Gẹnẹsis 19:2 - Edo Bible (E Baibol Ẹdo) Version 1996

² Ọ na kha wẹẹ, “Adazẹ, te I rre do mu ọghọ ye uwa egbe, lahọ wa gha die owa mwẹ, wa sẹtin kpe owẹ ne uwa gbe asọn na mwa. Wa sẹtin rhiọ vbe owiẹ ne uwa gha rrie ehe ne uwa rrie.” Sokpan iran wanniẹn wẹẹ, “Ẹn o, adesẹ ore vbe ihuada ẹvbo na ma ra vbiẹ.”

Gẹnẹsis 19:2 ပူးပေါင်းရင်းမြစ်များ

Gẹnẹsis 18:4

Gunmwẹ wẹ ne iran sa amẹ ya kpe uwa owẹ, wa sẹtin hẹwẹ vbe emwana, vbe ototọ erhan na.

Gẹnẹsis 19:1

Ugbẹn vbe avbe odibosa eva nii ghi sẹ Sọdom vbe ẹghẹ ota, e Lọt keghi rre ehe ne ọ tota yi vbe onurho ẹvbo nii, ehe ne emwa na ko. Ugbẹn vbe Lọt ghi wa bẹghe iran, ọ keghi guakpao ya vba iran. Ọ keghi diguẹ mu aro rhuotọ vbe odaro iran.

Gẹnẹsis 19:3

Sokpan rẹn keghi ye gha rhẹrhẹ iran, vbe okiekie, iran na lelẹe gha rrie owa ẹre. E Lọt keghi wẹ ne eguọmwadia ẹre le ebrẹd, ọ na le evbare esiesi ne iran, iran na re.

Gẹnẹsis 24:31

Rẹn keghi tama rẹn wẹẹ, “Lele mwẹ gha die owa, ọmwa ne Nọyaẹnmwa fiangbe ọre u khin, vbua na mudia ye ore hẹ yi vbe I dọlọ ihe eso ye otọ khẹ ruẹ nẹ vbe uwe owa, otọ vbe rrọ ne avbe kẹtẹkẹtẹ ruẹ.”

Gẹnẹsis 43:24

Ọguọmwadia nii keghi viọ emwa nii gha die owa e Josẹf, ọ keghi sa amẹ ne iran ya kpe owẹ, Ọ na rhie evbare ne ekẹtẹkẹtẹ iran.

II Samuẹl 11:8

Ọ keghi tama Uraia wẹẹ, “Sua owẹ sẹ owa ne u ya hẹwẹ kherhe.” Uraia keghi kpao, e Devid na viọ emwi ihaoko gha rrie ọ re owa.

Job 31:32

Te I tie ekhẹn la owa mwẹ, I i vbe giẹ iran vbiẹ ughe.

Itan 25:17

Ghẹ kpẹkpẹ gbe vbe otuẹ ne u mu gie emwa ẹdogbo ruẹ, egbe ruẹ sẹtin wọ ẹre, ọ ghi do gha mu ohu ruẹ.

Ihuan Ne Ọ Sọọ Ihuan Hia 5:3

I kuọ ukpọn ye otọ nẹ vbe I a ghi ra vbe he ọ re ye egbe baa? I kpe owẹ mwẹ nẹ, vbe I a ghi ra vbe yae gbe iruẹn hẹ?

Iyẹn ne ọ Maan Ọghe Luk 7:44

Rẹn keghi mu aro da okhuo nii, ọ tama Saimọn wẹẹ, “U ma miẹn okhuo na? Vbe I la owa ruẹ, u ma sa amẹ mẹ ya kpe owẹ, sokpan rẹn ye ameve ẹre kpe mwẹ owẹ, ọ keghi ya eto ne uhunmwu ẹnrẹn khiẹn rẹn uan.

Iyẹn ne ọ Maan Ọghe Jọn 13:5

Ọ tue amẹ ye emwi ne a ya khuẹ, ọ keghi suẹn gha kpe avbe erhuanegbe ẹre owẹ, ọ na ya ukpọn ne ọ rhiegba ni gha khiẹn rẹn uan.

Iwinna 16:15

A keghi sa amẹ ne ẹn ke ẹe kevbe owa ẹre. Rẹn keghi tama ima wẹẹ, “Deghẹ wa gele ka mwẹ ye ọmwa ne ọ ya Nọyaẹnmwa yi vbe ẹmwata, wa do di owa mwẹ ya.” Rẹn keghi rherhe ima viọ gha khian.

Hibru 13:2

Wa gha rhie orhunmwuyẹn la owa. Emwa eso rrọọ ni ru vberriọ, iran na viọ, avbe odibo Osa la owa, vbene iran ma na rẹn.