Gẹnẹsis 2:17 - Edo Bible (E Baibol Ẹdo) Version 1996

¹⁷ Sokpan ọnii ne ọ rhie ẹwaẹn ne a ya rẹn emwi ne ọ maa kevbe ne ẹ i maa ne ọmwa, ghe rri ọmọ rẹn. U gha rriọe, u gha wu ẹdẹ nẹdẹrriọ zẹẹ.”

Gẹnẹsis 2:17 ပူးပေါင်းရင်းမြစ်များ

Gẹnẹsis 2:9

Ọ keghi ruẹe ne erhan ughughan hia zọ, ne mose mose kevbe ni mọ ọmọ. Erhan ne ọ rhie arrọọ ke ẹwaẹn ne a ya rẹn emwi ne ọ maa ke ne ẹ i maa ne ọmwa kegha rre adesẹneva ogba nii.

Gẹnẹsis 20:7

Sokpan, banbanna na nian, rhie okhuo nii werriegbe gie ọdọ ẹre. Akhasẹ rẹn khin, ọ gha na erhunmwu nuẹn ne u ghẹ wu. Sokpan, a deghẹ u ma rhie ẹre nẹẹn, I tama ruẹn yotọ nian wẹ te u wu, ke uwẹ kevbe ẹgbẹe ruẹ hia.”

Gẹnẹsis 3:11

Osanobua ke nọ rẹn wẹẹ, “Gha ọ tama ruẹn yi ighẹ irhunmwirhun ọre u ye, te u wẹ ghi rri ọmọ erhan ne I tama ruẹn wẹ ne u ghẹ re ra?”

Gẹnẹsis 3:17

Rẹn keghi tama okpia nii wẹẹ, “Wẹ ke danmwehọ ọvbokhan-an, u na rri ọmọ erhan ne I wẹ ne u ghẹ re. Rhunmwuda emwi ne u ru na, otọ gha khian ne a fi ẹre unu. Ẹsọn u gha ya ẹdagbọn ruẹn hia miẹn, ne ọ miẹn ehe na mọ ọmọ ne ọ gha suẹ re.

Gẹnẹsis 3:19

Te ọfọ gha fọọ ne u ya miẹn ẹsọn ne otọ miẹn ehe na mọ ọmọ ladian, u te dọlegbe ghe ekẹn ne a ya ma an, ekẹn nii u gha vbe dọlegbe khian.”

I Ọba 2:37

U gha khian gberra Ẹzẹ Kidrọn, te u ya uhunmwu khiẹ ọre, emwi ne u ya obọ ruẹ si nọ.”

I Ọba 2:42

ọ keghi gie ne a tie ẹre, ọ wẹẹ, “I ya a vẹn ihẹn wẹ ne u ghẹ ladian hin e Jerusalẹm rre, I keghi vbe ya obọ sẹ ekhae ne uẹn wẹ u gha ladian, te u wu yọ. Ẹre te u kue yọ vberriọ ẹghẹ nii wẹ u gha ru vbene I khare?

Jerimaia 26:8

Ọwarọkpa vbe I ghi wa taa ẹmwẹ ne Nọyaẹnmwa tama mwẹ wẹ ne I ta fo nẹ iran ke gua mwẹ rhie, iran na gha go kha wẹẹ, “Te ọ kere ne a gbe uẹ ua ba ọnọna.

Ezikiẹl 18:13

Ọ vbe rhie igho isu ne emwa mọmọ. Rẹn gha diagbọnya ra? Hiehiere, ẹ i diagbọnya. Ọ ru avbe emwi osọnnọ na hia nẹ, rhunmwuda ọnii, te ọ gha wu. Obọ irẹn ọ re a ra vbe lẹ ẹmwẹ uwu irẹn ginna.

Ezikiẹl 18:32

E Nọyaẹnmwa ne Udazi khare wẹẹ, “Mẹ iho ne ọmwarhọkpa wu. Wa zobọ vbe orukhọ ne uwa ru, ne uwa he diagbọnya.”

Ezikiẹl 18:4

Mẹ ọ re ọ yan orhiọn emwa hia, orhiọn ọghe avbe evbibiemọ kevbe ọghe avbe emọ. Ọmwa ne ọ ru orukhọ ọ re ọ ra gha wu.

