Gẹnẹsis 18:22 - Edo Bible (E Baibol Ẹdo) Version 1996

²² Avbe ikpia eva nii keghi kpao, iran keghi mu aro da Sọdom sokpan Nọyaẹnmwa keghi mudia ke Ebraham.

Gẹnẹsis 18:22 ပူးပေါင်းရင်းမြစ်များ

Gẹnẹsis 18:16

Ẹre emwa nii na kpao, iran na gha rrie ehe ne iran gha ke sẹtin dẹghe Sọdom. Ebraham keghi lele iran ne ọ su iran sẹ odẹ.

Gẹnẹsis 18:17

E Nọyaẹnmwa keghi tae vbe ekhọe ẹre wẹẹ, “I i sẹtin rhie emwi ne I ra ru lẹre ne Ebraham.

Gẹnẹsis 19:1

Ugbẹn vbe avbe odibosa eva nii ghi sẹ Sọdom vbe ẹghẹ ota, e Lọt keghi rre ehe ne ọ tota yi vbe onurho ẹvbo nii, ehe ne emwa na ko. Ugbẹn vbe Lọt ghi wa bẹghe iran, ọ keghi guakpao ya vba iran. Ọ keghi diguẹ mu aro rhuotọ vbe odaro iran.

Gẹnẹsis 19:27

Owiẹ vbe ẹdẹ ghi gbe, Ebraham keghi zẹgiẹ gha rrie ehe ne iran na mudia vbe odaro Nọyaẹnmwa.

Psalm 106:23

Ugbẹn vbe Osanobua khare ighe rẹn ra fuẹn emwa irẹn uan, e Mosis ne ọguọmwadia ẹre ne ọ hannọ zẹ keghi degbe Osanobua odẹ ọ ma gie ohu ẹre fuẹn iran an.

Jerimaia 15:1

Ẹre Nọyaẹnmwa na tama mwẹ wẹẹ, “Ọ gha khọnrẹn ne a miẹn wẹ e Mosis kevbe Samuẹl ọ re ọ mudia vbe emwa na gha rinmwian mwẹ, I i sẹtin tohan emwa na hiehiere. Wẹ ne iran ladian, wẹ ne iran kpao hin odaro mwẹ rre.

Jerimaia 18:20

Ọkhọ ọ re a ya ha osa ọma ra? Sevba, iran tọn uvun ye otọ khẹ mwẹ ne I de yọ. Yerre vbene I bu ruẹ rre hẹ, I na do gha rinmwian ne iran wẹ ne u ghẹ ye ohu ru iran emwi.

Ezikiẹl 22:30

I gualọ ọmwa ne ọ gha sẹtin gbe ekẹn, iran ni gha sẹtin mudia ye ehe ne ekẹn na de, ne ọ gbinna ne ẹvbo nii vbe ohu mwẹ a ra fuẹn ọnrẹn uan sokpan, I ma miẹn ọmwa rhọkpa Rhunmwuda ọnii, I hihiẹ ohu mwẹ yan iran,

Iwinna 7:55

Sokpan Stivin keghi vuọn ne Orhiọn Ne Ọ Huanrẹn, ọ keghi tọn aro mu ghe odukhunmwu, ọ keghi bẹghe uyi Osanobua, kevbe Jesu, vbe ọ mudia ye obọ erha ọmwa Osanobua.

I Timoti 2:1

Ke odaro ehia, I tua unu mu ẹn ta ẹe wẹ, ne a gha rinmwian, ne a gha na erhunmwu, ne a gha vbu vbe obọ ẹre, kevbe ne a gha rhie ekpọnmwẹ ne Osanobua ne emwa hia.