iyeke onii, ohanmwẹ ghi gbele ima an.”

II Ọba 3:9

Ẹre Joram ne ọba, deba ọba ọghe Juda kevbe Idọm na ladian. Iran ghi khian okhian ikpẹdẹ ihinrọn nẹ, amẹ ne a wọn na fo, emwa ne agbọn, kevbe avbe aranmwẹ ni bun ni hẹ ihẹ khian, ne ọ ghi miẹn wọn, ẹ i rrọọ.

Psalm 63:1

Osanobua, wẹ ọrọre Osanobua mwẹ ekhọe mwẹ vbe gualọ ọ. Egbe mwẹ hia wa gualọ ọ zẹvbe otọe ne ọ kae ne ọ fafaa kevbe zẹvbe otọ ne amẹ i ye ohanmwẹ amẹ ruẹn gbe ekhọe mwẹ.

Aizaia 44:12

Avbe ogun ematọn ghi rhie ematọn, ọ ghi mu ẹẹn ye erhẹn gha winna yan. Obọ ẹre ne ọ wegbe ghi gha fi umọmọ ne ọ miẹn ehe na dunmwu ematọn ye ama vbene ọ gha na gha mwẹ ona. Vbe ẹghẹ ne ọ ya ru ẹe nii, ovbamẹ ghi gbẹe, ohanmwẹ amẹ ghi gbẹe, egbe ghi wọ ẹre.

Jerimaia 14:3

Avbe iran ni fe gha gie eguọmwadia iran ne iran ya sa amẹ rre, iran yo uhae nibun sokpan amẹ i rrọọ, iran keghi viọ uru ohogha gha die owa, egbe wọ iran, iro han iran, iran keghi viọ aro lẹre rhunmwuda ekhue.