Ezikiẹl 33:14

I sẹtin tama ọmwa dan wẹ te ọ ra wu yọ, sokpan, a deghẹ ọ dobọ emwi dan ne a ru yi, ọ na suẹn gha yin ẹse, vbe ne ọ maa,

Ezikiẹl 33:8

I gha kha ighe ọmwa orukhọ gha wu ighe wẹ ma tama rẹn ne ọ fi obọ werriẹ, ne ọ miẹn ehe na miẹn uhunmwu, vbe ẹghẹ nii ọ gha gele wu, ọ ghi ye gha re ọmworukhọ, wẹ ọ re I ra kha ighe ọ gbe ẹe.”

Nọmbas 26:65

E Nọyaẹnmwa tae nẹ wẹ te iran hia ra wulo ye otọ ẹgbo erriọ ọ gele gha ye, sokpan ama wẹ Kelẹb ne ovbi Jefunẹ kevbe Jọsua ne ovbi Nọn.

Ebe ne Pọl gbẹẹn gie emwa Rom 1:32

Iran rẹnrẹn wẹ Uhi Osanobua kha re ighẹ uhunmwu ọre emwa ni ru emwi vberriọ ya khiọ ẹre. Sẹ evba, te iran ye ru avbe emwi na, ne ọ ghi wa rhia sẹ vbọ ọrọre wẹ, iran ghi vbe gha kpe ọbọbọ ye emwa ni ru vberriọ re.

Ebe ne Pọl gbẹẹn gie emwa Rom 6:16

Rhunmwuda, wa rẹnrẹn wẹ, wa gha zẹ egbe uwa obọ zẹ vbe eviẹn, ne uwa gha ru vbe ne ọmwa ọkpa kha re, eviẹn arowa ne uwa ru vbene ọ kha re ni, ọre uwa gele khin vbe ọ ghe ẹmwata, ọ sẹtin gha re orukhọ ne a miẹn wẹ uwu ọre ọ ke ẹre ikian, ra a họn ẹmwẹ ne a do gha la ekpa ẹre ka ọmwa ye ọmwata vbe odaro Osanobua!

Ebe ne Pọl gbẹẹn gie emwa Rom 6:23

Rhunmwuda, uwu ọre orukhọ ya ha osa. Sokpan ẹse ọhẹ Osanobua keghi re ẹfe arrọọ, vbe ayegbe ba Jesu Kristi Nọyaẹnmwa.

Ebe ne Pọl gbẹẹn gie emwa Rom 8:2

Rhunmwuda, uhi ọghe Orhiọn ne ọ rhie a ya egbe ba Kristi Jesu ghae arrọọ gie ima, fan mwẹ ye otọ nẹ vbe obọ uhi ọghe orukhọ kevbe uwu.

I Kọrinti 15:22

Rhunmwuda, zẹ vbene emwa hia wulo rhunmwuda ighẹ iran vbe Adam gba re ọkpa, erriọ ọre a gha vbe huẹn emwa hia kpaegbe rhunmwuda ighẹ iran re ọkpa ba Kristi.

I Kọrinti 15:56

Obọ orukhọ ọre uwu na miẹn ẹtin ne ọ ya kuan ọmwa rhie, obọ nene Uhi ọre orukhọ na miẹn rhie.

Galatia 3:10

Iran ni ya egbe yan ne a gha ru vbene nene Uhi kha re, te a fi iran unu. Rhunmwuda, ebe kha re wẹẹ, “Ọmwaikọmwa ne ọ ma gha ye emwi hia ne a gbẹnnẹ ye nene ebe Uhi ru emwi vbe ẹghẹ hia, te Osanobua fi ẹre unu.”

Ẹfisọs 5:14

Rhunmwuda emwi ne a ghi rhie ladian ne aro gba nẹ, uwanmwẹ ghi nọ, ọnii ọ si ẹe ne a na tae wẹẹ, “Rhiọrre, olovbe. Rhiọrre vbe orinmwi, Kristi gha wan uwanmwẹ muẹn.”

Diuteronomi 27:26

“ ‘Ihẹn Osanobua rre uhunmwu ọmwa ne ọ ma ya uhi Osanobua kevbe iruemwi ẹnrẹn hia ru emwi.’ “Emwa ni hia ghi kha wẹẹ, ‘Isẹ!’

