Gẹnẹsis 20:3 - Edo Bible (E Baibol Ẹdo) Version 1996

³ Vbe asọn ọkpa, Osanobua keghi rhie egbe ma rẹn vbe imina, ọ wẹẹ, “Odẹ uwu ọre u gbẹn na, rhunmwuda okhuo ne u rhie re owa ọdọ ọre ọ ye.”

Gẹnẹsis 20:3 ပူးပေါင်းရင်းမြစ်များ

Gẹnẹsis 12:17

Sokpan, rhunmwuda ighẹ Fero rhie Sera, Nọyaẹnmwa keghi gie avbe emianmwẹ dan bu ẹre kevbe emwa ẹguae ẹre hia.

Gẹnẹsis 12:18

Ẹghẹ nii, ọba keghi gie ne a tie Ebram, ọ nọ rẹn wẹẹ, “U miẹn emwi ne u si yọ mwẹ egbe, vbọzẹ ne u ma na tama mwẹ wẹ amwọn nọ?

Gẹnẹsis 20:7

Sokpan, banbanna na nian, rhie okhuo nii werriegbe gie ọdọ ẹre. Akhasẹ rẹn khin, ọ gha na erhunmwu nuẹn ne u ghẹ wu. Sokpan, a deghẹ u ma rhie ẹre nẹẹn, I tama ruẹn yotọ nian wẹ te u wu, ke uwẹ kevbe ẹgbẹe ruẹ hia.”

Gẹnẹsis 28:12

Ọ keghi mina wẹ, rẹn miẹn ikpawẹ ọkpa ne ọ ke otọ ya sẹ iso, avbe odibo Osanobua kegha hin ẹnrẹn, iran na vbe gha tuorre.

Gẹnẹsis 31:24

Vbe asọn nii, Osanobua keghi bu e Leban gha dee vbe imina, ọ khama rẹn wẹẹ, “Ghẹ ru emwi rhọkpa ne ọ gha kpokpo e Jekọb orhiọn.”

Gẹnẹsis 37:5

Ẹghẹ ọkpa, e Josẹf keghi mina, ọ na tae ma etiọnrẹn. Iran keghi dọlegbe kakabọ gha mu ohu ẹre.

Gẹnẹsis 37:9

E Josẹf kevbe mina ọvbehe, ọ na vbe tae ma etiọnrẹn wẹẹ, “I vbe mina imina ọvbehe, I keghi miẹn owẹn, uki kevbe orhọnmwẹ owọrọ vbe iran ya uhunmwu rhanmwẹ otọ mẹ.”

Gẹnẹsis 40:5

Ẹdẹ ọkpa ghi rre, ke ne ọsiẹnro ayọn kevbe olotu avbe iran ni le ebrẹd ọghe ọba Igipt ke mina. Dọmwadẹ ọghọe keghi mina imina ọghọe ne ovbe mwẹ emwi ne a yae kha.

Gẹnẹsis 40:8

Iran keghi wanniẹn wẹẹ, “Ma eveva ọre ọ wa mina, ma ma miẹn ọmwa ne ọ gha rhan otọ iran ma ima.” E Josẹf keghi wanniẹn wẹẹ, “Osanobua ọ re ọ rhie ẹtin ne a ya rhan imina ne ọmwa, wa tama mwẹ vbene uwa mina hẹ.”

Gẹnẹsis 46:2

Osanobua keghi tama rẹn vbe umian vbe asọn wẹẹ, “Jekọb, Jekọb!” Rẹn wanniẹn wẹẹ, “Ghe mwẹ, I rre emwa!” Ọ tama rẹn wẹẹ,

I Krọnikol 16:21

Sokpan, Osanobua ma gie ọmwarhọkpa kpokpo iran, ne ọ ya tan ifuẹn ga iran, ọ yobọ sekhae ne avbe ọba wẹẹ:

Job 33:15

Emwa gha vbiẹ vbe asọn, Osanobua ghi ya umian kevbe imina gha gu iran guan.

Job 33:17

Te Osanobua gu iran guan ne iran miẹn ehe na dobọ orukhọ ne a ru yi, kevbe ne a ghẹ miẹn wẹ te iran ghi tọn egbe mu.

Psalm 105:14

Sokpan, Osanobua ma gie ọmwaikọmwa wọ iran uhunmwu; ne ọ miẹn ehe na tan obọ gue iran, ọ keghi tama avbe ọba wẹẹ,

Jona 3:4

E Jona keghi gha la ẹvbo ni khian, Ọ ghi khian okhian ẹdẹ hoho nẹ, ọ wẹẹ, “Vbe ọ te sẹ ikpẹdẹ iyeva, a gha fuẹn Ninevi ua!”

Nọmbas 22:9

Osanobua keghi bu e Balam gha dee, ọ nọ rẹn wẹẹ, “De emwa ni rre ehe ne u ye na yi?”

Matiu 1:20

Vbene ọ wa ziro na vbekhọe, odibo ọghe Nọyaẹnmwa keghi rhiegbe ma rẹn vbe imina, ọ na tama rẹn wẹẹ, “Josẹf ne ovbi uniẹn Devid, ghẹ fian afianma ya rhie Meri ne amwẹ ọn la owa rhunmwuda ọmọ ne ọ hanmwa ni, ke obọ Orhiọn Ne Ọ Huanrẹn rre nọ.

Matiu 27:19

Pailet ghi tota ye ugha ne ọ na bu ohiẹn, amwẹ ọnrẹn gie uhunmwu giẹ wẹẹ, “Ghẹ mwẹ obọ vbe egbe ọmwa ne ọ ma rukhọ nii, rhunmwuda, I rrioya emwi ni bun vbe imina vbe ekpa ẹre ne asọn.”