Gẹnẹsis 18:7 - Edo Bible (E Baibol Ẹdo) Version 1996

⁷ Iyeke ọnii, ọ keghi rhulẹ la erhu emwirri ẹnrẹn, ọ keghi dobọ mu ekhuia ẹmila ne sọguọsọguọ ne ọ vbe mwẹ egbe, ọ keghi mu ne ọguọmwadia ọkpa ne ọ zẹgiẹ mwamwa ẹn.

Gẹnẹsis 18:7 ပူးပေါင်းရင်းမြစ်များ

Gẹnẹsis 18:6

Ebraham keghi rhulẹ la uwe owa ukpọn, ọ keghi tama Sera wẹẹ, “Mu ẹkpo ọghe irhuarhua ruẹ ne ọ maa sẹ, dọlọe yi ne u ya le ebrẹd.”

Gẹnẹsis 18:8

Ọ keghi rhie ewẹn ẹmila ọgbọn kevbe emiowo nii, ọ keghi viọ ẹre yotọ vbe odaro emwa nii. Iran ghi rri evbare nẹ, ọ keghi mudia ke iran vbe ototọ erhan nii.

Gẹnẹsis 19:3

Sokpan rẹn keghi ye gha rhẹrhẹ iran, vbe okiekie, iran na lelẹe gha rrie owa ẹre. E Lọt keghi wẹ ne eguọmwadia ẹre le ebrẹd, ọ na le evbare esiesi ne iran, iran na re.

Emọs 6:4

U miẹn vbe ọ gha ba so uwa hẹ, wa ni nien obọ nien owẹ ua ye aga ne pọrhọ ọwua, wa ni rri emiowo oteghe ẹkhuia kevbe oteghe ohuan.

Malakai 1:14

Emwi ọ gha rruan ne ọ mu ọmwa ru, ne ọ ye aranmwẹ nọ ma maa zọ ese ghe mwẹ, vbe aranmwẹ esiesi ne ọ yan rẹn wẹ rẹn gha mu gunmwẹ rre uwu oghẹn ọnrẹn! Rhunmwuda, ọba nọkhua ọre imẹ, khin, te emwa ni rre uhunmwu ẹvbo hia mu ohan mwẹ.”

Matiu 22:4

Ọ keghi vbe gie eguọmwadia ọvbehe ya khama iran wẹẹ, ‘A le evbare nẹ, avbe ẹmila abẹgbe ne a ware, ọre a ya le ẹe, a wa mwamwa emwi hia ye otọ nẹ. Wa gha dee do rri evbare irhiọha’,

Iyẹn ne ọ Maan Ọghe Luk 15:23

Wa mu ẹmila abẹgbe nii, wa gbe ẹe ne ima ya dugie ọyẹnmwẹ.

Iyẹn ne ọ Maan Ọghe Luk 15:27

Ọkpọmwa ni tama rẹn wẹẹ, ‘Ọtuẹn werriegbe rre, ọre erha a na gbe ẹmila abẹgbe rhunmwuda ighẹ ọ he ghi miẹn ọẹn, kevbe wẹ, egbe rran rẹn.’

Iyẹn ne ọ Maan Ọghe Luk 15:30

Sokpan ovbi uẹ na ne ọ ya duẹ igho ẹre ua ne avbe ebabotu ghi rre nian, u gbe ẹmila abẹgbe nẹẹn!’

I Samuẹl 28:24

Okhuo nii na zẹgiẹgiẹ gbe ovbi ẹmila ne ọ ghaa bẹẹ, ọ keghi viọ irhuarhua, ọ keghi gbe ẹmila nii, ọ na le ebrẹd ne a ma rhie eyist yi.