Gẹnẹsis 17:8 - Edo Bible (E Baibol Ẹdo) Version 1996

⁸ I gha mu otọe ne uwẹ ye na zẹ vbe orhunmwuyẹn ne uwẹ vbe uniẹn ruẹn. Otọe Kenan hia ghi gha re ọwuẹ ẹdẹdẹmwẹdẹ, mẹ ghi vbe gha re Osanobua iran.”

Gẹnẹsis 17:8 ပူးပေါင်းရင်းမြစ်များ

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 13:15

I gha mu otọe ne u bẹghe hia ne uwẹ vbe uniẹn ruẹn, ọ ghi vbe gha re ọwuẹ ẹdẹdẹmwẹdẹ.

Gẹnẹsis 13:17

Wanwanna nian, mu egbe ne u khian la otọe nii ga a, rhunmwuda, te I ra mu ehia nuẹn.”

Gẹnẹsis 23:4

“Orhunmwuyẹn ọre I khin mwa na, wa khiẹn ewe uwa eso mẹ, ne I miẹn ehe re ọvbokhan mwẹ yi.”

Gẹnẹsis 26:24

Vbe Asọn nii e Nọyaẹnmwa keghi rhiegbe ma rẹn, ọ wẹẹ, “Mẹ ọrọre Osanobua Ebraham ne erha a. Ghẹ gie ohan muẹn, I rrọọ yaba ruẹ I gha fiangbuẹ, I gha vbe viọ ivbi uniẹn nibun nuẹn rhunmwuda Ebraham ne ọguọmwadia mwẹ.”

Gẹnẹsis 28:4

Te ọ gha fiangbuẹ kevbe uniẹn ruẹn zẹ vbene ọ fiangbe Ebraham. Te otọe na gha khian ọwuẹ, ehe ne u ye na, ne Osanobua ya ne Ebraham!”

Gẹnẹsis 35:27

E Jekọb keghi bu Aizik ne erha ẹe gha die Mamrẹ ne ọ rre ọkpẹn Hibrọn ehe ne Ebraham kevbe Aizik ka yin.

Gẹnẹsis 36:7

Emwi ne ọ yae kpao ọrọre wẹ, otọ ne irẹn vbe Jekọb ye, ma ghi sẹ iran lo, ẹmila ne iran mwẹ keghi bun gbe, ihe ọkpa ma ghi gua iran.

Gẹnẹsis 37:1

E Jekọb keghi ye gha rre otọe Kenan eke ne erha ẹe vbe gha ye.

Gẹnẹsis 48:4

Ọ keghi tama mwẹ wẹẹ, ‘I viọ emọ nibun nuẹn sẹrriọ wẹ ivbuẹ gha khian okpẹvbo nibun, I gha mu otọe na ne uniẹn ivbuẹ ne ọ gha re ọghe iran ẹdẹdẹmwẹdẹ.’

II Samuẹl 23:5

Erriọ ọ re Osanobua ra fiangbe uniẹn mwẹ, rhunmwuda, ọ gu imẹ ta ile ẹdẹdẹmwẹdẹ nẹ, vbene ehia na la uro, ọ vbe deziẹn. Ọnii ọ re emwi ne I ho. Ọnii ọ re ọ khian gha re akhọnmiotọ mwẹ, ẹ i mwẹ Nọyaẹnmwa ma gie ẹe sẹ.

I Krọnikol 16:18

“I gha mu otọ Kenan nuẹn ọwuẹ ra gha nọ.” Erriọ ọ re ọ tae.

Psalm 103:17

Sokpan, zẹ vbe ọghe iran ni ho ẹmwẹ Nọyaẹnmwa, aho ẹmwẹ ọmwa rẹn rrọ ẹdẹdẹmwẹdẹ, umamwẹ ọnrẹn vbe sun khian la orre hia fẹẹrẹ.

Psalm 105:11

“I gha mu otọe Kenan nuẹn ọ ghi gha re ọwuẹ.” Erriọ ọre ọ khare.

Psalm 105:9

Ọ gha mu ile ne irẹn vbe Ebraham gba ta sẹ, kevbe eyan ne irẹn yan ma Aizik.

Ẹksọdọs 13:11

“E Nọyaẹnmwa gha viọ uwa sẹ otọ avbe emwa Kenan zẹ vbe ne ọ yan ma uwa kevbe avbe erha uwa odede. Ọ gha ghi rhie ẹre ne uwa nẹ,

Ẹksọdọs 21:6

ẹghẹ nii, arowa ẹre ghi rhie ẹre bu Osanobua gha dee, ọ ghi rhie ẹre gha die onurho ra ọkpẹn ẹkhu, ọ ghi ha ẹre ehọ. Rẹn ghi do gha re ọviẹn ọ te ya wu.

