Gẹnẹsis 17:3 - Edo Bible (E Baibol Ẹdo) Version 1996

³ Ebram keghi diguẹ mu aro rhu otọ, ẹre Osanobua na kha wẹẹ,

Gẹnẹsis 17:3 ပူးပေါင်းရင်းမြစ်များ

Gẹnẹsis 17:17

Ebraham keghi diguẹ mu aro rhuotọ, sokpan ogiẹ keghi fẹe vbe ọ ghi ro ẹre wẹẹ, “Ọmwa gha ye sẹtin biẹ vbe ọ sẹ ukpo iyisẹn nẹ? E Sera gha ye sẹtin biẹ vbe ọ sẹ ukpo ekigbesiyisẹn nẹ?”

Gẹnẹsis 18:2

ọ ghi tọn aro mu vbe ọwarọkpa, ọ keghi ya dẹghe ikpia eha vbe iran mudia vbe evba. Ọwarọkpa nii vbe ọ ghi wa bẹghe iran, ọ keghi rhulẹ ke onurho owa ukpọn rẹn kpao ya vba iran. Ugbẹn vbe ọ ghi diguẹ mu aro rhuotọ nẹ, ọ wẹẹ,

I Ọba 18:39

Emwa nii ghi miẹn emwi na, iran hia keghi dele gbe otọ, iran na datu wẹẹ, “E Nọyaẹnmwa ọrọre Osanobua, e Nọyaẹnmwa ọkpa ọrọre Osanobua!”

Ẹksọdọs 3:6

Ọ keghi tama rẹn, “Mẹ ọrọre Osanobua erha a, Osanobua ọghe Ebraham, Osanobua ọghe Aizik, kevbe Osanobua ọghe Jekọb.” E Mosis keghi mu emwi rhu aro rhunmwuda ohan ma gi ẹe ẹre ghe Osanobua.

Ezikiẹl 1:28

awanwan na kegha mwẹ ẹmu ughughan ne ọ rre ere nukhunmwu. Ọnọna ọrọre ne awanwan ne ọ gbe ebiebi ye ọmwa aro, ne ọ vbe rhie ma wẹ e Nọyaẹnmwa rre evba. Ugbẹn vbe I ghi miẹn ọna, I keghi de mu aro rhu otọ, I keghi họn urhu okpa ne ọ khare wẹẹ,

Ezikiẹl 3:23

Ẹre I na ladian gha rrie uwu iya, I keghi miẹn uyi e Nọyaẹnmwa vbe evba zẹ vbene I wa vbe miẹn ọẹn zẹẹ vbe ọkpẹn Ẹzẹ Kiẹba. I keghi de mu aro rhu otọ,

Ezikiẹl 9:8

Ẹghẹ ne iran na wa gha gbele emwa khian nii, mẹ okpa ọ re ọ gha rre evba. I keghi de mu aro rhu otọ, I na datu wẹẹ, “E Nọyaẹnmwa ne Udazi, te ohu wa mu uwẹ sẹrriọ ra ne u ra na wa gbele emwa ni ghi kẹe vbe Jerusalẹm fo?”

Daniẹl 10:9

I ghi họn urhu na, I keghi de fianmwẹ otọ, I ma ghi rẹn emwi ne a ru, I keghi mu aro rhu otọ.

Nọmbas 14:5

Ẹre Mosis kevbe Errọn na vbokho egbe rriotọ vbe odaro emwa nii.

Nọmbas 16:22

Sokpan e Mosis kevbe Errọn keghi vbẹrre mu aro rhuotọ, iran keghi kha wẹẹ, “Osanobua, wẹ ọrọre ehe ne arrọ hia ke rre. ohu emwa hia gha wa gha mu uẹn ra rhunmwuda ighẹ orhunmwu ọkpa ru orukhọ?”

Nọmbas 16:45

“Gban egbe ghe odieke hin ehe ne iran na ye rre, ne I wa fuẹn iran an ye evba!” Iran keghi vbokho egbe rre viọ aro rhuotọ.

Matiu 17:6

Ugbẹn vbe avbe erhuanegbe họn urhu na, iran keghi runran, iran dele viọ aro rhu otọ.

Jọsua 5:14

Okpia ni keghi wanniẹn wẹẹ, “Ẹ i mwẹ ne I khin vbọ. Te ima rre emwa na zẹ vbe ọkaokuo ivbiyokuo e Nọyaẹnmwa.” E Jọsua keghi ghughẹrre ya ọghọ ne ẹẹn, ọ keghi kha wẹẹ, “Te imẹ rre emwa ne u gha gie mwẹ uhunmwu enọwanrẹn, de emwi ne u ho ne I ru?”

Arhie Maan 1:17

Ugbẹn vbe I ghi bẹghe ẹre, I keghi de gbe otọ vbe akharha ẹre, zẹ vbe orinmwi. Rẹn keghi rhie obọ erha ọmwa rẹn yan mwẹ, ọ wẹẹ, “Ghẹ gie ohan mu ẹn. Mẹ ọrọre okaro kevbe okiekie.

Giọgis 13:20

Ugbẹn vbe aramwẹ erhẹn ọnrẹn ghi ke aka nii ba ghe iso e Manoa kevbe amwẹ ọnrẹn keghi bẹghe odibo e Nọyaẹnmwa nii vbe ọ lele aranmwe erhẹn nii hin odukhunmwu ghe ẹrinmwi. Iran keghi dele viọ aro rhu otọ. E Manoa kevbe amwẹ ọnrẹn ma ghi dọlegbe miẹn odibọ Osa nii ọvbehe. E Manoa keghi do rẹn wẹ odibo e Nọyaẹnmwa ọre ọmwa nii khin.