Gẹnẹsis 19:17 - Edo Bible (E Baibol Ẹdo) Version 1996

¹⁷ Ugbẹn vbe iran ghi viọ iran ladian hin ore ẹvbo rre nẹ, ọkpa vbe avbe odibosa nii ke kha wẹẹ, “Le fua! Ghẹ ghe odieke, ghẹ vbe yakọ vbe iya na. Lẹ gha rrie uhunmwu oke, ne a ghẹ gbele uwa a.”

Gẹnẹsis 19:17 ပူးပေါင်းရင်းမြစ်များ

Gẹnẹsis 13:10

Lọt keghi tọn aro mu ọ na miẹn wẹ, iya ọghe ẹzẹ Jọdan hia wa ya sẹ Zoa, amẹ wa rrọọ ẹsẹse zẹ vbe ogba ọghe Nọyaẹnmwa, kevbe sẹ vbe otọe Igipt! (Ẹghẹ na, Nọyaẹnmwa ma he fuẹn otọ Sọdom kevbe Gomorra).

Gẹnẹsis 14:10

Uvun ọdan ọre ọ vuọn iya ọghe Sidim, ugbẹn vbe avbe ọba Sọdom kevbe Gomorra ghi te ra lẹ kua vbe okuo, iran na kharha ye uwu uvun nii, iran nekpa ke lẹ la uhunmwu oke.

Gẹnẹsis 18:22

Avbe ikpia eva nii keghi kpao, iran keghi mu aro da Sọdom sokpan Nọyaẹnmwa keghi mudia ke Ebraham.

Gẹnẹsis 19:18

Sokpan Lọt wanniẹn wẹẹ, “Ẹn o, ẹ i re erriọ Nọwanrẹn.

Gẹnẹsis 19:22

Zẹgiẹ! Rhulẹ! I i ra sẹtin ru emwi rhọkpa vbe ẹ i re te u sẹ evba nẹ.” Rhunmwuda ne Lọt na tie ẹre nekherhe, a ke gha tie ẹvbo nii Zoa.

Gẹnẹsis 19:26

Sokpan amwẹ Lọt keghi ghe odieke, a na fiẹe werriẹ yae khian orrẹ umwẹ.

Gẹnẹsis 19:30

Ohan ma gie Lọt die Zoa ya, rẹn vbe ivbi ẹre nikhuo eva kegha rrie uhunmwu oke, iran na ya gha rre uwe uvun okuta.

I Ọba 1:12

A Deghẹ u ho ne u sinmwi uhunmwu uwẹ kevbe ọghe Solomọn ne ovbi uẹ ye agbọn, emwi ne I gha tama ruẹn ne u ru ọ re ọna khin.

I Ọba 19:3

Ohan keghi mu Elaija ọ na lẹ fua, ọ keghi rhie ọguọmwadia ẹre ba egbe, ọ na lẹ gha rrie Biẹsiẹba vbe Juda. Ọ keghi vbe sẹ ọguọmwadia ẹre rae ye evba.

Psalm 121:1

Me gha tọn aro mu ghe avbe oke nii. De ehe ne iyobọ mwẹ gha ke rre?

Jerimaia 48:6

‘Ẹgiẹgiẹ, wa lẹ rhie uhunmwu hin ẹbe rre!’ erriọ iran tae, ‘Wa rhulẹ zẹ vbe ekẹtẹkẹtẹ oha ne ato!’

Nọmbas 16:26

Ọ keghi tama emwa ni wẹẹ, “Wa kpa hin ehe ne owa ukpọn avbe emwa dan na ye rre, wa ghẹ vbe ya obọ kan emwi iran rhọkpa, ne a ghẹ ya fuẹn uwa lele iran rhunmwuda orukhọ iran hia.”

Matiu 3:7

Ugbẹn vbe Jọn ghi miẹn ighe avbe Farisi kevbe e Sadusi vẹ bu irẹn rre ne ọ do samẹ ne iran, ọ tama iran wẹẹ, “Wa ne ẹyẹn, gha ọ ghi giodẹ ne uwa gha na miẹn uhunmwu vbe obọ irriaikhi Osanobua ne ọ dee ma uwa yi?

Iyẹn ne ọ Maan Ọghe Luk 12:23

Rhunmwuda orhiọn sẹ evbare ẹsẹse, egbe vbe mwẹ uyi sẹ ukpọn ẹsẹse.

Iyẹn ne ọ Maan Ọghe Luk 9:62

Jesu tama rẹn wẹẹ, “Ọmwa ne ọ gha suẹn egua ne a ya ẹmila gua nẹ, ọ na ye vbe gha ghe iyeke, ẹ i mwẹ vbe ọ gie a ya ru vbe Arriọba Osanobua.”

Hibru 2:3

Vbe ima gha na miẹn uhunmwu hẹ khekherriọ a deghẹ ma ma zẹ ye ẹmwẹ imiẹnfan ne ọ kpọlọ sẹ vbenian na? Nọyaẹnmwa tobọ ẹre ọre ọ ka ta ẹmwẹ imiẹnfan na rre, iran ni miẹn ẹmwẹ ọnrẹn ye ehọ, keghi rhie maa ima ighẹ ẹmwata nọ.

I Samuẹl 19:11

Vbe asọn ọkpa nii, e Sọl keghi gie emwa eso ne iran ya gha khẹ owa e Devid, ne iran gbe ẹe rua vbe ẹdẹ a ghi gbe. Ẹre Mikal ne amwẹ Devid na ya tama rẹn wẹẹ, “A deghẹ u ma lẹfua asọn na, ikun ruẹn ọre a khian mu ẹdẹ ne akhuẹ.”