Gẹnẹsis 2:14 - Edo Bible (E Baibol Ẹdo) Version 1996

¹⁴ Ẹzẹ ne ogieha keghi re Taigris, ọnii ọre ọ lẹ la asefẹn ahọ Asiria. Ẹzẹ ne ogienẹ keghi re Yufretes.

Gẹnẹsis 2:14 ပူးပေါင်းရင်းမြစ်များ

Gẹnẹsis 10:11

Otọe nii ọre ọ ke kpao ya bu avbe ẹvbo Ninevi, Rehobọt-Iri, Kala,

Gẹnẹsis 10:22

Ivbi e Siẹm ighẹ Ẹlam, Asiọ, Apaksiad, e Lud kevbe Aram, ọre ọ vbe gha re erha odede avbe emwa na a he ẹre eni ginna iran vberriọ.

Gẹnẹsis 15:18

Ẹdẹ nẹdẹrriọ, Nọyaẹnmwa keghi gu Ebram ta ile wẹẹ, “I yanrẹn ighẹ I gha mu otọ na hia ne uniẹn ruẹn, ke ẹzẹ ne ọ rre ehe ne Igipt lae ya sẹ Yufretes ne okpẹzẹ.

Gẹnẹsis 2:13

A ke gha tie ẹzẹ ne ogieva Gihọn, ọnii ọre ọ lẹ la odẹ avbe Kushi.

Gẹnẹsis 2:15

Ẹre Nọyaẹnmwa Osanobua na rhie okpia nii, ye uwe ogba Idẹni ne ọ gha gbe ẹre ugbo kevbe ne ọ gha gbearoghe ẹre.

Gẹnẹsis 25:18

Uniẹn Ismẹl kegha rre otọ ne ọ rre ẹkpo Havila kevbe Siọ vbe odẹ ahọ Igipt vbe odẹ ne a la ye Siria. Iran ke yan egbe fua vbe egbe etẹn iran, ne ivbi uniẹn Ebraham ya yin ehe ọvbehe.

Ezikiẹl 23:23

I gha viọ ehia gha dee, ivbi e Babilọn kevbe Kialdia, ivbi Pekọd, e Sioa kevbe Koa kevbe ivbi Asiria hia. I gha si iran koko ighe avbe igbama ne lọgiọlọgiọ ne a biẹlẹẹ ye uwa nii, kevbe avbe ivbiyokuo, avbe ekaokuo ni rre ukpo ni yo nii kevbe ekaokuo ni hin ẹsin.

Daniẹl 10:4

Vbe ikpẹdẹ eneyan ugie vbe uki ne okaro vbe ukpo, I keghi mudia ye ọkpen e Taigris ne Okpẹzẹ.

Diuteronomi 1:7

Wa kuọ agọ uwa sẹ otọ, ne uwa si okhian sikẹ odaro. Wa gha rrie ẹvbo ni rre uhunmwu oke ọghe Amọri kevbe avbe ehe ne avbe ẹdogbo iran hia ye vbe odẹ iya Jọdan, odẹ ẹvbo uhunmwu oke kevbe ẹvbo ni rre ugboghodo, ghe odẹ ẹvbo ni rre odẹ ekẹn kevbe eghute Meditẹrrenian. Wa gha rrie otọe Kenan kevbe gberra Oke Lebanọn, rhinrin yasẹ Ẹzẹ nọkhua ighẹ Yufretes.

Diuteronomi 11:24

Otọe ne uwa a rhirhi ya owẹ khian la ghi khian ọghe uwa. Otọe uwa ghi ke ato ne ọ rre odẹ ekẹn ya sẹ Oke Lebanọn vbe odẹ okuọ kevbe ke Ẹzẹ Yufretes vbe odẹ ahọ ya sẹ Okun Meditẹrrenian vbe odẹ orrie.

Arhie Maan 9:14

Urhu nii keghi tama odibosa ne ogiehan ne ọ rhie okpe ni mwẹ obọ wẹẹ, “Rhan iran ighẹ avbe odibosa enẹ ne a munọ gba vbe Yufretes ne okpẹzẹ.”