Gẹnẹsis 19:35 - Edo Bible (E Baibol Ẹdo) Version 1996

³⁵ Vbe asọn nii, iran keghi ye ayọn nẹẹn da, ovbi ẹre nokhuo ne kherhe keghi vbe guẹe lovbiẹ. Erriọ ọ vbe gha ye, ayọn ke gbẹe sẹrriọ wẹ ọ ma rẹn.

Gẹnẹsis 19:35 ပူးပေါင်းရင်းမြစ်များ

Gẹnẹsis 19:34

Ẹdẹ ghi gbe, ovbi ẹre nokhuo nọdiọn keghi tama nekherhe wẹẹ, “Mẹ vbe erhamwẹ gba ru emwi ọdọ vbe amwẹ nasọn, gie ima vbe ye ayọn nẹẹn da asọn na ne uwẹ vbe ya lovbiẹ kẹe. Ma eva ghi do biẹlẹ ne erha ima.”

Gẹnẹsis 19:36

Erriọ ọ re ivbi e Lọt nikhuo eveva na gha hanmwa ne erha iran.

Psalm 8:4

Vbe ọmwa khin, ne uwẹ mu ẹmwẹ ọnrẹn ro, kevbe ọmwa kẹkan, ne uwẹ na zẹ yọ ẹre re?

Itan 24:16

Inugba ne ọ khọnrẹn wẹ ne ọmwa ne ọ yin ẹse de, te ọ gha ye kpaegbe; sokpan, ọkhọ ọ re ọ fuẹn ọmwa dan an.

Asan-Ibo 7:26

I keghi miẹn emwiọkpa ne ọ rriara sẹẹ uwu — ọnii ọ re okhuo. Ahoẹmwọmwa ne ọ ra mwẹ ghe ruẹ sẹtin wa mu ẹn zẹ vbe ifi ra ọga, obọ ne ọ ya kinnọ ọn ghi gba a mwẹ zẹ vbe eghan. Ọmwa ne ọ ru emwi ne ọ yẹ Osanobua sẹtin lẹfe vbọ, sokpan te obọ ẹre gba ọmworukhọ.

Iyẹn ne ọ Maan Ọghe Luk 21:34

“Wa gha begbe! Wa ghẹ gie iwinna evbare ne a re, ayọn ne ọ wegbe ra osi ẹmwẹ agbọn na mu uwa, ne Ẹdẹ nẹdẹrriọ ghẹ do hẹ rhu uwa vbe udomwirri.

I Pita 4:7

Ufomwẹ emwi hia sẹ otọ fo nẹ. Wa gha ziengbe emwi, wa ghi vbe khẹ yegbe, ne uwa sẹtin gha na erhunmwu.