Gẹnẹsis 19:12 - Edo Bible (E Baibol Ẹdo) Version 1996

¹² Ikpia eva nii keghi tama e Lọt wẹẹ, “Deghẹ u ye mwẹ emwa ọvbehe vbe emwana, ivbuẹ nikpia kevbe nikhuo kevbe emwa ọvbehe ne u ghi mwẹ vbe ẹvbo na, viọ iran hin emwa rre.

Gẹnẹsis 19:12 ပူးပေါင်းရင်းမြစ်များ

Gẹnẹsis 19:11

Iran na rhu ikpia hia ni rre ore aro vbe ne iran ma na ghi rẹn onurho.

Gẹnẹsis 19:13

Rhunmwuda ma ra fuẹn emwa na an. E Nọyaẹnmwa họn iyẹn dan ne a na vbekpa iran na, ọ keghi gie ima ne a do fuẹn Sọdom ruan.”

Gẹnẹsis 19:14

E Lọt keghi bu emwa ne avbe ivbi ẹre nikhuo ra te rọnmwẹ, ọ tama iran wẹẹ, “Wa zẹgiẹ ladian vbe emwana, e Nọyaẹnmwa ra do fuẹn emwa na an.” Sokpan iran keghi ro ighẹ ọdẹn ọre ọ gbe.

Gẹnẹsis 19:17

Ugbẹn vbe iran ghi viọ iran ladian hin ore ẹvbo rre nẹ, ọkpa vbe avbe odibosa nii ke kha wẹẹ, “Le fua! Ghẹ ghe odieke, ghẹ vbe yakọ vbe iya na. Lẹ gha rrie uhunmwu oke, ne a ghẹ gbele uwa a.”

Gẹnẹsis 19:22

Zẹgiẹ! Rhulẹ! I i ra sẹtin ru emwi rhọkpa vbe ẹ i re te u sẹ evba nẹ.” Rhunmwuda ne Lọt na tie ẹre nekherhe, a ke gha tie ẹvbo nii Zoa.

Gẹnẹsis 7:1

E Nọyaẹnmwa keghi tama Noa wẹẹ, “La uwe okọ ke uwẹ kevbe ẹgbẹe ruẹ hia. I miẹn wẹ vbe uwe avbe emwa na hia, wẹ ọkpa kẹkan ọre uyinmwẹ ọnrẹn la mwẹ aro vbọ.

Jerimaia 32:39

I gha rhie emwi okpa kẹkan ne iran hia gha rhie aro yi vbe agbọn iran; ne iran gha ya ọghọ mẹ vbe ẹghẹ hia vbene agbọn gha na maa iran kevbe ivbi uniẹn iran.

Jerimaia 51:45

Wa ne ivbi Izrẹl, wa lẹ ladian vba. Wa lẹ viọ uhunmwu uwa hin ẹbe rre vbe obọ ohu nọkhua ne ọ mu mwẹ.

Nọmbas 16:26

Ọ keghi tama emwa ni wẹẹ, “Wa kpa hin ehe ne owa ukpọn avbe emwa dan na ye rre, wa ghẹ vbe ya obọ kan emwi iran rhọkpa, ne a ghẹ ya fuẹn uwa lele iran rhunmwuda orukhọ iran hia.”

II Pita 2:7

Ọ keghi miẹn Lọt ne ọmwata fan, ọmwa ne iran ya uyinmwẹ alama iran gha kpokpo ighẹ emwa ne ẹ i lele uhi rhọkpa ruemwi.

II Pita 2:9

Erriọ vbe nọ, Nọyaẹnmwa rẹn vbene ọ ya yuo emwa esi hin uwu edanmwẹ iran re hẹẹ, kevbe vbene ọ ya da emwa dan ne a gha rri ọre oya yi khẹ Ẹdẹ Ibuohiẹn hẹ.

Arhie Maan 18:4

I keghi vbe dọlegbe họn vbe urhu ọvbehe vbe guan ke ẹrinmwi rre wẹẹ, “Wa ke evba ladian, wa ne emwa mwẹ, wa ke uwu ẹre ladian, wa ghẹ gu ẹe mwẹ obọ vbe orukhọ ne ọ ru, wa ghẹ gu ẹe ghae vbe oya ne a ra rri ẹre re.