Gẹnẹsis 18:14 - Edo Bible (E Baibol Ẹdo) Version 1996

¹⁴ Emwi ọkpa rrọ ne ọ lọghọ ne Nọyaẹnmwa ra? Vbe ẹghẹ ne ọ ke yi, vbe uki ihinrin ne ọ dee, I gha dọlegbe bu ruẹ rre, e Sera gha biẹ ọmọ okpia.”

Gẹnẹsis 18:14 ပူးပေါင်းရင်းမြစ်များ

Gẹnẹsis 17:16

I gha fiangbẹe, I gha giẹe biẹ ọmọ okpia nuẹn. I gha fiangbẹe, rẹn gha khian iye okpẹvbo nibun. A gha vbe miẹn avbe ọba vbe uniẹn ọnrẹn.”

Gẹnẹsis 18:10

Ọkpa vbe uwe iran keghi wẹẹ, “I tama ruẹn nian, vbe uki ihinrin ne ọ dee mẹ gha dọlegbe rre, e Sera ne amwẹ ọn gha biẹ ọmọ okpia.” Sera kegha danmwehọ vbe odieke iran vbe onurho owa ukpọn.

Gẹnẹsis 18:13

Ẹghẹ nii ọre Nọyaẹnmwa na nọ Ebraham wẹẹ, “Vbọzẹ ne Sera na giẹ yi, ne ọ na kha wẹẹ, ‘Mẹ gha ye sẹtin biẹ vbe I khian ọmaẹn nẹ ra?’

Gẹnẹsis 18:15

Rhunmwuda ne ohan na mu Sera, ọ keghi siẹn wẹẹ, “I ma giẹ,” rẹn wanniẹn tama rẹn wẹẹ, “U giẹe vbe ne ẹmwata, u giẹe.”

Gẹnẹsis 21:1

E Nọyaẹnmwa keghi fiangbe Sera zẹ vbene ọ khare.

Gẹnẹsis 21:2

Rẹn keghi do hanmwa, ọ na biẹ ọmọ okpia ne Ebraham vbe ọ khian ọmaẹn nẹ. A keghi biẹ ọmọ nii vbe ẹghẹ ne Osanobua khare wẹẹ a gha ya biọe.

II Ọba 4:16

Elaisia na tama okhuo nii wẹẹ, “Vbe ẹghẹ na ukpo ne ọ dee, u gha mu ọmọ okpia mwẹ obọ.” Okhuo nii keghi datu wẹẹ, “A a, ghẹ ta ohoghe ma mwẹ, ọmwa Osanobua ọre u khin!”

Job 36:5

“U miẹn vbe Osanobua wegbe hẹ! Ẹ i ye aro gbe ọmwa rhọkpa re. Emwi ọkpa ne ọ ma rẹn otọ ẹre, ẹ i rrọ.

Job 42:2

“Nọyaẹnmwa mẹ rẹnrẹn wẹ u mwẹ ẹtin hia, u vbe sẹtin ru emwikemwi ne u ho.

Psalm 90:13

Vbe ohu ruẹ ghi ra kpee sẹ hẹ vbe otọ yi? Nọyaẹnmwa, tohan avbe eguọmwadia ruẹ.

Psalm 93:1

E Nọyaẹnmwa ọrọre ọba, a ya uyi ne ọ rre egbe ọba kevbe ẹtin yọ re ẹwu. A mu agbọn uhe sẹ otọ nẹ gbangbaangban ai ghi vbe sẹtin fi ẹe werriẹ.

Psalm 95:3

Rhunmwuda, Nọyaẹnmwa. Osanobua nọkpọlọ ọre nọ, kevbe ọba ne ọ kpọlọ sẹ ẹbọ hia.

Aizaia 50:2

“Vbọzẹ ne avbe emwa mwẹ ma na zẹ yọ yi vbe I yo ya miẹn iran fan? Vbọzẹ ne iran ma na khuẹnniẹn vbe I tie iran? Mẹ ma wegbe sẹ ne ọ gha miẹn iran fan ra? Mẹ gha sẹtin ye ẹmwẹ unu mwẹ si okun ka I ghi Vbe ye avbe ẹzẹ khian ato sẹrriọ wẹ avbe ehẹn ni rrọọ ghi wulo rhunmwuda iran ma miẹn amẹ.

Jerimaia 32:17

“E Nọyaẹnmwa ne Udazi, wẹ ọ re ọ yii otọ kevbe iso vbekpa ẹtin kevbe iwegbe ruẹ nọkhua, emwiọkpa ne ọ wegbe gbe ne uwẹ, ẹ i rrọọ.

Jerimaia 32:27

“Mẹ ọrọre Nọyaẹnmwa, ne ọ re Osanobua emwa nagbọn hia. Emwi okpa i rrọọ ne ọ wegbe gbe ne imẹ.

Daniẹl 6:20

Ọ ghi sẹ evba nii, ọ keghi ye udu ne ọ ha ọka da tu wẹẹ, “E Daniẹl ọguọmwadia Osanobua ne ọ rrọọ. Osanobua nii ne u ya ekhọe hia gha sẹtin miẹn ruẹn fan vbe obọ avbe oduma ra?”

