Vbe ọ te sẹ ẹghẹ ne avbe orhunmwuyẹn nii ya lovbiẹ, emwa Sọdom keghi ghae ga owa nii. Ikpia nii rre ẹvbo nii hia keghi wa gha rre evba ibiẹka kevbe eniwanrẹn.
Ghe, I mwẹ emọ ikhuo eva ni ma he rẹn okpia. Gun mwẹ viọ iran gie uwa, wa sẹtin ru emwi ne ọ khọn uwa ghe iran. Sokpan wa ghẹ ru avbe ikpia na emwirhọkpa, rhunmwuda orhunmwuyẹn mwẹ ọre iran khin, te I gha tan obọ ga iran.”
Ke uwu ọmwa ọkpa rre, ọre ọ na yi emwi otọ ughughan ne iran gha rre otọ agbọn hia. ke odaro emwi hia, rẹn ọre ọ tobọ ẹre mwa ẹghẹ ne iran gha ya gha rrọ, ọ keghi ye uwu yi ehe ne iran gha ye vbọ.
Rhunmwuda ukọnmwẹ dan ne emwa ne agbọn kọẹn, Osanobua keghi he iran yọ ne iran gha yin uyinmwẹ ẹwia ni rre iran ekhọe, iran keghi vbe gu egbe iran yin uyinmwẹ emwi ekhue.
Wa ye Sọdom kevbe Gomorra kevbe ivbi ẹvbo ni lẹga iran rre, emwa ni ru vbene avbe odibosa vbe ru, ne iran na gha ru emwi ne ọ ma gba vbe ekpa oghẹ, iran kegha fi ehia werriẹ ghe odẹ dan, a keghi ya erhẹn ne ọ giẹn ẹdẹdẹmwẹdẹ rri iran oya ne emwa hia gha miẹn ọnii waan.