Gẹnẹsis 18:32 - Edo Bible (E Baibol Ẹdo) Version 1996

³² Ebraham keghi kha wẹẹ, “Lahọ ghẹ mu ohu Nọyaẹnmwa, I gha ye guan uhukpa na kẹkan. A deghẹ igbe kẹkan ọre a miẹn vbọ vbo?” Rẹn keghi kha wẹẹ, “I i ra fuẹn ọẹn ruan a deghẹ a miẹn igbe vbọ.”

Gẹnẹsis 18:32 ပူးပေါင်းရင်းမြစ်များ

Gẹnẹsis 18:30

Ebraham keghi kha wẹẹ, “Lahọ ghẹ gie ohu muẹn Nọyaẹnmwa, I gha ye guan. A deghẹ ọgban kẹkan nọ vbo?” Rẹn wanniẹn wẹẹ, “I i ra ruẹe a deghẹ I miẹn ọgban vbọ.”

Gẹnẹsis 18:31

Ebraham keghi kha wẹẹ, “Lahọ ghẹ gui ye udinmwẹ ne I ye ya guẹ guan na Nọyaẹnmwa. A deghẹ ugie kẹkan ọre a miẹn vbọ vbo?” Rẹn keghi kha wẹẹ, “I i ra fuẹn ẹvbo nii uan a deghẹ I miẹn ugie vbọ.”

Gẹnẹsis 44:18

E Juda keghi bu e Josẹf gha khian ọ keghi wẹẹ, “Lahọ enọwanrẹn, gun mwẹ fanmwegbua guẹ guan. Ghẹ gunmwẹ gui enọwanrẹn, te uwẹ wa yevbe ọba tobọ ẹre,

Job 33:23

“U gha ghe odibosa gha rrọ ẹre rre, ọkpa vbe uwu odibo arriaisẹn, inu ne ọkhin ne Osanobua mwẹ, iran ni ye emwa iwinna ne ọ khẹke iran rre.

Psalm 86:5

Wẹ maa ne ima, u kevbe ya orukhọ bọ, u vuọn ne aho ne ẹ i beghe ne iran ni na erhunmwu ghe ruẹ.

Ẹksọdọs 32:14

Ẹre Nọyaẹnmwa na fi ekhọe ẹre werriẹ ọ ma ghi gie ẹbe ne ọ te mwamwa khẹ emwa rẹn sunu vbe egbe iran.

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Aizaia 65:8

E Nọyaẹnmwa khare wẹẹ, “A i miẹn ọmwa ne ọ viọ alimo azara ne ọ maa kua, sokpan, te iran ya ẹe ru ayọn. Erriọ vbe nọ, mẹ i ra fuẹn emwa mwẹ hia a, I gha miẹn iran ni ga mwẹ vbọ fan.

Jerimaia 5:1

Wa ne ivbi e Jerusalẹm, wa rhulẹ la idunmwu ẹvbo uwa, wa ghe lẹga. Wa ya aro uwa tobọ uwa miẹn ọẹn, wa gualọ uwu ẹki, wa gha miẹn orhiọnkpa ne ọ ru emwi ẹse ra, ra ne ọ vbe hia ne ọ gha re ne ọ gie Osa mu ẹtin yan? Adeghẹ wa gha miẹn vbọ, e Nọyaẹnmwa gha yabọ Jerusalẹm.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Matiu 7:7

“Nọọn, ọ gha suọ obọ, gualọ, u gha miẹn, sobọ, a gha kie nuẹn.

Ẹfisọs 3:20

Ne irẹn ni ne ọ sẹtin ru gberra vbene ima nọ rẹn, ra vbe ne a mu roro vbe ekhọe, vbe ekpa ẹtin ẹnrẹn ne ọ winna vbe uwu ima.

Giọgis 6:39

Ẹre Gidiọn na vbe tama Osanobua wẹẹ. “Ghẹ gie ohu mwẹ mu ẹẹn, gun mwẹ ye guan uhukpa na kẹkan. Lahọ ye gunmwẹ ye eto ohuan na ghe ẹre ghe uhukpa. Gie eto ohuan nii ka vbene evbu gha na gha rre otọ ni lẹga ẹre hia”