Gẹnẹsis 17:5 - Edo Bible (E Baibol Ẹdo) Version 1996

⁵ A i ghi ra gha tie ruẹ Ebram ọvbehe sokpan Ebraham. Ọna ọre ọ ghi re eni ruẹn rhunmwuda, I ra ya a ru erha odede ọghe okpẹvbo nibun.

Gẹnẹsis 17:5 ပူးပေါင်းရင်းမြစ်များ

Gẹnẹsis 17:15

Osanobua keghi tama Ebraham wẹẹ, “Ghẹ ghi tie amwọn Serai ọvbehe, Sera ọre a ghi tie ẹre.

Gẹnẹsis 32:28

Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.”

Gẹnẹsis 32:29

E Jekọb keghi kha wẹẹ, “Lahọ ta eni ruẹn ma mwẹ.” Sokpan rẹn wanniẹn wẹẹ, “Vbọzẹ ne u na nọ eni mwẹ?” Ẹre ọ ghi na fiangbe Jekọb.

Gẹnẹsis 35:10

Osanobua tama rẹn wẹẹ, “E Jekọb ọre a te tie ruẹ, sokpan ke eban kpao, Izrẹl ọre a ghi gha tie ruẹ,” ẹre Osanobua na he ẹre Izrẹl.

II Samuẹl 12:25

Ọ na wẹ ne Natan he ẹre Jedidaia rhunmwuda, e Nọyaẹnmwa ho ẹmwẹ ọnrẹn.

I Krọnikol 1:27

kevbe Ebram (ne avbe tie ẹre Ebraham).

Nehimaia 9:7

Wẹ ne Nọyaẹnmwa Osanobua ọ re ọ zẹ Ebram u keghi rhie ẹre ke Ọọ ne Babilọn rre. U ke fi ẹre eni werriẹ ya khian Ebraham.

Aizaia 65:15

Emwa mwẹ ne a hannọ zẹ gha ya eni uwa gha mu ẹbọ gbe emwa, Mẹ ne Nọyaẹnmwa ne Udazi ọ re ọ ra gbele uwa a. Sokpan, I gha he iran ni họn ẹmwẹ mwẹ eni ọgbọn.

Jerimaia 20:3

Ẹdẹ ghi gbe vbe Pasiọ ghi kuọ ọgiọrọ hinmwẹ egbe rre nẹ. I keghi tama rẹn wẹẹ, “Ẹ i re Pasiọ ọ re Nọyaẹnmwa he uwẹ re sokpan Ohan Vbe Ehehia.”

Jerimaia 23:6

Ẹghẹ ne ọ gha ya vbe ọba, ivbi e Juda gha rrọọ vbe a i mwẹ ẹbe, ivbi Izrẹl ghi vbe gha rrọọ vbe ọfumwegbe, a gha vbe gha tie ẹre, ‘E Nọyaẹnmwa ne Imiẹnfan Mwa.’

Nọmbas 13:16

Iran na ọrọre avbe ọrhẹ ne Mosis gie ne ọ ya ghe otọe nii ghe, ọ keghi fi eni Hosia ne ovbi e Nọn werriẹ khian Jọsua.

Iyẹn ne ọ Maan Ọghe Jọn 1:42

Rẹn keghi rhie Saimọn bu Jesu gha dee. Jesu keghi ghe ẹre, ọ wẹẹ, “Wẹ ọrọre Saimọn ne ovbi e Jọn, Kefas ọre a ra gha tie ruẹ re.” (Ọkpa ọre ẹmwẹ na ke Pita khin, emwi ne a yae kha ọrọre “Okuta nọkhua.”)

Ebe ne Pọl gbẹẹn gie emwa Rom 4:17

Zẹ vbene ebe kha re, “Mẹ ya uwẹ khian erha uhunmwu ẹvbo ni bun nẹ.” Ọnii nọ wẹ, emwi ne a ve na wa maa vbe aro Osanobua ne Ebraham yayi, Osanobua ne ọ huẹn ne ọ wu kpaegbe, ne ẹmwẹ ọnrẹn ye emwi ne ẹ i te ka rrọọ khian ne ọ ghi rrọọ.

Arhie Maan 2:17

“Rhunmwuda ọnii nian, a deghẹ u mwẹ ehọ, danmwehọ ẹmwẹ ne Orhiọn tama avbe esọsi. “I gha rhie ne iran ni khọnmiotọ nẹ, vbe mana ne a rhie lẹre nii, I gha vbe rhie ne ọkpọkpa vbe uwu iran, okuta nọfua ne a gbẹn eni ọgbọn yi, eni ne a kha na, ọmwa ọvbehe ne ọ gha rẹn ọnrẹn i rrọọ gberra ọmwa ne a rhie ẹre na.