Gẹnẹsis 18:4 - Edo Bible (E Baibol Ẹdo) Version 1996

⁴ Gunmwẹ wẹ ne iran sa amẹ ya kpe uwa owẹ, wa sẹtin hẹwẹ vbe emwana, vbe ototọ erhan na.

Gẹnẹsis 18:4 ပူးပေါင်းရင်းမြစ်များ

Gẹnẹsis 18:3

“Wa Dọmọ ọ, ugamwẹ uwa ọre I rre ba, lahọ wa ghẹ rhiegberra owa mwẹ vbe na i na yakọ hiehiere. Ọguọmwadia ruẹ ọre I khin.

Gẹnẹsis 19:2

Ọ na kha wẹẹ, “Adazẹ, te I rre do mu ọghọ ye uwa egbe, lahọ wa gha die owa mwẹ, wa sẹtin kpe owẹ ne uwa gbe asọn na mwa. Wa sẹtin rhiọ vbe owiẹ ne uwa gha rrie ehe ne uwa rrie.” Sokpan iran wanniẹn wẹẹ, “Ẹn o, adesẹ ore vbe ihuada ẹvbo na ma ra vbiẹ.”

Gẹnẹsis 24:32

Ẹre okpia nii na la owa, e Leban keghi bannọ ihẹ hin egbe avbe ekẹtẹkẹtẹ rre, ọ keghi viọ irunmwu kevbe evbare ne iran, ọ kevbe sa amẹ gie ọguọmwadia Ebraham kevbe emwa rẹn ya kpe owẹ.

Gẹnẹsis 43:24

Ọguọmwadia nii keghi viọ emwa nii gha die owa e Josẹf, ọ keghi sa amẹ ne iran ya kpe owẹ, Ọ na rhie evbare ne ekẹtẹkẹtẹ iran.

Iyẹn ne ọ Maan Ọghe Luk 7:44

Rẹn keghi mu aro da okhuo nii, ọ tama Saimọn wẹẹ, “U ma miẹn okhuo na? Vbe I la owa ruẹ, u ma sa amẹ mẹ ya kpe owẹ, sokpan rẹn ye ameve ẹre kpe mwẹ owẹ, ọ keghi ya eto ne uhunmwu ẹnrẹn khiẹn rẹn uan.

I Timoti 5:10

A ghi vbe gha so eni ẹnrẹn ẹse ye uyinmwẹ ne ọ maa, okhuo nọ koko ivbi ẹre ẹse, ne ọ miẹn avbe orhunmwuyẹn yi vbe owa ẹre, ne ọ vbe kpe emwa Osanobua owẹ, ne ọ vbe ye iran ni rre uwu ọlọghọmwa obọ, ne ọ vbe rhie egbe ye ne ọ gha winna iwinna ni maa hia.

Giọgis 19:21

Ọ keghi viọ iran gha rrie, ọ keghi rhie evbare ne ekẹtẹkẹtẹ iran. Avbe orhunmwuyẹn nii keghi kpe owẹ iran, iran na re, iran da ẹe.

I Samuẹl 25:41

Abigẹl keghi vbokho uhunmwu rri otọ, ọ wẹẹ, “Ọguọmwadia ẹre, ne ọ mu egbe ne ọ kpe avbe eguọmwadia ẹre owẹ, ọ re imẹ khin.”