Gẹnẹsis 17:7 - Edo Bible (E Baibol Ẹdo) Version 1996

⁷ “I gha mu eyan mwẹ sẹ ne uwẹ kevbe avbe ivbi uniẹn ruẹn vbe orre ne ọ dee zẹ vbe ile itẹbitẹ. Mẹ gha re Osanobua ruẹ kevbe Osanobua ọghe uniẹn ruẹn.

Gẹnẹsis 17:7 ပူးပေါင်းရင်းမြစ်များ

Gẹnẹsis 15:18

Ẹdẹ nẹdẹrriọ, Nọyaẹnmwa keghi gu Ebram ta ile wẹẹ, “I yanrẹn ighẹ I gha mu otọ na hia ne uniẹn ruẹn, ke ẹzẹ ne ọ rre ehe ne Igipt lae ya sẹ Yufretes ne okpẹzẹ.

Gẹnẹsis 17:13

Te a gha rhuẹ dọmwadẹ ọghọe, ọna ghi gha re ama vbe egbe uwa ne ọ rhie ma ile ne I gu uwa ta, ọghe ẹdẹdẹmwẹdẹ nọ.

Gẹnẹsis 17:19

Sokpan Osanobua tama rẹn wẹẹ, “U baeku, Sera ne amwẹ ọn gha biẹ ọmọ okpia nuẹn, wẹ ghi he ẹre Aizik. I gha ye ile ne I tae rre vbe ẹghẹ ọre kevbe ọghe uniẹn ọnrẹn, ile etẹbitẹ nọ.

Gẹnẹsis 26:24

Vbe Asọn nii e Nọyaẹnmwa keghi rhiegbe ma rẹn, ọ wẹẹ, “Mẹ ọrọre Osanobua Ebraham ne erha a. Ghẹ gie ohan muẹn, I rrọọ yaba ruẹ I gha fiangbuẹ, I gha vbe viọ ivbi uniẹn nibun nuẹn rhunmwuda Ebraham ne ọguọmwadia mwẹ.”

Gẹnẹsis 28:13

Iyekọni, ọ keghi miẹn vbe Nọyaẹnmwa mudia ke irẹn, ọ wẹẹ, “Mẹ ọrọre Nọyaẹnmwa, Osanobua Ebraham kevbe Aizik. Otọ ne u lovbiẹ yi na, I gha yae nuẹn ke uwẹ kevbe uniẹn ruẹn,

Gẹnẹsis 6:18

sokpan I gha gu uwẹ ta ile. U ghi la okọ ke uwẹ ke avbe amwọn ọn, ivbuẹ nikpia, kevbe amwẹ iran.

Gẹnẹsis 9:16

Ere ghẹ ghi ladian vbe iso, I ghi bẹghe ẹre I ghi ye ile etẹbitẹ ne I gu emwi ni hiọnrọn ni rre agbọn hia ta.

II Samuẹl 7:24

Wẹ ya Izrẹl ne emwa ruẹn khian ọwuẹ nẹ ẹdẹdẹmwẹdẹ, wẹ ne Nọyaẹnmwa keghi vbe khian Osanobua iran.

I Krọnikol 16:14

E Nọyaẹnmwa ọrọre Osanobua mwa, iyi ẹre, ọghe otọ agbọn hia nọ.

Psalm 81:10

Mẹ ọrọre Nọyaẹnmwa ne Osanobua uwa, ne ọ viọ uwa ke otọe Igipt ladian, wa rhan unu uwa, I gha koko uwa.

Ẹksọdọs 3:15

Osanobua keghi dọlegbe gu e Mosis guan, “Ọna ọrọre ẹmwẹ ne u gha tama ivbi Izrẹl, e Nọyaẹnmwa, Osanobua avbe erha uwa odede, Osanobua ọghe Ebraham, Osanobua Aizik kevbe Osanobua ọghe Jekọb ọre ọ gie mwẹ gie uwa. Ọnọna ọrọre eni mwẹ ẹdẹdẹmwẹdẹ, erriọ ọre avbe orre ni dee hia gha tie mwẹ.

