Gẹnẹsis 17:17 - Edo Bible (E Baibol Ẹdo) Version 1996

¹⁷ Ebraham keghi diguẹ mu aro rhuotọ, sokpan ogiẹ keghi fẹe vbe ọ ghi ro ẹre wẹẹ, “Ọmwa gha ye sẹtin biẹ vbe ọ sẹ ukpo iyisẹn nẹ? E Sera gha ye sẹtin biẹ vbe ọ sẹ ukpo ekigbesiyisẹn nẹ?”

Gẹnẹsis 17:17 ပူးပေါင်းရင်းမြစ်များ

Gẹnẹsis 17:18

Ọ keghi nọ Osanobua wẹẹ, “I wẹ ne u gie Ismẹl gha re ne ọ gha rri ukhu mwẹ.”

Gẹnẹsis 17:3

Ebram keghi diguẹ mu aro rhu otọ, ẹre Osanobua na kha wẹẹ,

Gẹnẹsis 18:11

Ebraham vbe Sera wa khian ọmaẹn ẹsẹse. Sera i ghi vbe mu obọ mwẹ.

Gẹnẹsis 18:12

Rhunmwuda ọnii, e Sera keghi hẹko gha giẹ, ọ wẹẹ, “Eban I khian ọmaẹn gbe ne ọ ghi biẹ, ẹghẹ na ọre I gha na ye gha miẹn okpia ra? Yevbe sẹ ọnii, ọdafẹn mwẹ khian ọmaẹn nẹ.”

Gẹnẹsis 21:5

Ukpo iyisẹn ọre ọ gha ye vbe a biẹ Aizik.

Gẹnẹsis 21:6

Sera keghi kha wẹ, “Osanobua rhie oghọghọ mẹ, ọ vbe zẹ mwẹ ogiẹ. Ọmwaikọmwa ne ọ họẹn gha gunmwẹ gie.”

Gẹnẹsis 21:7

Ọ keghi rhie tẹe wẹẹ, “De ọmwa ne ọ gha te sẹtin tae ma Ebraham ighe Sera gha koko emọ, sevba ghe vbe I biẹ ọmọ okpia nẹẹn vbe I khian ọmaẹn nẹ.”

I Krọnikol 21:16

E Devid keghi bẹghe vbe odibo Osa na mudia ye ideghedeghe keẹe kevbe umozo vbe obọ, ọ mu egbe ne ọ dunmwu e Jerusalẹm sẹ otọ. Ẹre Devid kevbe avbe olotu emwa nii ne a miẹn wẹ ukpọn akhiẹ ọ re iran hia viọ rhuan, iran hia keghi vbokho uhunmwu rriotọ, vbene ugbaro iran na dekan otọ.

Job 1:20

Ọre Job na guakpaegbe, ọ keghi ya akhiẹ sọ ukpọn ye egbe ẹre ẹkun. Ọ khiokhio eto, ọ na de mu aro rhu otọ.

Ezikiẹl 1:28

awanwan na kegha mwẹ ẹmu ughughan ne ọ rre ere nukhunmwu. Ọnọna ọrọre ne awanwan ne ọ gbe ebiebi ye ọmwa aro, ne ọ vbe rhie ma wẹ e Nọyaẹnmwa rre evba. Ugbẹn vbe I ghi miẹn ọna, I keghi de mu aro rhu otọ, I keghi họn urhu okpa ne ọ khare wẹẹ,

Daniẹl 8:17

E Gebriẹl keghi rre, ọ na mudia ke mwẹ. Ohan mu mwẹ sẹrriọ wẹ I na wa de gbotọ. Rẹn keghi tama mwẹ wẹẹ, “Ovbi ọmwa, rẹn emwi ne a yae kha. Umian na, ẹmwẹ ufomwẹ agbọn ọ re ọ de mu.”

Levitikọs 9:24

Vbe udomwurri, e Nọyaẹnmwa keghi gie erhẹn rre, ọ keghi giẹn emwi izọ ese nii hia ke ẹe kevbe efun emwi nii rre aka. Ugbẹn vbe emwa nii ghi miẹn ọẹn, iran keghi datu, iran keghi munọ ẹko rhu otọ.

Nọmbas 14:5

Ẹre Mosis kevbe Errọn na vbokho egbe rriotọ vbe odaro emwa nii.

