Gẹnẹsis 19:3 - Edo Bible (E Baibol Ẹdo) Version 1996

³ Sokpan rẹn keghi ye gha rhẹrhẹ iran, vbe okiekie, iran na lelẹe gha rrie owa ẹre. E Lọt keghi wẹ ne eguọmwadia ẹre le ebrẹd, ọ na le evbare esiesi ne iran, iran na re.

Gẹnẹsis 19:3 ပူးပေါင်းရင်းမြစ်များ

Gẹnẹsis 19:2

Ọ na kha wẹẹ, “Adazẹ, te I rre do mu ọghọ ye uwa egbe, lahọ wa gha die owa mwẹ, wa sẹtin kpe owẹ ne uwa gbe asọn na mwa. Wa sẹtin rhiọ vbe owiẹ ne uwa gha rrie ehe ne uwa rrie.” Sokpan iran wanniẹn wẹẹ, “Ẹn o, adesẹ ore vbe ihuada ẹvbo na ma ra vbiẹ.”

Gẹnẹsis 21:8

Ọmọ nii keghi wan, vbe ẹdẹ ne a ghi fian ẹre ewẹn, Ebraham keghi le evbare eghọ nọkhua.

Gẹnẹsis 24:31

Rẹn keghi tama rẹn wẹẹ, “Lele mwẹ gha die owa, ọmwa ne Nọyaẹnmwa fiangbe ọre u khin, vbua na mudia ye ore hẹ yi vbe I dọlọ ihe eso ye otọ khẹ ruẹ nẹ vbe uwe owa, otọ vbe rrọ ne avbe kẹtẹkẹtẹ ruẹ.”

Gẹnẹsis 26:30

Aizik keghi le evbare ne iran, iran na re, iran na da.

II Ọba 4:8

Ọ ghi sẹ ẹdẹ ọkpa, Elaisia kegha rrie Siunẹm, ehe ne okhuo ne ọ fee ọkpa ye. Okhuo nii keghi tie ẹre sẹ owa ne ọ do rri evbare, ke ẹghẹ nii kpao, eghẹ ne ọ rhirhi ya yo e Siunẹm owa ẹre ọre ọ na rri evbare.

Ẹksọdọs 12:15

“Wa ghi ya ẹdẹ ihinrọn rri ebrẹd ne ọ ma hue. Vbe ikpẹdẹ ne okaro, wa ghi viọ ebrẹd ne ọ huere hin owa rua rre, rhunmwuda ọmwaikọmwa ne ọ rri ebrẹd ne ọ huere ke ikpẹdẹ nokaro ya sẹ ikpẹdẹ ne okiekie, a gha kan ẹn fua hin ọbuohiẹn emwa mwẹ rre.

Ẹksọdọs 12:39

Iran kegha ya irhuarhua ne iran mu ke Igipt ladian fian ebrẹd ne ọ ma hue rhunmwuda ne a na khulo iran ke Igipt ladian ẹgiẹgiẹ. Iran ma miẹn ẹghẹ ya le evbare ne egbe iran, ra ne iran fian ebrẹd ne ọ huere.

Iyẹn ne ọ Maan Ọghe Luk 11:8

Vbe a ghi ra wẹ ọ khin? Ne I tama ruẹn, a deghẹ ọ ma la ekpa ọghe ọse wa khin kpaegbe do viọ ebrẹd nii nuẹn, te ọ gha kpaegbe viọ emwi hia ne u ho nuẹn rhunmwuda ighe ekhue ma mu uwẹ, u na rhiegba yọ nọ rẹn.

Iyẹn ne ọ Maan Ọghe Luk 14:23

Arowa nii keghi khama ọguọmwadia nii wẹẹ, ‘Gha rrie ivbiodẹ kevbe odẹ nekhua ọghe ẹvbo na, viọ ẹvbo rre, ne owa mwẹ miẹn ehe na vuọn.

Iyẹn ne ọ Maan Ọghe Luk 5:29

Livai keghi le evbare nọkhua tie Jesu sẹ owa. Ni bun vbe uwu iran ni koko igho uhunmwu kevbe emwa ọvbehe keghi tota ba iran.

Iyẹn ne ọ Maan Ọghe Jọn 12:2

Iran keghi le evbare ota ya mu ọghọ ye ọre egbe, Mata kegha gu iran viọ nene evbare rre vbene Lazarọs na tota ba Jesu vbe eteburu gha rri evbare.

I Kọrinti 5:8

Wa gie ima do ugie emwi ukpo mwa, sokpan ẹ i re ne a ya ebrẹd ne eyist nẹdẹ ni ye do, eyist orukhọ kevbe alama, sokpan ọghe ebrẹd ne ẹ i mwẹ eyist, ebrẹd uhuanmwẹ kevbe uhunmwu ẹmwẹ.

II Kọrinti 5:14

Rhunmwuda, aho ẹmwẹ ọmwa ne Kristi mwẹ ghe mwa, ọre ọ da kha yan mwa, ugbẹn vbe ima ghi do rẹn nẹ nian wẹ, orhiọnkpa wu ne emwa hia, ne ọ rhie maa wẹ, emwa hia mwẹ oghae vbe uwu ẹre.

Hibru 13:2

Wa gha rhie orhunmwuyẹn la owa. Emwa eso rrọọ ni ru vberriọ, iran na viọ, avbe odibo Osa la owa, vbene iran ma na rẹn.

Giọgis 6:19

Ọ re Gidiọn na la owa, ọ na ya le oteghe ẹwe, ọ na ye uwan irhuarhua ọkpa le ebrẹd ne a ma rhie eyist yi, Ọ kevbe viọ emiowo ni ye okhuae, ọ na mu uwọnmwẹ ne ọ rrọọ ye uwawa, ọ na viọ bu odibo e Nọyaẹnmwa nii gha die ototọ erhan okan nii, ọ na viọ ne ẹẹn.

I Samuẹl 28:24

Okhuo nii na zẹgiẹgiẹ gbe ovbi ẹmila ne ọ ghaa bẹẹ, ọ keghi viọ irhuarhua, ọ keghi gbe ẹmila nii, ọ na le ebrẹd ne a ma rhie eyist yi.