Gẹnẹsis 2:25 - Edo Bible (E Baibol Ẹdo) Version 1996

²⁵ Irhunmwirhun ọre okpia nii kevbe okhuo nii gha ye, sokpan ekhue ma mu iran.

Gẹnẹsis 2:25 ပူးပေါင်းရင်းမြစ်များ

Gẹnẹsis 3:7

Ọwarọkpa vbe iran ghi wa rri ọe nẹ, a keghi rhie irẹnmwi ne iran, iran keghi do rẹn wẹ te iran bannuan; iran keghi sele ebe ne ọ yevbe ọghe ohọ kugbe, iran ke yae gue egbe iran.

Psalm 25:3

A i mu emwa ni mu ẹtin yan ruẹn gbotọ sokpan iran ni zẹgiẹgiẹ sọtẹ ruẹ.

Psalm 31:17

I tu tie ruẹ Nọyaẹnmwa ghẹ gie iran fa mwẹ uan. Efaa ọ re ọ gha rruan ọmwa dan, te iran gha do gha rriẹ ẹvbo emwa ni wulo nẹ.

Ẹksọdọs 32:25

E Mosis keghi miẹn wẹ Errọn gie emwa na wa fi werriẹ ghe nọmaa rẹn enegbe rhunmwuda ọ wa fan iran yọ ne iran gha ga ẹbọ, egbe ne a rhe ya miẹn wẹẹ iran rre uwu ẹbe ọghe eghian nii lẹga iran.

Aizaia 44:9

Iran hia ni mannọ amazẹ, emwa oya iran khin avbe ẹbọ ne iran ghe gẹdẹgbẹ i zẹdẹ mwẹ esa, iran ni gho avbe ẹbọ na, emwa ni rhu aro, ni ma rẹn ne a ye, ọ re iran khin, a gha fa iran hia a.

Aizaia 47:3

Emwa gha miẹn uẹn eban iran gha miẹn vbe a si ọ kẹ otọ iran gha miẹn vbe a fa ruẹ ua. I gha rria ikhi, ọmwa ne ọ gha da mwẹ obọ yi i rrọ.”

Aizaia 54:4

Ghẹ fian afianma, a i ghi dọlegbe fa ruẹ ua ọvbehe; ai ghi dọlegbe si ọ kẹ otọ ọvbehe, u gha mianmian uyinmwẹ ama guobọdọ zẹvbe okhuo ọvbokhan. Kevbe ohioro ọbanabe ruẹ zẹvbe okhuo ne ọ degbe.

Jerimaia 17:13

E Nọyaẹnmwa, wẹ ọrọre idaehọ Izrẹl, ekhue gha mu iran hia ni he uwẹ yotọ a gha ho iran bẹkun zẹvbe eni ne a gbẹnnẹ ye ekhae rhunmwuda, iran hee uwẹ ne Nọyaẹnmwa yotọ nẹ, wẹ ne uhunmwu ẹzẹ amẹ ne ọ furre.

Jerimaia 6:15

Te ekhue ghi mu iran ra rhunmwuda ẹkẹkhẹrhẹ ne iran ru? Hiehiere, ekhue ma zẹdẹ mu iran. Iran ma rẹn vbene emwi gbe ọmwa egbe hẹ. Rhunmwuda ọnii, iran gha dele, zẹ vbene emwa ọvbehe ka vbe dele yi evba nii ọ re ọ ghi ra gha re ufomwẹ iran. Mẹ ne Nọyaẹnmwa taa ẹe nẹ.”

Ezikiẹl 16:61

U gha rẹn emwi ne u ru, ekhue ghi vbe mu ẹẹn vbe avbe otuẹn nokhuo nọdiọn ke ọtuẹn nokhuo nekherhe a rre. I gha gie iran gha yevbe emọ ikhuo ne uẹn, a gha rhe rẹn ighe ọna i rre ile ne I gu uẹ ta.

Joẹl 2:26

Eban nian, wa gha miẹn re ne ẹko vbe vuọn uwa. Wa gha rho e Nọyaẹnmwa Osanobua uwa, ne ọ ru emwi ọyunnuan, ne uwa. A i ghi dọlegbe zan emwa mwẹ ọvbehe.

Iyẹn ne ọ Maan Ọghe Mak 8:38

Rhunmwuda ọnii, deghẹ ọmwaikọmwa mu ekhue mwẹ kevbe ekhue iyẹn ne ọ maa vbe agbọn ọrhiae ne ọ maa rẹn Osanobua na, Ovbi Ọmwa gha vbe mu ekhue ẹre vbe ọ gha rre vbe uyi ọghe Erha ẹe deba avbe odibosa ni huanrẹn.”

Iyẹn ne ọ Maan Ọghe Luk 9:26

Deghẹ ekhue mu ọmwaikọmwa ba ẹmwẹ mwẹ ra iruemwi mwẹ, ẹmwẹ ọnrẹn gha vbe mu Ovbi Ọmwa ekhue vbe ẹghẹ ne ọ gha ya rre vbe uwu uyi ẹre kevbe ọghe Erha ẹe kevbe ọghe avbe odibosa.

Ebe ne Pọl gbẹẹn gie emwa Rom 10:11

Rhunmwuda ebe tae wẹ, “Ọmwaikọmwa ne ọ yaeyi, ẹ i ra gbe I ma rẹn.”