Gẹnẹsis 19:14 - Edo Bible (E Baibol Ẹdo) Version 1996

¹⁴ E Lọt keghi bu emwa ne avbe ivbi ẹre nikhuo ra te rọnmwẹ, ọ tama iran wẹẹ, “Wa zẹgiẹ ladian vbe emwana, e Nọyaẹnmwa ra do fuẹn emwa na an.” Sokpan iran keghi ro ighẹ ọdẹn ọre ọ gbe.

Gẹnẹsis 19:14 ပူးပေါင်းရင်းမြစ်များ

Gẹnẹsis 19:15

Ẹdẹ ghi gbe, avbe odibosa nii keghi ya tua Lọt, iran tama rẹn wẹẹ, “Zẹgiẹgiẹ, rhie amwẹ ọn kevbe ivbuẹ nikhuo eveva ne u ladian ne uwa ghẹ wirua ye uwe ehe ne a na fuẹn ẹvbo na an.”

Gẹnẹsis 19:17

Ugbẹn vbe iran ghi viọ iran ladian hin ore ẹvbo rre nẹ, ọkpa vbe avbe odibosa nii ke kha wẹẹ, “Le fua! Ghẹ ghe odieke, ghẹ vbe yakọ vbe iya na. Lẹ gha rrie uhunmwu oke, ne a ghẹ gbele uwa a.”

Gẹnẹsis 19:22

Zẹgiẹ! Rhulẹ! I i ra sẹtin ru emwi rhọkpa vbe ẹ i re te u sẹ evba nẹ.” Rhunmwuda ne Lọt na tie ẹre nekherhe, a ke gha tie ẹvbo nii Zoa.

II Krọnikol 30:10

Iran na gie ẹre uhunmwu keghi wa la ẹvbo ni rre otọ Ifreim kevbe Manasẹ fo, kevbe ya sẹ Zẹbulọn vbe odẹ Okuọ, sokpan emwa nii kegha giẹ iran, iran na gha ya iran gbogiẹ.

II Krọnikol 36:16

Sokpan, iran kegha ya emwa ne Osanobua gie ẹre uhunmwu gbogiẹ, iran ma zẹ ye ẹmwẹ ne iran ta, iran na vbe gha giẹ avbe akhasẹ ọre, rhinrin a ke do miẹn wẹ ohu Osanobua ghe emwa rẹn kpọlọ sẹrriọ wẹ, emwi ne a gha ya rhanmwẹ ọẹn re, ẹ i ghi rrọ.

Ẹksọdọs 12:31

Vbe asọn ọkpa nii ọba keghi gie na tie Mosis kevbe Errọn, ọ wẹẹ, “Ke uwẹ kevbe emwa ruẹn, wa zẹgiẹ ladian, wa sẹ ẹvbo mwẹ rae, wa ya ga Nọyaẹnmwa zẹ vbene uwa kha re.

Ẹksọdọs 9:21

Sokpan eso vbọ ma zẹ ye ẹmwẹ ne Nọyaẹnmwa ta ẹe, iran na sẹ eviẹn kevbe emwirri iran rae ye adesẹ ore.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Aizaia 28:22

Ghẹ giẹ ye obọ ne I ya sa ekhae ne uwa, wa gha danmwẹ ọẹn ru vberriọ, ọ gha baa gbe wa ke miẹn uhunmwu. I họn ẹn vbe Nọyaẹnmwa ne Oghodua tae wẹ te irẹn ra fuẹn otọe ẹvbo nii hia a.

Jerimaia 20:7

E Nọyaẹnmwa, u mu mwẹ rẹrẹ nẹ, mẹ keghi khian ne a mu rẹrẹ. U wegbe sẹ mwẹ, obọ ruẹ keghi ke ukhunmwu mẹ. Te emwa hia ghi ya mwẹ gbe ogie te iran ghi gie mwẹ ne ebi ro.

Jerimaia 43:1

I keghi talọ emwi hia ne Nọyaẹnmwa ne Osanobua avbe emwa nii giee mwẹ ne I tama iran fo ma iran.

Jerimaia 43:2

Ẹre Azaraia ne ovbi e Hosiaia, kevbe Johanan ne ovbi e Karea, kevbe avbe emwa nii hia nekpa fẹẹrẹ na tama mwẹ wẹẹ, “Ohoghe ọ re u ta, e Nọyaẹnmwa ne Osanobua mwa ma gie uẹ ne u tama ima wẹ ne ima ghẹ gha rrie Igipt ne a ya yin odọ nii.

Jerimaia 51:6

Wa lẹ ladian vbe Babilọn! Wa lẹ rhie uhunmwu hin ẹbe rre! Wa ghẹ gie a gbele uwa ye orukhọ e Babilọn. Te imẹ rria ẹre ikhi na, I ra vbe rri ọre oya ne ọ ma ẹẹn.

Ezikiẹl 20:49

Sokpan, mẹ keghi wẹ, ẹn o “E Nọyaẹnmwa, ghẹ gie mwẹ ne I ya ru ẹe, emwa hia tae khian nẹ wẹ itan itan ọ re I ya guan.”

Nọmbas 16:21

“Gban egbe ghe iyeke hin ehe ne iran na ye rre, ne I wa fuẹn iran uan banbanna.”

Nọmbas 16:26

Ọ keghi tama emwa ni wẹẹ, “Wa kpa hin ehe ne owa ukpọn avbe emwa dan na ye rre, wa ghẹ vbe ya obọ kan emwi iran rhọkpa, ne a ghẹ ya fuẹn uwa lele iran rhunmwuda orukhọ iran hia.”

Nọmbas 16:45

“Gban egbe ghe odieke hin ehe ne iran na ye rre, ne I wa fuẹn iran an ye evba!” Iran keghi vbokho egbe rre viọ aro rhuotọ.

Matiu 1:18

Vbene a ya biẹ Jesu hẹ ọre ọna khin. Josẹf ọre a ya Meri ne iye Jesu na. Sokpan vba te rhie ẹre rrie, a keghi miẹn wẹ ọ hanmwa vbekpa ẹtin Orhiọn Ne Ọ Huanrẹn.

Matiu 9:24

Ọ keghi tama iran wẹẹ, “Wa hẹ ọre hin emwa rre, ọmọ na ma wu, te ọ vbiẹ.” Iran hia kegha giọe.

Iyẹn ne ọ Maan Ọghe Luk 24:11

Sokpan avbe erhuanegbe keghi tie ẹmwẹ ne avbe ikhuo nii do ta ẹmwẹ eghẹrẹ, iran ma vbe yayi.

Iyẹn ne ọ Maan Ọghe Luk 9:42

Ugbẹn vbe ne ọvbokhan ghi wa dee nii, nene orhiọn keghi wa vbe rhie ẹre fianmwẹ otọ, ọ na nien rẹn uan, Jesu keghi gu orhiọn dan nii guan, ọ na sinmwi ọvbokhan ni rhie ne erha ẹe.

Iwinna 17:32

Ugbẹn vbe iran ghi họn vbe Pọl ya unu kan ẹmwẹ arhiọkpaegbe vbe idin orinmwi, eso kegha yae gbe ogiẹ, sokpan eso vbọ keghi vbe kha wẹ, “Ma gha ho ne u dọlegbe guan kan ẹmwẹ na.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.