Gẹnẹsis 21:10 - Edo Bible (E Baibol Ẹdo) Version 1996

¹⁰ E Sera ghi miẹn ọẹn, ọ na tama Ebraham wẹẹ, “Khu okhuo ọviẹn na vbe ovbi ẹre ladian. Ọ ma kei ne ovbi okhuo ọviẹn na ghae vbe ukhu ruẹ ne Aizik ne ovbi mwẹ gha re”.

Gẹnẹsis 21:10 ပူးပေါင်းရင်းမြစ်များ

Gẹnẹsis 17:19

Sokpan Osanobua tama rẹn wẹẹ, “U baeku, Sera ne amwẹ ọn gha biẹ ọmọ okpia nuẹn, wẹ ghi he ẹre Aizik. I gha ye ile ne I tae rre vbe ẹghẹ ọre kevbe ọghe uniẹn ọnrẹn, ile etẹbitẹ nọ.

Gẹnẹsis 20:11

Ebraham keghi wanniẹn wẹẹ, “Te I te gha ro wẹ ọmwa nọ mu ohan Osanobua i rre edinran kevbe wẹ, iran gha gbe mwẹ uan ne iran miẹn ehe na rhie ọvbokhan mwẹ.

Gẹnẹsis 22:10

Ọ keghi gu agbada rhie ne ọ gbẹe rua.

Gẹnẹsis 25:19

Itan Aizik ne ovbi Ebraham ọre ọna khin.

Gẹnẹsis 25:6

Sokpan vbe ọ te wu, ọ keghi ye emwi ne avbe ivbi ẹre nikpia nekpa ne avbe amwẹ ọnrẹn nekpa biẹlẹ nẹẹn. Ọ keghi gie iran gha rrie odẹ ahọ, lahin ehe ne Aizik ne ovbi ẹre ye rre.

Itan 22:10

Wa yuo ọmwa ne ọ ya obọ rra ẹwẹe ọre fua vbe imuan ẹmwẹ, ẹzọ, kevbe ovan ne a tie egbe re ghi fo vbe otọ.

Matiu 22:13

Ẹkpo nii ọre ọba ghi na khama avbe eguọmwadia ẹre wẹẹ, ‘Wa gba ẹre obọ gba ẹre owẹ, ne uwa mu ẹn fi uwu ebiebi vbe ore, ne ọ ya gha viẹ egbe kevbe ne ọ ya gha rri akọn vbe evba.’ ”

Iyẹn ne ọ Maan Ọghe Jọn 8:35

Ọviẹn i sẹtin gha re ovbi e ogbẹ rhinrin, sokpan enọ, ovbi ogbẹ nọ rhinrin.

Galatia 3:18

A deghẹ, ekpa nene Uhi ọre Osanobua gu rhie emwi ne ọmwa, ẹghẹ nii, ẹ i ghi re rhunmwuda emwi ne ọ ve. Vbene ọ rhirhi gha ye hẹ, Osanobua rhie ẹre ne Ebraham rhunmwuda ighẹ te ọ ve ẹe ẹre re.

Galatia 4:7

Rhunmwuda ọnii nian, wa i ghi re eviẹn ọvbehe, sokpan emọ uwa khin. Vbene a ghi na miẹn nian ighẹ ovbi ẹre ọre uwẹ khin, Osanobua gha rhie emwi hia ni re ọghe ivbi ẹre ne uwẹ.

I Pita 1:4

Rhunmwuda ọnii, te ima ghi rhie aro ye odẹ wẹ, ọ gha sẹ ima obọ vbe afiangbe ọrhẹnrhẹn ne Osanobua rhie khẹ emwa rẹn. Ọ rhie ẹre hin rre khẹ uwa vbe ẹrinmwi, ehe ne ẹ i na sẹtin kẹkẹ na ne ọ rhia, ra ne ọ fafaa.

I Jọn 2:19

Vbe ẹmwata, ẹ i re otu ima iran na ye o, ọ ni ọ si ẹe ne iran na kpao sẹ ima rae, akpawẹ otu ima iran ye, te iran gha gu ima tota. Sokpan iran kpao sẹ mwa rae, ne aro miẹn ehe na dae wẹ, ẹ i re otu mwa iran ye.

Giọgis 11:2

Okhuo ne Giliad rhie ye owa kevbe biẹlẹ ne ẹẹn, emọ ne amwẹ ọnrẹn biẹlẹ nẹ ẹn ghi wan rre, iran keghi khu e Jẹfta fua, iran tama rẹn wẹẹ, “Wẹ i ra rri ukhu erha ima rhọkpa rhunmwuda ovbi okhuo ọvbehe ọ re u khin.”