Ẹksọdọs 29:45

I gha rre uwu ẹbu ivbi Izrẹl, I ghi gha re Osanobua iran.

Ẹksọdọs 32:13

Ye avbe eguọmwadia ruẹ; rre, avbe Ebraham, Aizik kevbe Jekọb kevbe vbene u yan ma iran vbe eni ruẹn, ne u na khama iran wẹẹ, ‘I gha viọ emọ uniẹn ivbi uẹ ni yevbe orhọnmwẹ nii rre iso nuẹn. Otọe ne I ve na, I gha vbe muẹn ne avbe ivbi uẹ, ọ ghi gha re ọghe iran ẹdẹdẹmwẹdẹ.’ ”

Ẹksọdọs 40:15

U ghi nọnọ ori ye iran uhunmwu, zẹ vbene u vbe ya nọnọ ori ye erha iran uhunmwu nii iran gha ga mwẹ zẹ vbe ohẹn Odẹ vberriọ iran gha re ohẹn rhinrin vbe ẹghẹ ne ọ dee.”

Ẹksọdọs 6:4

I vbe gu iran ta ile vbe ne I na yan wẹẹ, I gha mu otọ Kenan ne iran, otọe ne iran gha ye, zẹ vbe orhunmwuyẹn.

Ẹksọdọs 6:7

I gha ya uwa ru emwa mwẹ, mẹ ghi gha re Osanobua uwa. Wa gha vbe rẹn ighẹ mẹ ọre Nọyaẹnmwa ne Osanobua rua vbe I gha fannọ uwa ye otọ hin ọviẹn ọmwa rre vbe Igipt.

Jerimaia 25:5

Iran tama uwa ne uwa fiwerriẹ hin uyinmwẹ dan ne uwa yin rre, kevbe avbe emwi dan ne uwa ru, ne uwa miẹn ehe na gha yin ẹnrẹn khian ighẹ otọe nii ne Nọyaẹnmwa mu ne uwa kevbe avbe erha uwa odede ne ogha re ọghe uwa ẹdẹdẹmwẹdẹ.

Jerimaia 31:1

E Nọyaẹnmwa khare wẹẹ, “Ẹghẹ dee ne I gha na gha re Osanobua ẹwae ne ọ rre Izrẹl hia, iran ghi vbe gha re emwa mwẹ.

Ezikiẹl 11:20

Ẹghẹ nii, iran gha rhie uhi mwẹ mwẹ, iran ghi vbe ya iyi mwẹ hia ru emwi vbe ẹko ata. Iran ghi gha re emwa mwẹ, mẹ ghi vbe gha re Osanobua iran.

Ezikiẹl 33:24

“Ovbi ọmwa, avbe emwa ni rre ẹvbo ne a rẹnkhẹn uan vbe Izrẹl gha tae khian wẹẹ, ‘Orhiọnkpa kẹkan ọ re Ebraham gha khin a keghi wa mu otọe nii hia ne ẹẹn, ma wa bun, rhunmwuda ọnii, ma ọ ghi yan otọe nii.’

Levitikọs 14:34

“Wa gha sẹ otọ Kenan ne I ra mu ne uwa ne ọ gha re ọghe uwa, I gha si irhunrhun ne ọ vẹ ye uwa owa.” Ẹre Nọyaẹnmwa ghi na ru emwamwa na ne iran.

Levitikọs 16:34

Emwamwa na, te a ra gha ru ẹe khian ẹdẹdẹmwẹdẹ. A ghi gha ru iruemwi na uhukpa vbe ukpo ne a ya gha kpe ivbi Izrẹl huan hin orukhọ rre. E Mosis keghi ru vbene Nọyaẹnmwa khare.

Levitikọs 26:12

“Mẹ gha re Osanobua uwa, wa ghi vbe gha re emwa mwẹ.

Zẹkaraia 8:8

I ghi vbe viọ iran ke odẹ ahọ kevbe orrie rre ne iran do gha rre Jerusalẹm. Iran ghi gha re emwa mwẹ mẹ ghi vbe gha re Osanobua iran. I ghi gha khaemwisẹ yan iran vbe ọghọ kevbe ute.

Nọmbas 10:29

E Mosis keghi tama Hobab ne ovbi Jetro ne orruan rẹn ne ovbi Midian wẹẹ, “Te ima ghi ra kpao gha rrie ehe ne Nọyaẹnmwa khare ighẹ rẹn gha mu ne ima. Ọ yan mẹ wẹ rẹn gha ya Izrẹl khian ne ọ fee, lele ima gha dee, ma gha ghae ne uẹn vbe ẹfe ima.”

