Gẹnẹsis 19:9 - Edo Bible (E Baibol Ẹdo) Version 1996

⁹ Sokpan iran keghi kha wẹẹ, “Kpa hin odaro mwa rre, wẹ ne igbọn na! Vbua khin ne u gha na gha tama ima emwi ne ima gha ru? Deghẹ ẹ i re erriọ, ma gha ru uwẹ emwi ne ọ khọrhiọn sẹ ọghe iran.” Iran keghi sua e Lọt ghe iyeke, iran keghi vẹ ghe odaro ne iran ya gbe urho.

Gẹnẹsis 19:9 ပူးပေါင်းရင်းမြစ်များ

Gẹnẹsis 11:6

Ọna wẹẹ, “Eban nian, iran na hia, ọkpa iran khin, ẹvbo ọkpa iran zẹ. Te iran he da suẹn emwi ne iran gha ru na ẹi ghi rre nian, emwi ne iran wẹ, iran gha ru, iran ghi gele sẹtin ruẹe.

Gẹnẹsis 13:12

Ebram keghi di Kenan ya, Lọt keghi gbe ẹkun sotọ yin avbe ẹvbo ni rre iya nii, ọ na bu agọ ye ọkpẹn Sọdom,

Ẹksọdọs 2:14

Rẹn keghi wanniẹn wẹẹ, “Gha ọ ya a ru enọkhaemwisẹ ra enọbuohiẹn yan ima yi? Te u ra do gbe mwẹ uan vbene u gbe ovbi Igipt nii uan ra?” Ohan keghi mu e Mosis, ọ na roro ẹe wẹẹ, “Emwa rẹn emwi ne I ru nẹ.”

Itan 14:16

Avbe umẹwaẹn ghi gha ya egbe lẹ ne orueghe, sokpan, avbe akpa i gbe aro kotọ, oguegue iran ya ru emwi.

Itan 17:12

Ọmwa dekun akpakomiza ne a mu ẹre ọmọ, ọ re ọ maa sẹẹ ne ọ do vba avbe ọzuọ vbe iran a gha fuẹn iwinna akpa ginna otọ.

Itan 27:3

Okuta khua, ekhae vbe khua sokpan a i ye ukhuamwẹ iran gie ẹti ne ukọnmwẹ sẹtin si rre.

Asan-Ibo 10:13

Ẹmwẹ oya ọre ọ ya suẹn, ọ ghi ya emwẹmwẹ mu ẹẹn yotọ.

Asan-Ibo 9:3

Emwi okpa ọ re ọ rruan ehia vbe abọkpa nii, ọna ma vbe zẹdẹ kei, zẹ vbene emwi nibun ni sunu vbe agbọn na ye. Omwa vbene a na miẹn wẹ emwa ye rre agbọn, te ekhọe iran vuọn ne ọkhọ kevbe emwẹmwẹ, iran ghi gha wulo uwu udomwurri.

Aizaia 65:5

Vbe iyeke ọnii, iran ghi gha tama emwa ọvbehe wẹẹ, wa gban egbe ne ima, ma huan gberra ne ọ kere ne uwa gha ya obọ kan! I i ho ne I gha bẹghe emwa vbenian, ohu iran ne ọ mu mwẹ yevbe erhẹn ne ẹ i dọyọ.

Jerimaia 3:3

Ọnii ọ re ọ sii ẹe ne a na wẹ ne amẹ ghẹ rhọ, ne amẹ ahọ orhọ ma na ghi rhọ. Te uwe wa yevbe ebabotu, ekhue i vbe mu ẹẹn.

Jerimaia 6:15

Te ekhue ghi mu iran ra rhunmwuda ẹkẹkhẹrhẹ ne iran ru? Hiehiere, ekhue ma zẹdẹ mu iran. Iran ma rẹn vbene emwi gbe ọmwa egbe hẹ. Rhunmwuda ọnii, iran gha dele, zẹ vbene emwa ọvbehe ka vbe dele yi evba nii ọ re ọ ghi ra gha re ufomwẹ iran. Mẹ ne Nọyaẹnmwa taa ẹe nẹ.”

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Ezikiẹl 16:49

Te irẹn kevbe ivbi ẹre nikhuo gha hio rhunmwuda ọkpọkua ne iran gha re, iran keghi vbe gha rrọ vbe ọfumwegbe kevbe a i mwẹ oyanghan, sokpan iran ma gbearoghe avbe ivbiogue kevbe iran ne ọ ma dunna na.

Matiu 7:6

“Ghẹ rhie emwi nọhuanrẹn ne ekita, te ọ ra gha gbọọ ruẹ kẹkan. Ghẹ rhie emwi uzọmọ ye odaro esiebo, te ọ ra ya owẹ rri ẹe ginna otọ.

I Samuẹl 17:44

Ọ na tama e Devid wẹẹ, “Bu mwẹ gha dee, I gha mu ikun ruẹn ne ahianmwẹ kevbe aranmwẹ rhie re.”

I Samuẹl 2:16

A deghẹ okpia nii ghi wanniẹn wẹẹ, “Gia ka giẹn ẹvbi ẹre nẹ, iyeke ọnii, u sẹtin rhie ne ọ ye ruẹ.” Ọguọmwadia ohẹn ghi kha wẹẹ, “Ẹn o, rhie mẹ nian! A deghẹ u ma rhie mẹ, I gha ya ẹtin miẹn ruẹn re!”

I Samuẹl 25:17

Ya roro ẹmwẹ na ne u rẹn vbene u gha ru ẹe hẹ. Emwi nọkhua sẹtin la ekpa ọna rre do degbe arowa ima kevbe ẹgbẹe ọre. Ọ rhia sẹrriọ wẹ ẹ i danmwehọ ọmwa rhọkpa!”