Gẹnẹsis 20:7 - Edo Bible (E Baibol Ẹdo) Version 1996

⁷ Sokpan, banbanna na nian, rhie okhuo nii werriegbe gie ọdọ ẹre. Akhasẹ rẹn khin, ọ gha na erhunmwu nuẹn ne u ghẹ wu. Sokpan, a deghẹ u ma rhie ẹre nẹẹn, I tama ruẹn yotọ nian wẹ te u wu, ke uwẹ kevbe ẹgbẹe ruẹ hia.”

Gẹnẹsis 20:7 ပူးပေါင်းရင်းမြစ်များ

Gẹnẹsis 12:15

Avbe ewọe eso keghi ya tama ọba vbene ọ mose hẹ. Iran keghi rhie ẹre gha rrie ẹguae.

Gẹnẹsis 12:17

Sokpan, rhunmwuda ighẹ Fero rhie Sera, Nọyaẹnmwa keghi gie avbe emianmwẹ dan bu ẹre kevbe emwa ẹguae ẹre hia.

Gẹnẹsis 2:17

Sokpan ọnii ne ọ rhie ẹwaẹn ne a ya rẹn emwi ne ọ maa kevbe ne ẹ i maa ne ọmwa, ghe rri ọmọ rẹn. U gha rriọe, u gha wu ẹdẹ nẹdẹrriọ zẹẹ.”

Gẹnẹsis 20:3

Vbe asọn ọkpa, Osanobua keghi rhie egbe ma rẹn vbe imina, ọ wẹẹ, “Odẹ uwu ọre u gbẹn na, rhunmwuda okhuo ne u rhie re owa ọdọ ọre ọ ye.”

Gẹnẹsis 20:8

Vbe owiẹ vbe ẹdẹ ghi gbe, Abimẹlẹk keghi tie eguọmwadia ẹre hia, ọ na na iyẹn na hia ma iran, ohan keghi mu iran ẹsẹse.

Gẹnẹsis 23:6

“Danmwehọ ima enọwanrẹn. Ọkhaẹmwẹ nọkhua ọre u khin vbe uwe ẹbu ima. Ya re amwọn ọn ye idin ne ọ maa sẹ ne ima mwẹ. Ọkpa vbe uwe ima ne ọ gha wẹẹ rẹn i mu idin ne irẹn yanrẹn nuẹn ne u re orinmwi ruẹn yọ, ẹi rrọ.”

II Samuẹl 24:17

E Devid keghi bẹghe odibo Osa ne ọ gbele emwa nii, ọ keghi tama e Nọyaẹnmwa wẹẹ, “Mẹ ọrọre ọmwa ne ọ rri abe, mẹ ọ re ọ ba emwi ku ru. De emwi ne ivbi ẹrrẹe na ru? Rri imẹ vbe ẹgbẹe mwẹ oya.”

I Ọba 13:6

E Jeroboam ne ọba keghi tama akhasẹ nii wẹẹ, “Lahọ na erhunmwu ghe e Nọyaẹnmwa Osanobua ruẹ mẹ ne u tama rẹn ne ọ dọlọ obọ mwẹ yi.” Akhasẹ keghi na erhunmwu ghe e Nọyaẹnmwa, a keghi dolọ obọ ọba yi.

II Ọba 5:11

Sokpan, e Naaman keghi guọnmwẹ egbe kpao, ọ wẹẹ, “Mẹ te ro wẹ ọ gha ladian, ọ ghi na erhunmwu ghe Osanobua ẹre, ọ ghi ye obọ kan mwẹ ehe ne ọ ye vbe egbe mwẹ, ọ ghi sinmwi mwẹ.

I Krọnikol 16:22

“Ghẹ kuan ọguọmwadia ni zẹe, ghẹ yobọ kan avbe akhasẹ mwẹ.”

II Krọnikol 30:18

Vbe deba ọnii, ni bun vbe iran ni kevbe ẹwae Ifreim, Manasẹ, Isaka kevbe Zẹbulọn rre, ma họnmwegbe, rhunmwuda ọnii, iran kegha ru emwiukpo Alagberra vbe odẹ ne ọ ma gba. E Hẹzekaia ne ọba keghi na erhunmwu na ne iran:

Job 34:19

Ẹ i ya egbe ba iran ne irriegie, ra ne ọ ye aro esi ghe iran ni fe sẹ ivbiogue, rhunmwuda rẹn ọ re ọ yi emwa hia.

Job 42:8

Banbanna nian, mu ẹmila ihinrọn kevbe ogho ihinrọn giẹ Job, ne uwe ẹre ya ẹe zọ ese ne egbe uwa. E Job gha na erhunmwu ne uwa, I gha vbe họn urhu ẹre, I i ghi ra vbe ru uwa vbene ọ te ma uwa. Wa ma ta ẹmwẹ ẹmwata vbe ekpa mwẹ zẹ vbene irẹn ru.”

Psalm 25:14

Ọse iran ni họn ẹmwẹ ne ẹẹn, ọ re Nọyaẹnmwa khin. Ọ ghi gha so igie ye ile ne ọ gu iran ta.

Ẹksọdọs 18:17

E Jẹtro keghi tama rẹn wẹẹ, “Vbene u ru ẹe na i maa.

Ẹksọdọs 4:16

Rẹn gha sẹtin gha gu avbe emwa nii guan nuẹn, rẹn ọre ọ khian gha re ne ọ guan nuẹn, wẹ ghi do yevbe Osanobua ne ọ gha tama rẹn ẹmwẹ ne ọ gha ta.

