Gẹnẹsis 19:31 - Edo Bible (E Baibol Ẹdo) Version 1996

³¹ Ovbi ẹre nokhuo nọdiọn keghi tama nekherhe wẹẹ, “Erha ima ya egbe rrie ọmaẹn nẹ, okpia i ghi rre agbọn na ne ima gha rọnmwẹ ne ima miẹn ehe na biẹlẹ.

Gẹnẹsis 19:31 ပူးပေါင်းရင်းမြစ်များ

Gẹnẹsis 16:2

Serai keghi tama Ebram wẹẹ, “Ghe nian, Nọyaẹnmwa ma rhie ọmọ mẹ biẹ. Vbọzẹ ne u ma na tie ọviẹn mwẹ ovbe yi? U ghaghe ọ ghi biẹ mẹ.”

Gẹnẹsis 16:4

Ugbẹn vbe Ebram ghi tie Hega ovbe nẹ, ọ kegha hanmwa. Ugbẹn vbe irẹn ghi miẹn wẹ rẹn hanmwa, ọ keghi suẹn gha hio, ọ na gha zan Serai.

Gẹnẹsis 19:28

Ọ ke tọn aro mu ya ghe Sọdom kevbe Gomorra kevbe iya nii hia, ọ keghi miẹn vbe ighogho gbe ke otọe nii rre zẹ vbe ighogho nọ gbe ke ogidi erhẹn rre.

Gẹnẹsis 4:1

Adam keghi tie amwẹ ọnrẹn ovbe, ọ na gha hanmwa. Rẹn keghi biẹ ọmọ okpia, ọ ke kha wẹẹ, “Mẹ mwẹ ọmọ okpia vbekpa iyobọ Nọyaẹnmwa.” Rẹn keghi rhunmwuda ọnii he ẹre Keni.

Gẹnẹsis 6:4

Vbe ẹghẹ ne a kha na kevbe iyeke ẹghẹ nii, avbe arhuanran ne ikhuo nii kevbe avbe ẹrinmwi nii biẹlẹe kegha rre agbọn. Iran nii ọre ọ gha re avbe ọkhae ni hin usi ọghe ẹkpo nẹdẹ.

Aizaia 4:1

Ọ gha ghi sẹ ẹghẹ ne a kha na, ikhuo ihinrọn gha de obọ mu okpia ọkpa, iran ghi kha wẹẹ, “Ma gha sẹtin koko egbe mwa, ma gha vbe sẹtin de ukpọn ye egbe mwa ẹkun, sokpan gie ima gha kha ighe wẹ ọrọre ọdafẹn ima, ne a ban ukpọn efaa ọghe okhuo ne ẹ i mwẹ ọdọ hin ima ẹkun rre.”

Iyẹn ne ọ Maan Ọghe Mak 9:6

Ke irẹn kevbe nekpa wa runran sẹrriọ ne ọ na ma ghi rẹn ẹmwẹ ne ọ gha guan.

Diuteronomi 25:5

“A deghẹ etẹn eva koko yan emwi ọkpa, ọkpa vbọ ke ghi wu vbe ne ẹ i na mwẹ ọmọ okpia, okhuo ne ọ wu sẹrae nii, a ghẹ gie ẹe rhie obọ gberra ẹgbẹ nii ya rọnmwẹ ọdọ. Iwinna ne ọ bi ye ọtiọnrẹn nii egbe nọ ne ọ rhie ẹre rọnmwẹ.