Gẹnẹsis 21:1 - Edo Bible (E Baibol Ẹdo) Version 1996

¹ E Nọyaẹnmwa keghi fiangbe Sera zẹ vbene ọ khare.

Gẹnẹsis 21:1 ပူးပေါင်းရင်းမြစ်များ

Gẹnẹsis 17:16

I gha fiangbẹe, I gha giẹe biẹ ọmọ okpia nuẹn. I gha fiangbẹe, rẹn gha khian iye okpẹvbo nibun. A gha vbe miẹn avbe ọba vbe uniẹn ọnrẹn.”

Gẹnẹsis 17:19

Sokpan Osanobua tama rẹn wẹẹ, “U baeku, Sera ne amwẹ ọn gha biẹ ọmọ okpia nuẹn, wẹ ghi he ẹre Aizik. I gha ye ile ne I tae rre vbe ẹghẹ ọre kevbe ọghe uniẹn ọnrẹn, ile etẹbitẹ nọ.

Gẹnẹsis 18:10

Ọkpa vbe uwe iran keghi wẹẹ, “I tama ruẹn nian, vbe uki ihinrin ne ọ dee mẹ gha dọlegbe rre, e Sera ne amwẹ ọn gha biẹ ọmọ okpia.” Sera kegha danmwehọ vbe odieke iran vbe onurho owa ukpọn.

Gẹnẹsis 18:14

Emwi ọkpa rrọ ne ọ lọghọ ne Nọyaẹnmwa ra? Vbe ẹghẹ ne ọ ke yi, vbe uki ihinrin ne ọ dee, I gha dọlegbe bu ruẹ rre, e Sera gha biẹ ọmọ okpia.”

Gẹnẹsis 24:36

E Sera ne amwẹ arowa mwẹ keghi biẹ ọmọ okpia ọkpa nẹẹn vbe ẹghẹ ọmaẹn ọnrẹn. Arowa mwẹ viọ emwi hia ne ọ mwẹ nẹẹn.

Gẹnẹsis 50:24

Rẹn keghi tama etiọnrẹn wẹẹ, “Te i ghi ra wu na, sokpan Osanobua gha gbearoghe uwa vbe ne a i na gbe awẹawẹ, ọ ghi viọ uwa ke otọe na ladian gha rrie otọe nii ne ọ ve iran ẹre ighẹ Ebraham, Aizik kevbe Jekọb.”

II Ọba 4:17

Sokpan zẹ vbene Elaisia khare, ọ ghi rre ẹghẹ nii vbe ukpo ne ọ lele ẹe, ọ keghi biẹ ọmọ okpia.

Psalm 106:4

Nọyaẹnmwa, u gha ye emwa ruẹn obọ, u gha miẹn iran fan, u ghi rhie mwẹ ba ẹre Nọyaẹnmwa.

Psalm 12:6

Ne ọ gia mu ẹtin yan, ọ re eyan e Nọyaẹnmwa khin. Emwi ọmwata ọ re iran khin zẹ vbe esiliva ne a ya erhẹn kpe igba ihinrọn

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Ẹksọdọs 3:16

Gha khian, ya si avbe ọkaolotu Izrẹl koko ne u tama iran wẹẹ, ‘Mẹ ne Nọyaẹnmwa, Osanobua avbe erha uwa odede, Osanobua ọghe Ebraham, Aizik kevbe Jekọb ọre ọ rhie egbe ma mwẹ, ọre ọ na wẹ ne I tama uwa wẹẹ, “Mẹ do rhuan uwa ghe, I keghi miẹn emwi hia ne ivbi Igipt ru uwa re.

Ẹksọdọs 4:31

Iran keghi yayi, ugbẹn vbe iran ghi họn wẹ Nọyaẹnmwa bu iran gha dee, ighẹ ọ vbe miẹn vbe iran sẹ iran usẹ hẹ, iran keghi ya uhunmwu rhanmwẹ otọ, iran na ga Osanobua.

Matiu 24:35

Ẹrinmwi kevbe agbọn gha gberra, sokpan, ẹmwẹ mwẹ i ra gberra.

Iyẹn ne ọ Maan Ọghe Luk 1:68

“Wa gie a rho Nọyaẹnmwa Osanobua ọghe Izrẹl. Rhunmwuda ọ do ye emwa rẹn obọ, ọ keghi fan iran vbe irri.

Iyẹn ne ọ Maan Ọghe Luk 19:44

Iran gha gbe uẹ ogbefo, ke uwẹ kevbe emwa ni rre uwu odin ruẹn, okuta ọkpa ne a gha sẹ rae ye ihe ẹre ẹ i rrọọ. Rhunmwuda, u ma tie ẹre emwi ẹmwata vbe Osanobua do miẹn ruẹn fan.”

Galatia 4:23

Ovbi ẹre ne okpia ne ọviẹn ọmwa biẹ keghi re ne a biẹ vbene a ya biẹ kẹkan, sokpan ovbi ẹre nọkpa ne okhuo ne ẹ i re ọviẹn ọmwa biẹ, keghi re ne Osanobua ve ẹre re.

Galatia 4:28

Wanwan na nian, ọtẹn mwẹ, ivbi Osanobua ne ọ ve zẹ vbene Aizik ye, ọre uwa khin.

Taitọs 1:2

Idaehọ ẹfe etẹbitẹ ọre a hẹnhẹn ọẹn yan, Osanobua ne ẹ i ta ohoghe, ọ re ọ ve ima arrọọ na, vbe ẹghẹ te do suẹn,

Ebe Rut 1:6

E Naomi keghi họn wẹ e Nọyaẹnmwa ye emwa rẹn obọ, vbene ọ na gie emwiokọ maa ne iran ẹsẹse. Rẹn keghi do mu egbe ne ọ kpao vbe Moab rre ke irẹn kevbe avbe amwẹ ivbi ẹre.

I Samuẹl 1:19

Vbe owiẹ ne ọ lele ẹe, Ẹlkana kevbe ẹgbẹe ọre keghi guakpao, iran ghi gaa e Nọyaẹnmwa nẹ, iran keghi werriegbe gha rrie owa iran vbe Rama. Ẹlkana kevbe Hanna ne amwẹ ọnrẹn keghi miẹn egbe, e Nọyaẹnmwa keghi họn erhunmwu ẹnrẹn.

I Samuẹl 2:21

E Nọyaẹnmwa keghi fiangbe Hanna, ọ keghi biẹlẹ emọ ikpia eha ọvbehe kevbe emọ ikhuo eva ọvbehe. Ọmọ okpia nii ighẹ Samuẹl keghi wan vbe uwu ugamwẹ e Nọyaẹnmwa.