Nọmbas 25:13

A rhie irẹn kevbe uniẹn ivbi ẹre ye ukpo ohẹn rhinrin ẹdẹdẹmwẹdẹ, rhunmwuda ọ ma ho ne a miẹn emwi ne ọ vbe gun mwẹ suan, ọ keghi gia ya orukhọ emwa nii bọ iran.”

Nọmbas 27:12

E Nọyaẹnmwa keghi tama e Mosis wẹẹ, “Hin uhunmwu Oke Abarim ne u tọn aro mu ghe otọe ne I mu ne ivbi Izrẹl.

Iwinna 7:5

Vbe ẹghẹ ne a kha na, Osanobua ma mu otọ rhọkpa ne Ebraham, a gha rhe wẹ okhiokhi kherhe nọ, wẹ ne ọ gha tie ẹre ọghọe. Sokpan Osanobua ye tama rẹn wẹ, rẹn gha mu otọe ni hia nẹẹn kevbe wẹ ọ gha khian ọghọe kevbe ọghe ivbi ẹre vbe iyeke irẹn. Ẹghẹ ne Osanobua na yan eyan na, Ebraham i he mwẹ ọmọ rhọkpa.

Diuteronomi 14:2

Ọghe Nọyaẹnmwa Osanobua rua ore uwa khin, rhunmwuda te ọ hannọ uwa zẹ vbe uwu ẹbu emwa ni rre otọ agbọn hia ne uwa gha re ọghe irẹn.

Diuteronomi 26:18

Ẹdẹ ne ẹrẹna nian, e Nọyaẹnmwa vbe rhan obọ miẹn uwa zẹ vbe emwa irẹn, zẹ vbene ọ yan ma uwa, ọ na tama uwa ne uwa gha ya uhi irẹn hia ru emwi.

Diuteronomi 29:13

Ne Nọyaẹnmwa miẹn ehe na viọ uwa ya ru emwa rẹn nian, ne irẹn vbe gha re Osanobua uwa zẹ vbene ọ yan ma avbe erha uwa odede ighẹ Ebraham, Aizik kevbe Jekọb.

Diuteronomi 32:49

“Gha rrie Oke ọghe Abarim ne ọ rre otọ Moab vbe ehe ne ọ mu aro da Jẹriko. Mu Oke Nebo hin ne u ghe otọe Kenan ne I ra mu ne ivbi Izrẹl ban.

Diuteronomi 32:8

Nọyosẹ ọ re ọ ghae otọe sẹ ẹvbo obọ, rẹn ọ re ọ ta ehe ne emwa gha yin, ọ ghae otọ edọmwadẹ ẹvbo ne ẹẹn.

Diuteronomi 34:4

Ẹre Nọyaẹnmwa na tama e Mosis wẹẹ, “Otọe ne I ve Ebraham, Aizik kevbe Jekọb re wẹ I gha mu ne ivbi iran ena khin. I rhie ẹre ma ruẹn sokpan, mẹ i ra kue ne u gha rrie evba.”

Diuteronomi 4:37

Rhunmwuda ighẹ ọ ho ẹmwẹ avbe erha uwa odede, ọ keghi hannọ avbe ivbi iran zẹ, ọ keghi tobọ ẹre ye ẹtin ẹnrẹn nọkhua viọ uwa ke Igipt ladian.

Diuteronomi 9:5

Ẹ i re rhunmwuda ighẹ wa maa, ra te uwa ru emwi ne ọ kere ne ọ ra na gie uwa mu otọe iran. Ọ gha khulo iran ladian rhunmwuda, emwa dan iran khin, kevbe wẹ rẹn gha ho ne ọ mu ile ne ọ gu avbe erha uwa odede Ebraham, Aizik kevbe Jekọb ta sẹ.

Hibru 9:15

Rhunmwuda ọnii, ọre a na miẹn wẹ, Kristi ọre ọ mwamwa ile ọghọgbọn, ne afiangbe etẹbitẹ ne Osanobua ve, miẹn ehe na sẹ iran obọ ighẹ avbe emwa ne Osanobua tie re. Te ọna ghi gia ru nian, rhunmwuda, ọmwa ọkpa wu, ne ọ fannọ emwa hin orukhọ ne iran ru ẹghẹ ne iran na gha rre ototọ ile ne okaro rre.

Jọsua 1:2

“E Mosis ne ọguọmwadia mwẹ wu nẹ. Mu egbe nian, wẹ kevbe Izrẹl hia, wa fian Jọdan rra ne uwa gha rrie otọ ne I ra mu ne uwa.

Arhie Maan 21:7

Ọmwa ne ọ rhirhi khọn miotọ, emwi ne I gha rhie nẹẹn ọre ọ na khin. Mẹ gha re Osanobua ẹre, rẹn ghi vbe gha re ovbi mwẹ.