Gẹnẹsis 18:15 - Edo Bible (E Baibol Ẹdo) Version 1996

¹⁵ Rhunmwuda ne ohan na mu Sera, ọ keghi siẹn wẹẹ, “I ma giẹ,” rẹn wanniẹn tama rẹn wẹẹ, “U giẹe vbe ne ẹmwata, u giẹe.”

Gẹnẹsis 18:15 ပူးပေါင်းရင်းမြစ်များ

Gẹnẹsis 12:13

Tama iran ighẹ ọtẹn mwẹ nokhuo ọre u khin, ẹghẹ nii, iran ghi rhunmwuda ruẹ sẹ mwẹ rae ye agbọn, iran ghi gha ya obọ esi mu mwẹ.”

Gẹnẹsis 18:14

Emwi ọkpa rrọ ne ọ lọghọ ne Nọyaẹnmwa ra? Vbe ẹghẹ ne ọ ke yi, vbe uki ihinrin ne ọ dee, I gha dọlegbe bu ruẹ rre, e Sera gha biẹ ọmọ okpia.”

Gẹnẹsis 18:16

Ẹre emwa nii na kpao, iran na gha rrie ehe ne iran gha ke sẹtin dẹghe Sọdom. Ebraham keghi lele iran ne ọ su iran sẹ odẹ.

Gẹnẹsis 4:9

Nọyaẹnmwa ke nọ e Keni wẹẹ, “Ọtuẹn nokpia ighẹ Ebẹl vbo?” Rẹn ke wanniẹn wẹẹ, “I ma rẹn. Mẹ ọre a wẹ ne ọ gha gbearoghe ọtẹn mwẹ ra?”

Job 2:10

E Job keghi wanniẹn wẹẹ, “Ẹmwẹ oya ọ re ọ ke unu ẹn ladian. Osanobua gha rhie emwi ne ọ maa giẹ ọmwa, ma ghi ye oghọghọ miẹn ẹnrẹn. Vbọzẹ ne a gha na gha gui ẹzọ uwunu a deghẹ ọ giẹ ọlọghọmwa rre?” Vbene ọlọghọmwa na wegbe sẹ, e Job ma fi unu giẹ Osanobua. Avbe Ihua E Job Rre

Psalm 44:21

wẹ gha wa gualọ ẹe miẹn nẹ, rhunmwuda, wẹ rẹn iro ẹkhokho ekhọe mwa.

Psalm 44:22

Sokpan, rhunmwuda ruẹ, ọ re ima na khian ne a ghi gbele ua vbe ẹghẹ hia ne a na ru ima zẹvbe ohuan ne a ra gbele ua.

Itan 12:19

Ohoghe i tọ, sokpan, etẹbitẹ ọ re ẹmwata khin.

Itan 28:13

U gha gbe gue orukhọ ruẹ, agbọn i maa ruẹn ẹdẹ, miẹn iran kue ne u vbe zobọ vbọ, Osanobua gha tohan ruẹn.

Iyẹn ne ọ Maan Ọghe Mak 2:8

Jesu wa rẹn vbe ọwarọkpa emwi ne ọ rre iran ekhọe, ọ keghi tama iran wẹẹ, “Vbọzẹ ne uwa na zẹ iro vberriọ yi?

Iyẹn ne ọ Maan Ọghe Jọn 18:17

Ọvbokhan ne ọ rre onurho nii keghi khama Pita wẹẹ, “Ẹ i re ọkpa vbe uwu avbe erhuanegbe okpia na wẹ khin?” Pita wanniẹn wẹẹ, “Hiehie, I i re ọre.”

Iyẹn ne ọ Maan Ọghe Jọn 2:25

Ẹ i re ne ọmwa vbe gha ta otọ vbene emwa ye hẹ ma rẹn rhunmwuda, rẹn rẹn emwi ne ọ rre dọmwadẹ ọghọe ekhọe ẹsẹse.

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.

Ẹfisọs 4:23

Ọ kere ne orhiọn kevbe ekhọe uwa wa khian ọghẹ ọgbọn fẹẹrẹ.

Kọlose 3:9

Wa ghẹ gha ta ohoghe ma egbe, rhunmwuda, wa ban egbe nẹdẹ mu fua nẹ, ke ẹe kevbe uyinmwẹ ọnrẹn.

I Jọn 1:8

Deghẹ ma khare ighẹ ma i mwẹ orukhọ, te ima rẹrẹ egbe mwa, ẹmwata i vbe rre uwu ima.