Gẹnẹsis 19:15 - Edo Bible (E Baibol Ẹdo) Version 1996

¹⁵ Ẹdẹ ghi gbe, avbe odibosa nii keghi ya tua Lọt, iran tama rẹn wẹẹ, “Zẹgiẹgiẹ, rhie amwẹ ọn kevbe ivbuẹ nikhuo eveva ne u ladian ne uwa ghẹ wirua ye uwe ehe ne a na fuẹn ẹvbo na an.”

Gẹnẹsis 19:15 ပူးပေါင်းရင်းမြစ်များ

Gẹnẹsis 19:14

E Lọt keghi bu emwa ne avbe ivbi ẹre nikhuo ra te rọnmwẹ, ọ tama iran wẹẹ, “Wa zẹgiẹ ladian vbe emwana, e Nọyaẹnmwa ra do fuẹn emwa na an.” Sokpan iran keghi ro ighẹ ọdẹn ọre ọ gbe.

Gẹnẹsis 19:16

E Lọt keghi gha si uhe. Sokpan e Nọyaẹnmwa tohan rẹn, emwa nii keghi rhie ẹre obọ kevbe amwẹ ọnrẹn kevbe ivbi ẹre nikhuo eva, iran keghi hẹ iran ladian vbe ẹvbo nii, iran na sẹ iran rae ye evba.

Gẹnẹsis 19:17

Ugbẹn vbe iran ghi viọ iran ladian hin ore ẹvbo rre nẹ, ọkpa vbe avbe odibosa nii ke kha wẹẹ, “Le fua! Ghẹ ghe odieke, ghẹ vbe yakọ vbe iya na. Lẹ gha rrie uhunmwu oke, ne a ghẹ gbele uwa a.”

Gẹnẹsis 19:22

Zẹgiẹ! Rhulẹ! I i ra sẹtin ru emwi rhọkpa vbe ẹ i re te u sẹ evba nẹ.” Rhunmwuda ne Lọt na tie ẹre nekherhe, a ke gha tie ẹvbo nii Zoa.

Psalm 94:23

Ọ gha rri iran oya ye emwi dan ne iran ru, ọ gha fuẹn iran an ye ẹmwẹ orukhọ iran, e Nọyaẹnmwa, Osanobua mwa gha fuẹn iran an.

II Kọrinti 6:2

Wa họn vbene Osanobua kha hẹ: “I họn ọwua vbe ẹghẹ ne I ya ru uwa ẹse: I ye uwa obọ vbe ẹdẹ imiẹnfan.” Wa danmwehọ nian, ẹghẹ ne a ya miẹn aro ne ọ maa Osanobua ọna khin na, ẹdẹ nẹ rẹ ọrọre ẹdẹ imiẹnfan.

Arhie Maan 18:4

I keghi vbe dọlegbe họn vbe urhu ọvbehe vbe guan ke ẹrinmwi rre wẹẹ, “Wa ke evba ladian, wa ne emwa mwẹ, wa ke uwu ẹre ladian, wa ghẹ gu ẹe mwẹ obọ vbe orukhọ ne ọ ru, wa ghẹ gu ẹe ghae vbe oya ne a ra rri ẹre re.