Gẹnẹsis 18:2 - Edo Bible (E Baibol Ẹdo) Version 1996

² ọ ghi tọn aro mu vbe ọwarọkpa, ọ keghi ya dẹghe ikpia eha vbe iran mudia vbe evba. Ọwarọkpa nii vbe ọ ghi wa bẹghe iran, ọ keghi rhulẹ ke onurho owa ukpọn rẹn kpao ya vba iran. Ugbẹn vbe ọ ghi diguẹ mu aro rhuotọ nẹ, ọ wẹẹ,

Gẹnẹsis 18:2 ပူးပေါင်းရင်းမြစ်များ

Gẹnẹsis 17:3

Ebram keghi diguẹ mu aro rhu otọ, ẹre Osanobua na kha wẹẹ,

Gẹnẹsis 18:16

Ẹre emwa nii na kpao, iran na gha rrie ehe ne iran gha ke sẹtin dẹghe Sọdom. Ebraham keghi lele iran ne ọ su iran sẹ odẹ.

Gẹnẹsis 18:22

Avbe ikpia eva nii keghi kpao, iran keghi mu aro da Sọdom sokpan Nọyaẹnmwa keghi mudia ke Ebraham.

Gẹnẹsis 18:3

“Wa Dọmọ ọ, ugamwẹ uwa ọre I rre ba, lahọ wa ghẹ rhiegberra owa mwẹ vbe na i na yakọ hiehiere. Ọguọmwadia ruẹ ọre I khin.

Gẹnẹsis 19:1

Ugbẹn vbe avbe odibosa eva nii ghi sẹ Sọdom vbe ẹghẹ ota, e Lọt keghi rre ehe ne ọ tota yi vbe onurho ẹvbo nii, ehe ne emwa na ko. Ugbẹn vbe Lọt ghi wa bẹghe iran, ọ keghi guakpao ya vba iran. Ọ keghi diguẹ mu aro rhuotọ vbe odaro iran.

Gẹnẹsis 23:12

Sokpan Ebraham keghi gbe uhunmwu kotọ vbe odaro iran.

Gẹnẹsis 23:7

Ebraham keghi kpaegbe, ọ na vbokho uhunmwu rre ne iran.

Gẹnẹsis 24:63

Ọ keghi ladian vbe ẹdogbota ne ọ ya rhie ẹhoho vbe ore, ọ na miẹn avbe ekẹtẹkẹtẹ vbe iran dee.

Gẹnẹsis 32:24

Ọ keghi kẹ irẹn ọkpa vbe odieke. Orhiọnkpa keghi do guẹe vẹn ẹdẹ te do gbe.

Gẹnẹsis 42:6

Zẹvbe enọkhaemwisẹ yan Igipt, e Josẹf ghi rre, iran keghi viọ ẹko rhu otọ vbe odaro ẹre.

Gẹnẹsis 43:26

Ugbẹn vbe Josẹf ghi sẹ owa, iran keghi viọ emwi ihaoko nii bu ẹre la owa, iran keghi mu ẹko rhu otọ nẹẹn.

Gẹnẹsis 43:28

Iran wanniẹn wẹẹ, “Erhamwa ne Ọguọmwadia ruẹ ne ọ mu egbe rriotọ, wa ye rre agbọn, egbe rran rẹn.” Iran keghi diguẹ ya uhunmwu rhanmwẹ otọ nẹẹn.

Gẹnẹsis 44:14

Ugbẹn vbe Juda kevbe etiọnrẹn ghi sẹ owa e Josẹf, te ọ he ye rre evba. Iran keghi vbẹrre nẹ.

Gẹnẹsis 48:12

Ẹre Josẹf na tọn iran mu hin ekuawẹ e Jekọb rre, ọ na mu ẹko rhu otọ vbe odaro ẹre.

II Ọba 2:15

Avbe akhasẹ ekigbesiyeha ni ke Jẹriko rre keghi dẹghe ẹre, iran wẹẹ, “Ẹtin ọghe Elaija rhuẹ yan Elaisia nẹ.” Iran keghi bu ẹre gha khian, iran na vbokho egbe rriotọ ne ẹẹn,

Ebe ne Pọl gbẹẹn gie emwa Rom 12:13

Wa gha ghae ne etẹn uwa ne ẹ i mwẹ emwi vbe uwu emwi ne uwa mwẹ, wa gha sẹ oyaya mu erhunmwuyẹn.

Hibru 13:2

Wa gha rhie orhunmwuyẹn la owa. Emwa eso rrọọ ni ru vberriọ, iran na viọ, avbe odibo Osa la owa, vbene iran ma na rẹn.

Jọsua 5:13

E Jọsua ghi rre ọkpẹn Jẹriko, vbe udomwurri, ọ keghi bẹghe okpia ọkpa ne ọ mu umozo mwẹ vbe ọ mudia ye odaro irẹn. E Jọsua keghi bu ẹre gha khian, ọ nọ rẹn wẹẹ, “Ọkpa vbe uwu ivbiyokuo ọghe ima ọ re uwẹ khin ra oghian?”

I Pita 4:9

Wa gha khian ẹlẹ tuẹ egbe, vbe ne a i na gui ẹzọ egbe.

Giọgis 13:3

Odibo e Nọyaẹnmwa keghi rhie egbe ma rẹn, ọ wẹẹ, “U ma he biẹ ẹdẹ sokpan, u gha hanmwa nian, u ghi vbe biẹ ọmọ okpia.

Ebe Rut 2:10

E Rut keghi vbokho egbe rriotọ ya uharo kan otọ, ọ keghi tama Boaz Wẹẹ, “Vbe ua na dẹghe mwẹ ya tohan mwẹ vberriọ hẹ, egbe ne I ya re ọrriọvbe?”