Ẹksọdọs 3:6

Ọ keghi tama rẹn, “Mẹ ọrọre Osanobua erha a, Osanobua ọghe Ebraham, Osanobua ọghe Aizik, kevbe Osanobua ọghe Jekọb.” E Mosis keghi mu emwi rhu aro rhunmwuda ohan ma gi ẹe ẹre ghe Osanobua.

Ẹksọdọs 6:4

I vbe gu iran ta ile vbe ne I na yan wẹẹ, I gha mu otọ Kenan ne iran, otọe ne iran gha ye, zẹ vbe orhunmwuyẹn.

Ẹksọdọs 6:7

I gha ya uwa ru emwa mwẹ, mẹ ghi gha re Osanobua uwa. Wa gha vbe rẹn ighẹ mẹ ọre Nọyaẹnmwa ne Osanobua rua vbe I gha fannọ uwa ye otọ hin ọviẹn ọmwa rre vbe Igipt.

Aizaia 61:8

E Nọyaẹnmwa khare wẹẹ, “Ohiẹn ẹmwata ọ re I ho, azẹ ọmwa kpokpo kevbe ọkhọ, i yẹ mwẹ I gha wa san avbe emwa mwẹ ẹse, I ghi gu iran ta ile ẹdẹdẹmwẹdẹ.

Jerimaia 31:1

E Nọyaẹnmwa khare wẹẹ, “Ẹghẹ dee ne I gha na gha re Osanobua ẹwae ne ọ rre Izrẹl hia, iran ghi vbe gha re emwa mwẹ.

Ezikiẹl 28:26

Iran gha di evba ya vbe ne a i na mwẹ ẹbe. Iran gha bọlọ owa, iran gha vbe gbe ugbo azara. I gha rri avbe ẹdogbo iran oya, avbe iran ni gha kpe amẹ isikan ku iran, Izrẹl ghi gha re ne ẹkun sọre otọ. Iran gha rẹn wẹ mẹ ọrọre Nọyaẹnmwa ne Osanobua iran.”

Levitikọs 11:45

Mẹ ọrọre Nọyaẹnmwa ne ọ viọ uwa ke Igipt ladian, ne I mẹ sẹtin gha re Osanobua rua. Wa ghi gha re ne ọ huanrẹn, rhunmwuda ọmwa ne ọ huanrẹn mẹ khin.”

Levitikọs 25:38

Vbene Nọyaẹnmwa Osanobua ruẹ khare ọre ọna khin, ọmwa ne ọ viọ uwa ke Igipt ladian, ne ọ miẹn ehe na rhie otọ Kenan ne uwa kevbe ne ọ vbe gha re Osanobua uwa.

Levitikọs 26:12

“Mẹ gha re Osanobua uwa, wa ghi vbe gha re emwa mwẹ.

Levitikọs 26:44

Ọ rhe ye vberriọ, ugbẹn vbe iran a gha rre ẹvbo eghian iran, I i ra wa fi iyeke gbe iran fo, ra ne I fuẹn iran an fẹẹrẹ. Ọnii gha rhie ufomwẹ ye ile ne imẹ gu iran ta sevba mẹ ọre Nọyaẹnmwa Osanobua iran.

Levitikọs 26:45

gha dọlegbe so igie ye ile ne imẹ gu avbe erha iran odede ta vbe I rhie ẹtin ma avbe uhunmwu ẹvbo hia vbe ekpa ne I na viọ emwa mwẹ ke Igipt ladian ne imẹ ne Nọyaẹnmwa miẹn ehe na gha re Osanobua iran.”

Levitikọs 26:9

I gha fiangbe uwa, I ghi vbe viọ emọ ni bun ne uwa, I ghi mu e nọkanmwasẹ vbe ile ne ima gba ta sẹ.

