Gẹnẹsis 18:6 - Edo Bible (E Baibol Ẹdo) Version 1996

⁶ Ebraham keghi rhulẹ la uwe owa ukpọn, ọ keghi tama Sera wẹẹ, “Mu ẹkpo ọghe irhuarhua ruẹ ne ọ maa sẹ, dọlọe yi ne u ya le ebrẹd.”

Gẹnẹsis 18:6 ပူးပေါင်းရင်းမြစ်များ

Gẹnẹsis 18:5

I gha mu evbare eso rre. Ọna gha rhie ẹtin ne uwa ya deyan okhian uwa. Owa mwẹ ọre uwa rre, mẹ vbe mu egbe ne I ya mu ọghọ ye uwa egbe.” Iran wanniẹn tama rẹn wẹẹ, “Ọ maa, ya ru vbene u khare.”

Gẹnẹsis 18:7

Iyeke ọnii, ọ keghi rhulẹ la erhu emwirri ẹnrẹn, ọ keghi dobọ mu ekhuia ẹmila ne sọguọsọguọ ne ọ vbe mwẹ egbe, ọ keghi mu ne ọguọmwadia ọkpa ne ọ zẹgiẹ mwamwa ẹn.

Gẹnẹsis 19:3

Sokpan rẹn keghi ye gha rhẹrhẹ iran, vbe okiekie, iran na lelẹe gha rrie owa ẹre. E Lọt keghi wẹ ne eguọmwadia ẹre le ebrẹd, ọ na le evbare esiesi ne iran, iran na re.

II Samuẹl 13:6

Amnọn keghi gele ba ru vbene ọ khuọnmwi, ọ na ya lovbiẹ, e Devid ne ọba keghi ya miẹn ọẹn, Amnọn keghi tama rẹn wẹẹ, “Lahọ, gie Tama do fian omwa eka kherhe vbe emwa na, ehe ne I gha na sẹtin gha bẹghe ẹre, ne ọ vbe tobọ ẹre gha rhie nene evbare mẹ.”

Psalm 119:60

Vbe ne ai na rhọ eghẹrẹ ẹgiẹgiẹ ọ re I ya ye iyi ruẹ ru emwi.

Aizaia 32:8

Sokpan ọmwa ne ọ re adazẹ, emwi uyi ọ re ọ ru, ọ ghi vbe rhie egbe ye emwi ne ọ re ẹmwata.

Matiu 13:33

Jesu keghi vbe kpa itan ọvbehe ma iran wẹẹ, “Arriọba ẹrinmwi yevbe eyist ne okhuo ọkpa rhiere, ọ keghi yae gua ọkpan irhuarhua ọkpa rhinrin irhuarhua ni te ghi do hue.”

Iwinna 16:15

A keghi sa amẹ ne ẹn ke ẹe kevbe owa ẹre. Rẹn keghi tama ima wẹẹ, “Deghẹ wa gele ka mwẹ ye ọmwa ne ọ ya Nọyaẹnmwa yi vbe ẹmwata, wa do di owa mwẹ ya.” Rẹn keghi rherhe ima viọ gha khian.

Ebe ne Pọl gbẹẹn gie emwa Rom 12:13

Wa gha ghae ne etẹn uwa ne ẹ i mwẹ emwi vbe uwu emwi ne uwa mwẹ, wa gha sẹ oyaya mu erhunmwuyẹn.

Galatia 5:13

Zẹ vbe ọghe uwa, etẹn mwẹ, te a tie uwa la hin uwu ọviẹn rre, sokpan wa ghẹ gie ẹmwẹ egbe mwẹ I gue na, gha re ne uwa gha mu zẹ asa ne emwi ne egbe uwa guẹe, gha na maghan uwa. Sokpan wa gie aho ẹmwẹ ọmwa gha ya uwa ga egbe.

Hibru 13:2

Wa gha rhie orhunmwuyẹn la owa. Emwa eso rrọọ ni ru vberriọ, iran na viọ, avbe odibo Osa la owa, vbene iran ma na rẹn.

I Pita 4:9

Wa gha khian ẹlẹ tuẹ egbe, vbe ne a i na gui ẹzọ egbe.

Giọgis 6:19

Ọ re Gidiọn na la owa, ọ na ya le oteghe ẹwe, ọ na ye uwan irhuarhua ọkpa le ebrẹd ne a ma rhie eyist yi, Ọ kevbe viọ emiowo ni ye okhuae, ọ na mu uwọnmwẹ ne ọ rrọọ ye uwawa, ọ na viọ bu odibo e Nọyaẹnmwa nii gha die ototọ erhan okan nii, ọ na viọ ne ẹẹn.

I Samuẹl 28:24

Okhuo nii na zẹgiẹgiẹ gbe ovbi ẹmila ne ọ ghaa bẹẹ, ọ keghi viọ irhuarhua, ọ keghi gbe ẹmila nii, ọ na le ebrẹd ne a ma rhie eyist yi.