Gẹnẹsis 19:5 - Edo Bible (E Baibol Ẹdo) Version 1996
5 Iran keghi datie Lọt, iran na nọ rẹn wẹẹ, “Ikpia ni rre do di owa ruẹ ya asọn na vbo? Viọ iran ladian ne ima!” Ivbi e Sọdom keghi ho ne iran gu iran ru emwi.
Ne ọ ghi wa rhia sẹ ehia, ikpia kevbe ikhuo kegha rrọọ ni gha do ẹki ebabotu vbe aro ẹbọ iran ni ru ẹbọ. Ivbi Izrẹl kegha ru emwi emwiekhue hia ne emwa ne e Nọyaẹnmwa khulo kua vbe ivbi Izrẹl dee ra do la ẹvbo nii, ru.
Ẹmwẹ ne iran rhie ye ekhọe ọ re a ra ya gu iran gui. Te iran ghi wa rhan ma orukhọ zẹ vbene emwa Sọdom ghaa ye. Ọghe iran fo ne, obọ iran ọ re iran ya sii ẹe gie egbe iran.
Te ekhue ghi mu iran ra rhunmwuda ẹkẹkhẹrhẹ ne iran ru? Hiehiere, ekhue ma zẹdẹ mu iran. Iran ma rẹn vbene emwi gbe ọmwa egbe hẹ. Rhunmwuda ọnii, iran gha dele, zẹ vbene emwa ọvbehe ka vbe dele yi evba nii ọ re ọ ghi ra gha re ufomwẹ iran. Mẹ ne Nọyaẹnmwa taa ẹe nẹ.”
Te irẹn kevbe ivbi ẹre nikhuo gha hio rhunmwuda ọkpọkua ne iran gha re, iran keghi vbe gha rrọ vbe ọfumwegbe kevbe a i mwẹ oyanghan, sokpan iran ma gbearoghe avbe ivbiogue kevbe iran ne ọ ma dunna na.
“E Sameria ma ru orukhọ vba ukhiọnmwẹ ọghe uwẹ. Uyinmwẹ ruẹn kakabọ sọnnọ sẹẹ ọghe ọe ẹsẹse. Vbene uwẹ ghi rhia sẹ, a gha ya uwa vbe iran gie egbe, iran ghi gha re ne ẹ i mwẹ orukhọ.
Sokpan, wa rẹnrẹn ighẹ Arriọba Osanobua i ra sẹ emwa dan obọ. Wa ghẹ rẹrẹ egbe uwa: Avbe ni gbe alama, iran ni ga ẹbọ, iran ni ghẹẹ, ikpia ni tie ikpia ne ihua iran ovbe.
Iran ni gbe alama oghẹ, iran ne ẹmwẹ oghẹ khian ẹre ọvbehe, iran ni do ọmwa mu, iran ni ta ohoghe, ra ni ta emwi ne aro iran ma sẹ, ra ni ru emwikemwi ne ọ lughaẹn ne iruẹmwi ẹmwata nii.
Ọ rhe ye vberriọ ni bun gha ye gha yin uyinmwẹ alama iran khian, a ghi do miẹn wẹ, rhunmwuda emwi ne iran ru, emwa ghi do gha ye ukpẹ sakan Odẹ ẹmwata nii.
Wa ye Sọdom kevbe Gomorra kevbe ivbi ẹvbo ni lẹga iran rre, emwa ni ru vbene avbe odibosa vbe ru, ne iran na gha ru emwi ne ọ ma gba vbe ekpa oghẹ, iran kegha fi ehia werriẹ ghe odẹ dan, a keghi ya erhẹn ne ọ giẹn ẹdẹdẹmwẹdẹ rri iran oya ne emwa hia gha miẹn ọnii waan.
Iran ghi rre uwu ọyẹnmwẹ nii, vbe udomwurri, emwa oya eso keghi ke ẹvbo nii rre, iran lẹga owa nii, iran na kpe ẹkhu gbigbigbi. Iran keghi tama ediọnmwa nii wẹẹ, “Rhie okpia ne ọ leluẹ gha die owa han ladian, ma ra gu ẹe ru emwi ọdọ vbe amwẹ.”