Nọmbas 16:22

Sokpan e Mosis kevbe Errọn keghi vbẹrre mu aro rhuotọ, iran keghi kha wẹẹ, “Osanobua, wẹ ọrọre ehe ne arrọ hia ke rre. ohu emwa hia gha wa gha mu uẹn ra rhunmwuda ighẹ orhunmwu ọkpa ru orukhọ?”

Nọmbas 16:45

“Gban egbe ghe odieke hin ehe ne iran na ye rre, ne I wa fuẹn iran an ye evba!” Iran keghi vbokho egbe rre viọ aro rhuotọ.

Matiu 2:11

Ugbẹn vbe iran ghi la owa, iran keghi miẹn nene ọmọ kẹe kevbe Meri ne iye ẹe. Iran keghi diguẹ ya emwi nẹẹn, igoru, eturari kevbe oziya.

Iyẹn ne ọ Maan Ọghe Luk 1:18

Zẹkaraia keghi khama odibosa ni wẹẹ, “Vbe i a gha ya rẹn hẹ ighẹ ẹmwata ọ na khin? I khian ọmaẹn nẹ, ọvbokhan mwẹ vbe khian ọmaẹn.”

Iyẹn ne ọ Maan Ọghe Jọn 8:56

Ẹko sẹ Ebraham ne erha uwa ọyẹnmwẹ wẹ aro ẹre gha sẹ ẹghẹ mwẹ, aro ẹre sẹ ọe, ọ keghi ghọghua.”

Diuteronomi 9:18

I na vbe dọlegbe mu ẹko rhu otọ la avan iyeva ke asọn iyeva vbe odaro e Nọyaẹnmwa, I ma re, I ma da. I ru ọna rhunmwuda, wa ru orukhọ ghe Nọyaẹnmwa nẹ, wa keghi ya ẹe mu ohu.

Diuteronomi 9:25

“Ọ re I na lovbiẹ mu aro rhu otọ vbe odaro e Nọyaẹnmwa vbe avan iyeva kevbe asọn iyeva nii, rhunmwuda I rẹnrẹn wẹ rẹn te mu egbe nẹ ne ọ fuẹn uwa a.

Jọsua 5:14

Okpia ni keghi wanniẹn wẹẹ, “Ẹ i mwẹ ne I khin vbọ. Te ima rre emwa na zẹ vbe ọkaokuo ivbiyokuo e Nọyaẹnmwa.” E Jọsua keghi ghughẹrre ya ọghọ ne ẹẹn, ọ keghi kha wẹẹ, “Te imẹ rre emwa ne u gha gie mwẹ uhunmwu enọwanrẹn, de emwi ne u ho ne I ru?”

Jọsua 7:6

E Jọsua kevbe avbe ekaolotu keghi ye akhiẹ sọ ukpọn rẹn uan, ọna de mu aro rhu otọ vbe odaro Ẹkpẹti Ile ọghe Nọyaẹnmwa. Avbe ọkaolotu Izrẹl keghi gu ẹe lovbiẹ ye evba ya sẹ ota. Iran na zẹ ebubẹ ye uhunmwu ne iran ya rhie akhiẹ iran maa.

Arhie Maan 11:16

Avbe ediọn enẹyanugie, ni tota ye ẹkete iran vbe odaro Osanobua, keghi dele viọ aro iran rhu otọ, iran ya uhunmwu rhanmwẹ otọ ne Osanobua.

Arhie Maan 5:8

Ugbẹn vbe ọ ghi wa ru vberriọ nẹ, avbe emwi ne a yi ni ma wu nii, kevbe ediọn eneyanugie nii keghi dele gbe otọ vbe odaro Oteghe Ohuan nii. Ọkpọkpa vbe uwu iran kegha mwẹ akpata kevbe avbe ọkpan igoru ne a ye eturari vuọn, ena ni re erhunmwu emwa Osanobua.

Giọgis 13:20

Ugbẹn vbe aramwẹ erhẹn ọnrẹn ghi ke aka nii ba ghe iso e Manoa kevbe amwẹ ọnrẹn keghi bẹghe odibo e Nọyaẹnmwa nii vbe ọ lele aranmwe erhẹn nii hin odukhunmwu ghe ẹrinmwi. Iran keghi dele viọ aro rhu otọ. E Manoa kevbe amwẹ ọnrẹn ma ghi dọlegbe miẹn odibọ Osa nii ọvbehe. E Manoa keghi do rẹn wẹ odibo e Nọyaẹnmwa ọre ọmwa nii khin.