Maika 7:20

Wẹ gha rhie ẹmwẹ ọmwa rre ọmwa ekhọe kevbe aho ẹmwẹ ọmwa ne ẹ i beghe ma emwa ruẹn, ivbi uniẹn Ebraham kevbe Jekọb, zẹ vbene u yan ma avbe erha mwa odede ẹkporriọ.

Matiu 22:32

‘Mẹ ọrọre Osanobua Ebraham, Osanobua Aizik kevbe Osanobua Jekọb!’ Ọ ni rhie maa wẹẹ Osanobua ọghe iran ni ma he wu nọ, ẹ i re ọghe ni wulo.”

Iyẹn ne ọ Maan Ọghe Mak 10:14

Ugbẹn vbe Jesu ghi miẹn ọẹn, ohu mu ẹn ọ keghi tama avbe erhuanegbe ẹre wẹẹ, “Wa gie avbe emọ nii bu mwẹ gha dee wa ghẹ da iran yi, rhunmwuda emwa vbe nian ọre ọ yan Arriọba Osanobua.

Iwinna 2:39

Rhunmwuda, wa kevbe avbe ivbi uwa ọre Osanobua ve ẹre emwi na kevbe iran ni rre urria, kevbe avbe emwa hia fẹẹrẹ ne Osanobua gha tie rrie egbe.”

Ebe ne Pọl gbẹẹn gie emwa Rom 9:4

Emwa ne a hannọ zẹ ọghe Osanobua ọre iran khin. Ọ ya iran ye emọ, ọ keghi vbe ghae ne iran vbe uwu uyi ẹre. Ọ gu iran ta ile, ọ na rhie nene uhi ne iran. Iran ọ re ọ rẹn vbene a ya ga hẹ vbe ẹmwata. Iran ọ re Osanobua vbe ve ẹre emwi.

Ẹfisọs 2:2

Ẹghẹ nii, wa kegha lele ukpowẹ emwi dan ọghe agbọn na, wa kegha ru vbene ọ khare ighẹ ọmwa ne ọ rre ọdakha yan ẹtin avbe orhiọn ni rre ideghedeghe, orhiọn ne ọ sua iran nian ighẹ iran ne ẹ họn ẹmwẹ ne Osanobua.

Diuteronomi 29:13

Ne Nọyaẹnmwa miẹn ehe na viọ uwa ya ru emwa rẹn nian, ne irẹn vbe gha re Osanobua uwa zẹ vbene ọ yan ma avbe erha uwa odede ighẹ Ebraham, Aizik kevbe Jekọb.

Hibru 11:16

Sokpan, ẹvbo ne ọ maa sẹ ọnii ọre iran rhie aro yi, ẹvbo ẹrinmwi. Rhunmwuda ọnii, ekhue ẹre i mu Osanobua vbe ọ wẹ ne iran gha tie irẹn Osanobua iran, rhunmwuda, ọ rhie ẹvbo ye otọ khẹ iran nẹ.

Hibru 8:10

Banbanna nian, ile ne U ghi ra gu iran ta ọna khin. Vbe iyeke avbe ẹdẹ nii, erriọ Nọyaẹnmwa khare: I gha rhie uhi mwẹ ye ẹko iran, I ghi vbe gbẹn ọẹn ye iran ekhọe, Mẹ ghi gha re Osanobua iran, Iran ghi gha re emwa mwẹ.

Giọgis 2:1

Odibo e Nọyaẹnmwa keghi ke Gilgal kpao gha rrie Bokim, ọ Keghi tama ivbi Izrẹl wẹẹ “I viọ uwa ke Igipt ladian, I keghi viọ uwa gha die otọ ne I ve avbe erha uwa odede re. I keghi kha wẹẹ, ‘Mẹ I ra rra ile ne I gu uwa ta.