Gẹnẹsis 18:13 - Edo Bible (E Baibol Ẹdo) Version 1996

¹³ Ẹghẹ nii ọre Nọyaẹnmwa na nọ Ebraham wẹẹ, “Vbọzẹ ne Sera na giẹ yi, ne ọ na kha wẹẹ, ‘Mẹ gha ye sẹtin biẹ vbe I khian ọmaẹn nẹ ra?’

Gẹnẹsis 18:13 ပူးပေါင်းရင်းမြစ်များ

Gẹnẹsis 18:12

Rhunmwuda ọnii, e Sera keghi hẹko gha giẹ, ọ wẹẹ, “Eban I khian ọmaẹn gbe ne ọ ghi biẹ, ẹghẹ na ọre I gha na ye gha miẹn okpia ra? Yevbe sẹ ọnii, ọdafẹn mwẹ khian ọmaẹn nẹ.”

Gẹnẹsis 18:14

Emwi ọkpa rrọ ne ọ lọghọ ne Nọyaẹnmwa ra? Vbe ẹghẹ ne ọ ke yi, vbe uki ihinrin ne ọ dee, I gha dọlegbe bu ruẹ rre, e Sera gha biẹ ọmọ okpia.”

Gẹnẹsis 21:6

Sera keghi kha wẹ, “Osanobua rhie oghọghọ mẹ, ọ vbe zẹ mwẹ ogiẹ. Ọmwaikọmwa ne ọ họẹn gha gunmwẹ gie.”

Gẹnẹsis 21:7

Ọ keghi rhie tẹe wẹẹ, “De ọmwa ne ọ gha te sẹtin tae ma Ebraham ighe Sera gha koko emọ, sevba ghe vbe I biẹ ọmọ okpia nẹẹn vbe I khian ọmaẹn nẹ.”

Iyẹn ne ọ Maan Ọghe Jọn 2:25

Ẹ i re ne ọmwa vbe gha ta otọ vbene emwa ye hẹ ma rẹn rhunmwuda, rẹn rẹn emwi ne ọ rre dọmwadẹ ọghọe ekhọe ẹsẹse.