Ẹksọdọs 7:1

E Nọyaẹnmwa keghi kha wẹẹ, “Ghe, I khian ya uwẹ ru vbene Osanobua ye ne ọba. Ọtuẹn ighẹ Errọn ghi gha guan nuẹn zẹ vbe akhasẹ ruẹ.

Jerimaia 14:11

E Nọyaẹnmwa keghi tama mwẹ wẹẹ, “Ghẹ tama mwẹ ne I ye emwa na obọ.

Jerimaia 15:1

Ẹre Nọyaẹnmwa na tama mwẹ wẹẹ, “Ọ gha khọnrẹn ne a miẹn wẹ e Mosis kevbe Samuẹl ọ re ọ mudia vbe emwa na gha rinmwian mwẹ, I i sẹtin tohan emwa na hiehiere. Wẹ ne iran ladian, wẹ ne iran kpao hin odaro mwẹ rre.

Jerimaia 27:18

Adeghẹ akhasẹ ọ re iran gele khin, adeghẹ mẹ gie iran uhunmwu, wẹ ne iran do nọ imẹ ne Nọyaẹnmwa ne Oghodua, ne I ghẹ gie a viọ avbe emwiewe ne ọ ghi kẹe vbe Ọgua Osa kevbe ẹguae ọba gha rrie Babilọn.”

Ezikiẹl 3:18

A deghẹ mẹ khare I ghẹ ọmwa dan gha wu, sokpan, wẹ ma tama rẹn khẹ ọ dee ne ọ miẹn ehe na fiwerriẹ, ne ọ miẹn ehe na miẹn uhunmwu, ọ gha wu ye uwu orukhọ ne ọ ru, sokpan obọ ruẹ ọ re I ra lẹ uwu ẹre ginna.

Ezikiẹl 33:8

I gha kha ighe ọmwa orukhọ gha wu ighe wẹ ma tama rẹn ne ọ fi obọ werriẹ, ne ọ miẹn ehe na miẹn uhunmwu, vbe ẹghẹ nii ọ gha gele wu, ọ ghi ye gha re ọmworukhọ, wẹ ọ re I ra kha ighe ọ gbe ẹe.”

Levitikọs 6:4

Ọmwa gha ru orukhọ vbenian, ọ ghi ha emwikemwi ne ọ la ekpa ibeleku miẹn nii. Ẹdẹ ne a gha miẹn wẹ ọ rri abe, ọ ghi ha obọkpa vbe a gha wa emwi nii ye ihe ugie, gbe ọmwa nii re vbe ọ gha ha ehia fo nẹ.

Levitikọs 6:7

Ohẹn ghi zọ ese nii ye orukhọ ne ọmwa nii ru, a ghi ya bọe.”

Iwinna 8:24

Saimọn tama Pita kevbe Jọn wẹẹ, “Lahọ wa rinmwian Nọyaẹnmwa mẹ ne emwi ne uwa tae na rhọkpa ghẹ sunu vbe egbe mwẹ.”

I Kọrinti 14:4

Ọmwa ne ọ ye urhu ne a ma rẹn guan, egbe ẹre ọkpa ọre ọ ru iyobọ na, sokpan ọmwa ne ọ kpe orhu Osanobua ghi ru iyobọ ne esọsi hia.

Hibru 1:1

Vbe ẹghẹ ne ọ gberra, odẹ ughughan kevbe ẹghẹ ni bun ọre Osanobua ya gha gu avbe erha mwa odede guan, vbe ne ọ na gie avbe akhasẹ gie iran.

Hibru 13:4

Ọ kere ne emwa hia gha ye ọghọ ne orọnmwẹ, ọdọ vbe amwẹ ghi gha re emwa ne ẹ i fi owẹ ye oha, Osanobua gha bu ohiẹn iran ni gbe alama kevbe ni ru oghẹ.

I Jọn 5:16

A deghẹ orhiọnkpa mu ọtiọnrẹn vbe ọ ru orukhọ ne ẹ i si uwu, wẹ ne ọ na erhunmwu ghe Osanobua, ne ọ gha rhie arrọọ nẹẹn. Ọghe iran ne orukhọ iran i re ne ọ si uwu ọre a kha. Sokpan orukhọ ne ọ si uwu rrọọ. I ma wẹ ne uwa na erhunmwu ghe Osanobua ye ọnii.

I Samuẹl 12:19

Iran keghi tama e Samuẹl wẹẹ, “Dọmọ ọ, lahọ na erhunmwu ghe e Nọyaẹnmwa ne i ma, ne ima ghẹ wulo. Ma ru orukhọ ba orukhọ nekpa hia ne ima na nọọn ne a rhie ọba ne ima.”

I Samuẹl 12:23

Zẹ vbe ọghomwẹ, awua ne Osanobua wẹẹ, te imẹ ghi da obọ erhunmwu ne a na ne uwa yi, ne imẹ ya la ekpa ọnii rukhọ ghe ẹre. Ne ọ gha na te gha ye vberriọ, I gha ma uwa emwi ne ọ kere ke ne ọ gbae ne uwa gha ru.

I Samuẹl 7:5

Ẹre Samuẹl na tie ivbi Izrẹl hia ne iran do miẹn egbe vbe Mizpa, ọ keghi tama iran wẹẹ, “I gha na erhunmwu ghe e Nọyaẹnmwa ne uwa vbe evba.”

I Samuẹl 7:8

“Gha na erhunmwu ghe e Nọyaẹnmwa Osanobua mwa ne ọ miẹn ima fan vbe obọ ivbi e Filistia.”