Gẹnẹsis 17:15 - Edo Bible (E Baibol Ẹdo) Version 1996

¹⁵ Osanobua keghi tama Ebraham wẹẹ, “Ghẹ ghi tie amwọn Serai ọvbehe, Sera ọre a ghi tie ẹre.

Gẹnẹsis 17:15 ပူးပေါင်းရင်းမြစ်များ

Gẹnẹsis 11:29

Ebram keghi rhie Serai, Nahọ na rhie Milka ne ovbi e Haran nokhuo ne ọ gha re erha Iska.

Gẹnẹsis 17:14

Okpia ne a ma he rhuẹ, a ghi wannọẹn hin uwe ẹbu emwa rẹn rre rhunmwuda ọ ma họn ẹmwẹ mwẹ.”

Gẹnẹsis 17:16

I gha fiangbẹe, I gha giẹe biẹ ọmọ okpia nuẹn. I gha fiangbẹe, rẹn gha khian iye okpẹvbo nibun. A gha vbe miẹn avbe ọba vbe uniẹn ọnrẹn.”

Gẹnẹsis 17:5

A i ghi ra gha tie ruẹ Ebram ọvbehe sokpan Ebraham. Ọna ọre ọ ghi re eni ruẹn rhunmwuda, I ra ya a ru erha odede ọghe okpẹvbo nibun.

Gẹnẹsis 32:28

Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.”

II Samuẹl 12:25

Ọ na wẹ ne Natan he ẹre Jedidaia rhunmwuda, e Nọyaẹnmwa ho ẹmwẹ ọnrẹn.

Aizaia 51:1

E Nọyaẹnmwa khare wẹẹ, “Wa danmwehọ mwẹ, wa ni ho ne a miẹn uwa fan, wa ni do nọ iyobọ vbe obọ mwẹ, wa roro ẹmwẹ okuta nọkhua ne uwa ke ladian. Ehe ne a na fian okuta ne a ke fian uwa ladian.