Gẹnẹsis 19:24 - Edo Bible (E Baibol Ẹdo) Version 1996

²⁴ E Nọyaẹnmwa keghi gie ugbofi ne ọ giẹn ke odukhunmwu rhọ yan Sọdom kevbe Gomorra vbe udomwurri.

Gẹnẹsis 19:24 ပူးပေါင်းရင်းမြစ်များ

Gẹnẹsis 13:10

Lọt keghi tọn aro mu ọ na miẹn wẹ, iya ọghe ẹzẹ Jọdan hia wa ya sẹ Zoa, amẹ wa rrọọ ẹsẹse zẹ vbe ogba ọghe Nọyaẹnmwa, kevbe sẹ vbe otọe Igipt! (Ẹghẹ na, Nọyaẹnmwa ma he fuẹn otọ Sọdom kevbe Gomorra).

Gẹnẹsis 13:12

Ebram keghi di Kenan ya, Lọt keghi gbe ẹkun sotọ yin avbe ẹvbo ni rre iya nii, ọ na bu agọ ye ọkpẹn Sọdom,

Gẹnẹsis 18:17

E Nọyaẹnmwa keghi tae vbe ekhọe ẹre wẹẹ, “I i sẹtin rhie emwi ne I ra ru lẹre ne Ebraham.

Gẹnẹsis 19:23

Te owẹn he yan rre dee vbe Lọt sẹ Zoa.

Job 1:16

Te ọnii he ye guan vbe ọguọmwadia ọvbehe rre do tama rẹn wẹẹ, “Avan nukhunmwu de yan avbe ohuan kevbe avbe ọsuohuan, ọ keghi gbele iran hia a, mẹ ọkpa ọ re ọ miẹn uhunmwu, ọ re I na do tama ruẹn.”

Job 18:15

Ọmwaikọmwa sẹtin ya di owa ukpọn rẹn ya nian, iyeke vbe a ghi sa ugbofi ya gbele ọkhọe hin rre nẹ.

Psalm 11:6

Ọ ghi rhurhẹ erhẹn ẹyin ne ọ giẹn kevbe isonwẹn ne ọ tọn yan emwa dan. Ọ ya ẹhoho ne ọ tọn rri iran oya.

Ẹksọdọs 9:23

Ẹre Mosis na niẹn ọkpọ ẹre da iso. E Nọyaẹnmwa na rhọ avan ne ukhunmwu kevbe ayan ku otọe. E Nọyaẹnmwa na rhọ avan ne ukhunmwu yan Igipt.

Aizaia 1:9

Akpawẹ ẹ ire ne Nọyaẹnmwa ne Oghodua na gie eso miẹn uhunmwu vbọ, iran gha wa fuẹn e Jerusalẹm uan fẹẹrẹ zẹvbe Sọdom kevbe Gomorra.

Aizaia 13:19

E Babilọn ọrọre otọe arriọba ne ọ mose sẹẹ vbe uwu ehia, emwi ne emwa rẹn ya hio nọ. Sokpan mẹ ne Nọyaẹnmwa gha dunmwu e Babilọn uan zẹ vbene i ru e Sọdom kevbe Gomorra.

Aizaia 30:33

Ẹghẹ ne ọ kpẹre ne ọ gberra, ọ re a na dọlọ ihe ọkpa yotọ ne a ra na ya ogidi erhẹn giẹn ọgbaisi ọghe Asiria. Ọ dinmwi, ọ vbe vbẹ, a keghi wa silo erhan vuọn ọnrẹn. E Nọyaẹnmwa ghi hiọnrọn erhẹn ladian ne ọ ya hie erhẹn yọ.

Jerimaia 20:16

Te ọ gha họn utumwẹ obalọ vbe owiẹ kevbe okokoko ọghe okuo vbe ogiavan.

Jerimaia 23:14

Sokpan, I vbe miẹn wẹ avbe akhasẹ ni rre Jerusalẹm wa vbe rhia sẹẹ iran rhie amwẹ ẹrrẹe, iran vbe ta ohoghe, iran kpe ọbọbọ ne emwa ya gha ziba. Sẹrriọ wẹ a i ghi miẹn ne ọ dobọ emwi dan ne a ru yi. Zẹ vbe ne I miẹn iran, iran hia wa vbe rhia vbe ivbi e Sọdom kevbe Gomorra.

Jerimaia 49:18

Emwi ne ọ mian Sọdom kevbe Gomorra vbe ẹghẹ ne a na guọghọ iran kevbe avbe ẹvbo ni lẹga iran uan, ọ re ọ ra vbe rruan Idọm. Ọmwa i ghi dọlegbe yin ẹnrẹn ọvbehe. Mẹ ne Nọyaẹnmwa ọ re ọ taa ẹe.