Diuteronomi 30:15

“Ẹdẹnẹrẹ na, I wẹ ne uwa zẹ vbọ, adeghẹ ọ ma an ne agbọn nọ, ra ọfuan kevbe uwu.

Diuteronomi 30:19

Te I tama uwa nian ne uwa zẹ vbọ, adeghẹ ẹfe nọ ra uwu, a deghẹ afiangbe Osanobua nọ ra ihẹn. I kevbe tie agbọn vbe ẹrinmwi ne iran sẹ osẹe ye ne uwa zẹe vbọ. Wa zẹ ẹfe.

Kọlose 2:13

Vbe ẹghẹ ọkpa, wa hia keghi wulo vbe ekpa ọghe orhiọn, rhunmwuda orukhọ ne uwa ru, kevbe rhunmwuda wẹ, wa kegha re emwa ne ẹ i re Ju ni vbe lahin uwu nene Uhi rre. Sokpan, banbanna nian, Osanobua viọ uwa gha die arrọọ nẹ vbe uwu Kristi. Osanobua ye orukhọ ima hia bọ ima.

I Timoti 5:6

Sokpan, okhuo ẹgbẹ ne ọ rhie egbe ẹre ye ne ọ gha zẹ ọwọbu, ọ wu nẹ, egbe ne ọ he rhe ya rre agbọn.

Jems 1:15

Emwi dan ne ọ ho ghẹ ghi hanmwa nẹ, ọ ghi biẹ orukhọ, orukhọ ghẹ ghi wan nẹ, ọ ghi biẹ uwu.

I Jọn 5:16

A deghẹ orhiọnkpa mu ọtiọnrẹn vbe ọ ru orukhọ ne ẹ i si uwu, wẹ ne ọ na erhunmwu ghe Osanobua, ne ọ gha rhie arrọọ nẹẹn. Ọghe iran ne orukhọ iran i re ne ọ si uwu ọre a kha. Sokpan orukhọ ne ọ si uwu rrọọ. I ma wẹ ne uwa na erhunmwu ghe Osanobua ye ọnii.

Arhie Maan 2:11

“Adeghẹ u mwẹ ehọ khekherriọ, u ghi danmwehọ ẹmwẹ ne Orhiọn tama avbe esọsi. Iran ni khọnmiotọ, uwu ne ogieva i ghi ra kuan iran ọvbehe.

Arhie Maan 20:14

Iyeke ọnii, a keghi filo uwu, kevbe ẹvbo emwa ni wulo nẹ, ku uwu odighi erhẹn. (Odighi erhẹn na ọrọre uwu ne ogieva.)

Arhie Maan 20:6

Ọ maa ne iran, emwa ne Osanobua fiangbe ẹsẹse ọre iran khin ighẹ iran ne arhiọkpaegbe ne okaro na sẹ ọre egbe. Uwu ne ogieva i mwẹ ẹtin vbe uhunmwu iran. Iran ghi gha re ohẹn ọghe Osanobua kevbe ọghe Kristi, iran ghi vbe deba ẹre rriọba la ukpo arriaisẹn.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”

Giọgis 3:2

Te irẹn ru ọna ne ọ ya ma orre ọkpọkpa vbe Izrẹl re vbene a khọn okuo hẹ, kpataki iran ni ma he yo okuo ẹdẹ.

I Samuẹl 14:39

I ya eni e Nọyaẹnmwa nọ rrọọ ọmwa ne ọ gie Izrẹl khọnmiotọ yan wẹ ọ gha khọnrẹn ne ọ gha re e Jonatan ne ovbi mwẹ ọ re ọ ru orukhọ na, te a gha gbe ẹe rua.” A ma miẹn ọmwa ne ọ guan ẹmwẹ rhọkpa.

I Samuẹl 14:44

E Sọl keghi tama rẹn wẹẹ, “Te Osanobua gha kinmwi mwẹ gbe ua ẹrẹna, a deghẹ a ma gbe ua.”

I Samuẹl 20:31

Wẹ ma rẹn wẹ e Devid gha rre agbọn, u i ra rriọba vbe ẹvbo na. Banbanna nian, ya rhie ẹre rre, te ọ gha wu.”

I Samuẹl 22:16

Ọba keghi kha wẹẹ, “Ahimẹlẹk, uhunmwu wẹ vbe ẹgbẹe ruẹ hia ra ya khiẹ ọre.”