Gẹnẹsis 17:16 - Edo Bible (E Baibol Ẹdo) Version 1996

¹⁶ I gha fiangbẹe, I gha giẹe biẹ ọmọ okpia nuẹn. I gha fiangbẹe, rẹn gha khian iye okpẹvbo nibun. A gha vbe miẹn avbe ọba vbe uniẹn ọnrẹn.”

Gẹnẹsis 17:16 ပူးပေါင်းရင်းမြစ်များ

Gẹnẹsis 1:28

Ọ keghi fiangbe iran vbenian wẹẹ, “Wa ghi biẹlẹ emọ nibun vbe ne a gha na miẹn wẹ uniẹn ruan ghi gba ehe hia vbe agbọn, iran ghi gha khaemwisẹ ya rẹn. I rhie ẹtin nuẹn ya gha kha yan avbe ehẹn, avbe ahianmwẹ kevbe avbe aranmwẹ oha hia.

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

Gẹnẹsis 15:4

Ọ keghi vbe họn vbe Nọyaẹnmwa vbe dọlegbe guẹe guan wẹẹ: “Ọviẹn na i ra rri ukhu ruẹ ighẹ Eliezẹ, ovbuẹ nokpia vbe ẹko ọre ọ ra rri ukhu ruẹ.”

Gẹnẹsis 17:15

Osanobua keghi tama Ebraham wẹẹ, “Ghẹ ghi tie amwọn Serai ọvbehe, Sera ọre a ghi tie ẹre.

Gẹnẹsis 17:19

Sokpan Osanobua tama rẹn wẹẹ, “U baeku, Sera ne amwẹ ọn gha biẹ ọmọ okpia nuẹn, wẹ ghi he ẹre Aizik. I gha ye ile ne I tae rre vbe ẹghẹ ọre kevbe ọghe uniẹn ọnrẹn, ile etẹbitẹ nọ.

Gẹnẹsis 17:6

I gha viọ uniẹn nibun nuẹn, eso vbe uwe iran ghi gha re ọba, u gha mwẹ uniẹn nibun sẹrriọ wẹ iran gha khian okpẹvbo nibun.

Gẹnẹsis 21:1

E Nọyaẹnmwa keghi fiangbe Sera zẹ vbene ọ khare.

Gẹnẹsis 24:60

Iran kevbe na erhunmwu ne Ribẹka vbe nian wẹẹ, “Ọtẹn mwa, iye arriaisẹn arriaisẹn u gha khian! Te uniẹn ruẹn gha khọn ẹvbo eghian iran muotọ!”

Gẹnẹsis 25:23

E Nọyaẹnmwa keghi tama rẹn wẹẹ, “Iyaẹvbo eva ọre ọ rre uwẹ ẹko U gha biẹ arhien eva ni gu egbe suan Ọkpa gha wegbe sẹ nọkpa Nọdiọn ọre ọ gha re ọguọmwadia enekherhe.”

Gẹnẹsis 35:11

Osanobua keghi tama rẹn wẹẹ, “Mẹ ọrọre Osanobua Noghodua. Biẹlẹ emọ nibun. Uniẹn ivbuẹ gha bun, eso vbe uwu iran gha vbe gha re ọba, u gha mwẹ uniẹn ivbuẹ nibun sẹrriọ wẹ eso gha do khian iyaẹvbo.

Gẹnẹsis 36:31

Ena ọrọre avbe ọba ni gha khaemwisẹ yan Idọm vbe avbe ọba te suẹn gha la ukpo vbe Izrẹl: E Bẹla ne ovbi Beọ ne ovbi ẹvbo ne a tie ẹre Dinhaba E Jobab ne ovbi e Zẹra ne ọ ke Bozra rre E Husiam ne ọ keotọ Tẹman E Hadad ne ovbie Bedad, (ne ọ khọn Midian miotọ vbe ẹvbo Moab) A kegha tie eni ẹvbo ẹre Avit E Samla ne ọ ke Masreka rre E Siọl ne ọ ke Rehobọt ne ọkpẹn ẹzẹ rre ke. E Baal Hanan ne ovbi e Akbọ E Hadad ne ovbi ẹvbo Pau (a kegha tie amwẹ ọnrẹn Mehetabẹl, ovbi e Matrẹd kevbe eyẹ Mesahab nokhuo.)

Aizaia 49:23

Avbe ọba ghi ye vbe erha nuẹn avbe oloi ghi yevbe iye uẹ iran gha ghughẹrre vbe odaro ruẹ ya ya ọghọ ne uẹn. Ẹghẹ nii wẹ gha rẹn wẹ mẹ ọrọre Nọyaẹnmwa, ọmwaikọmwa ne ọ rhie aro ye odẹ khẹ iyobọ mwẹ, ne ọ gha gbe ima rẹn i rrọọ.”

Ebe ne Pọl gbẹẹn gie emwa Rom 9:9

Rhunmwuda vbene Osanobua ya vẹe ọre ọna khin wẹẹ, “Ọ gha sẹ ẹghẹ ne ọ ke yi, I gha dọlegbe rre, Sera gha biẹ ọmọ okpia.”

Galatia 4:23

Ovbi ẹre ne okpia ne ọviẹn ọmwa biẹ keghi re ne a biẹ vbene a ya biẹ kẹkan, sokpan ovbi ẹre nọkpa ne okhuo ne ẹ i re ọviẹn ọmwa biẹ, keghi re ne Osanobua ve ẹre re.

I Pita 3:6

Erriọ Sera gha ye, te ọ gha họn ẹmwẹ ne ọdọ ẹre, ọ re ọ na gha tie ẹre “Enaẹmwẹ.” Wanwanna nian, ivbi ẹre ne ikhuo ọre uwa khin, a deghẹ wẹ yin ẹse, ighẹ wa ma vbe mu ohan emwi rhọkpa.