Jerimaia 50:40

Emwi ne ọ rruan e Sọdom kevbe Gomorra, ọ re ọ ra vbe rruan e Babilọn, ẹghẹ ne I na fuẹn iran kevbe ẹvbo ni lẹga iran an. Ọmwa i ghi ra dọlegbe yin evba nii ọvbehe. Mẹ ne Nọyaẹnmwa taa ẹe nẹ.

Eve Orriara 4:6

A rri avbe emwa mwẹ oya, ne ọ gberra ọghe ivbi e Sọdom, emwa ne Osanobua rrua gbotọ vbe udomwurri.

Hozia 11:8

“Vbe I a ghi ra he uwẹ fua hẹ Izrẹl? Vbe I a ghi ra sẹtin fi iyeke gbuẹ hẹ? Mẹ gha sẹtin fuẹn uwẹ ua zẹ vbe Adma ra? Ra ne I ru uẹ vbene I ru Zẹboim? Ekhọe i sẹ mwẹ ya ru ẹe ahoẹmwọmwa mwẹ ghe ruẹ kpọlọ gbe.

Emọs 4:11

“I fuẹn eso vbe uwu uwa a, zẹ vbene I fuẹn Sọdom kevbe Gomorra, wa ni miẹn uhunmwu vbọ keghi yevbe ovbi erhan ne ọ giẹn khian, a keghi rhie ẹre hin erhẹn rre. Sevba, wa ma ye bu mwẹ rre,” erriọ Nọyaẹnmwa khare.

Zẹfanaia 2:9

Omwa vbene a na miẹn wẹ mẹ ọrọre Osanobua ne ọ rrọọ ọghe Izrẹl, I vẹn ihen nẹ wẹ te a ra fuẹn Moab kevbe Amọn zẹ vbe Sọdom kevbe Gomorra. Iran gha khian otọ uye umwẹ kevbe itowa ẹdẹdẹmwẹdẹ ne ekie hinrin. Iran ni ghi miẹn uhunmwu vbe emwa mwẹ gha hẹ rhu iran, iran ghi mu otọ iran.”

Iyẹn ne ọ Maan Ọghe Luk 10:12

Ne I tama uwa, ọ gha sẹ Ẹdẹ Ibuohiẹn Osanobua gha tohan Sọdom sẹ ẹvbo nii!

Diuteronomi 28:24

Ne amẹ gha na te gha rhọ, e Nọyaẹnmwa gha tie ẹhoho ebubẹ ke ọghe ekhae yan uwa, wa te do khian emwa ni fuan.

Diuteronomi 29:22

“Vbe ẹghẹ ne ọ dee, avbe ivbi uwa kevbe avbe erriọvbe ni ke otọe ne ọ rre gha dee, gha miẹn ọkhọ kevbe oya ne Nọyaẹnmwa zẹ rruan otọe uwa.

Diuteronomi 29:23

Oha ghi khian ehe ọrhiae ne ọ dihoi rua ne ugbofi kevbe umwẹ lẹ rhu, a i kọ emwi yọ, irunmwu i ra vbe zọ vbọ. Otọe uwa ghi yevbe avbe ẹvbo e Sọdom kevbe Gomorra, zẹ vbe Adma ke Zẹboim, ne e Nọyaẹnmwa dunmwu an vbe ohu kakabọ mu ẹẹn.

II Pita 2:6

Osanobua bu ohiẹn gbe avbe ẹvbo Sọdom kevbe Gomorra, ọ keghi ye erhẹn fuẹn iran uan, ọ keghi ya iran khian igiemwi ne emwa dan, vbe ekpa emwi ne ọ gha sunu vbe egbe iran.

Ebe ne Jud gbẹẹn 1:7

Wa ye Sọdom kevbe Gomorra kevbe ivbi ẹvbo ni lẹga iran rre, emwa ni ru vbene avbe odibosa vbe ru, ne iran na gha ru emwi ne ọ ma gba vbe ekpa oghẹ, iran kegha fi ehia werriẹ ghe odẹ dan, a keghi ya erhẹn ne ọ giẹn ẹdẹdẹmwẹdẹ rri iran oya ne emwa hia gha miẹn ọnii waan.

Arhie Maan 14:10

Rẹn tobọ ẹre gha vbe wọn vbe uwu ayọn Osanobua, ayọn izohu ẹre ne ọ wa yan hihiẹ ye ukpu izohu ẹre. Iran hia ni ru ọnii, a gha rri iran oya vbe uwu erhẹn kevbe ugbofi vbe odaro avbe odibosa ni huanrẹn kevbe Oteghe Ohuan.