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Zẹkaraia 8:6

“Ọna sẹtin yevbe emwi ne ẹ i gia ru vbe aro emwa ni rre ẹvbo ni gha dekẹe na, sokpan, ẹ i re emwi ne ẹ i gia ru vbe obọ mwẹ.

Nọmbas 11:23

E Nọyaẹnmwa keghi wanniẹn, “A miẹn emwi ne ime isẹtin ru ra? U gha miẹn wan a deghẹ ẹmwẹ ni tae gha sunu ra ẹ i ra sunu.”

Matiu 14:31

Vbe ọwarọkpa nii, Jesu keghi si ẹre obọ, ọ tama rẹn wẹẹ, “Iyayi ruẹ kanmwa gbe, vbọzẹ ne u na ziro eva?”

Matiu 19:26

Jesu keghi ghe iran, ọ wẹẹ, “Emwi ne ẹ i gia ru ọre ọna khin ne emwa ne agbọn sokpan a i miẹn emwi ne ẹ i gie Osanobua ru.”

Matiu 3:9

Wa ghẹ gha roro ighe uwa gha sẹtin mu Ebraham zasa ne uwa muẹn gba ye ukpẹ gha tie, ‘Ivbi Ebraham ma khin.’ Ne I tama uwa wẹ Osanobua gha sẹtin viọ vbe avbe okuta na ya ru uniẹn ne Ebraham.

Iyẹn ne ọ Maan Ọghe Mak 10:27

Jesu keghi ghe iran, ọ wanniẹn wẹẹ, “Emwi ne ẹ i gie a ru nọ ne emwa ne agbọn ighe ẹ i re Osanobua, a i miẹn emwi ne ẹ i gie Osanobua ru.”

Iyẹn ne ọ Maan Ọghe Luk 1:13

Sokpan odibosa nii tama rẹn wẹẹ, “Ghẹ gie ohan mu ẹn Zẹkaraia, Osanobua họn erhunmwu ruẹn nẹ, Elizabẹt ne amwẹ ọẹn gha biẹ ọmọ okpia nuẹn. U ghi he ẹre Jọn.

Iyẹn ne ọ Maan Ọghe Luk 1:18

Zẹkaraia keghi khama odibosa ni wẹẹ, “Vbe i a gha ya rẹn hẹ ighẹ ẹmwata ọ na khin? I khian ọmaẹn nẹ, ọvbokhan mwẹ vbe khian ọmaẹn.”

Iyẹn ne ọ Maan Ọghe Luk 1:37

Rhunmwuda emwi ọkpa i rrọọ ne ẹ i gie Osanobua ru.”

Iyẹn ne ọ Maan Ọghe Luk 8:50

Sokpan Jesu ghi họn, ọ tama Jairọs wẹẹ, “Ghẹ fian afianma, sokpan yayi, egbe gha rran rẹn.”

Ebe ne Pọl gbẹẹn gie emwa Rom 4:21

Rhunmwuda ekhọe ẹre wa muẹn gbangbaangban wẹ Osanobua gha sẹtin ru vbe ne ọ yan rẹn.

Ẹfisọs 3:20

Ne irẹn ni ne ọ sẹtin ru gberra vbene ima nọ rẹn, ra vbe ne a mu roro vbe ekhọe, vbe ekpa ẹtin ẹnrẹn ne ọ winna vbe uwu ima.

Diuteronomi 30:3

Ẹghẹ nii, e Nọyaẹnmwa Osanobua rua gha tohan uwa. Ọ ghi viọ uwa werriegbe ke ẹvbo ne ọ zagha uwa yi gha dee, ọ ghi dọlegbe gie agbọn ma uwa.

Diuteronomi 7:21

Ghẹ gie ohan emwa na mu ẹẹn. E Nọyaẹnmwa Osanobua rua rrọọ ya ba uwa. Osanobua nọkhua ne ọ kere ne a gha mu ohan rẹn nọ.

Filipai 3:21

Rẹn ghi fi egbe ne mitan mitan ne ọ sẹtin wu ọghomwa na werriẹ, ọ ghi yae khian vbene egbe uyi ọghe irẹn ye, vbe ekpa ẹtin nii ne irẹn ya sẹtin viọ emwi hia ye ototọ asẹ ọghọe.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

Hibru 11:19

Te Ebraham wa rhie aro yọ wẹ, Osanobua gha sẹtin dọlegbe huẹn Aizik kpaegbe vbe idin, a sẹtin kha khekherriọ wẹ, a gele rhie Aizik ke idin werriegbe gie Ebraham.

Giọgis 13:3

Odibo e Nọyaẹnmwa keghi rhie egbe ma rẹn, ọ wẹẹ, “U ma he biẹ ẹdẹ sokpan, u gha hanmwa nian, u ghi vbe biẹ ọmọ okpia.

I Samuẹl 14:6

E Jonatan keghi khama igbama nii wẹẹ, “Gie ima fian ẹẹn rra gha rrie agọ avbe Filistin ne enigẹbọ na. Ọ gha kẹe, e Nọyaẹnmwa gha yi ma obọ, ọ gha ru vberriọ, emwi ọkpa ne ọ gha wẹ ne ima ghẹ khọnmiotọ i rrọ, vbe ne ọ khọnrẹn wẹ ne ima ru ibozẹghẹ sẹ.”