Gẹnẹsis 2:18 - Edo Bible (E Baibol Ẹdo) Version 1996

¹⁸ Ẹre Nọyaẹnmwa Osanobua na kha wẹẹ, “Ọ ma kei ne okpia na vbe ẹhi ẹre ọkpa kẹkan gha rrọọ. I gha yi ogieva ẹre ne ọ maẹn rhie nẹẹn ne ọ gha yi ọre obọ.”

Gẹnẹsis 2:18 ပူးပေါင်းရင်းမြစ်များ

Gẹnẹsis 1:31

Osanobua keghi ghe emwi hia ne irẹn yi, ẹko ke sẹ ọre ọyẹnmwẹ ẹsẹse. Ẹdẹ ghi gbe ẹdẹ keghi mu, ọnii na gha re ikpẹdẹ ne ogiehan.

Gẹnẹsis 2:20

Ọre okpia nii na do he avbe aranmwẹ nii hia eni, kevbe ahianmwẹ sokpan a ma miẹn ọkpa vbe uwe iran ne ọ sẹtin gha re ogieva ẹre ne ọ maẹn.

Gẹnẹsis 3:12

Okpia nii ke wanniẹn wẹẹ, “Okhuo ne u ma rhie ke mwẹ, ọre ọ rhie ọmọ erhan nii mẹ, mẹ keghi rriọe.”

Itan 18:22

Gualọ okhuo rhie, emwi esi ọ re u miẹn rhie; ọ rhie ma wẹ Nọyaẹnmwa wa ru uwẹ ẹse.

I Kọrinti 7:36

Zẹ vbe ọghe avbe egbakhian ne ọ ma he ho ne iran wa rọnmwẹ egbe, a deghẹ okpia ni ghe ẹre ighẹ rẹn i gu okhuo nii yin ẹse, a deghẹ ọ fifi ẹre egbe gbe, ọ na wẹ ọ te kei ne iran rọnmwẹ egbe, zẹvbe ne ọ rre ẹre ekhọe, a ghẹ ru i rre ọna.

I Pita 3:7

Kevbe uwa ne avbe ọdọ, vbe obọ ne uwa ya mu avbe amwẹ uwa, wa ghi gha ye rre wẹ, emwa ni ma wo vbe egbe iran khin, wa ghi gha mu iran tetete, rhunmwuda iran tobọ iran gha vbe deba uwa ghae vbe arrọọ ne Osanobua ra ghae ne emwa. Wa ghi gha ru vberriọ ne emwi rhọkpa ghẹ mu idobo ye uwa erhunmwu ne uwa na.

Ebe Rut 3:1

Ọ ghi kpee fua kherhe, e Naomi na tama e Rut wẹẹ, “Ovbi mwẹ, I gha gualọ ọdọ rhie ne uẹn ne u miẹn ehe na gbe ẹkun sẹ otọ vbe owa obọ ruẹ.