Gẹnẹsis 17:10 - Edo Bible (E Baibol Ẹdo) Version 1996

¹⁰ Emwi ne uwẹ kevbe uniẹn ruẹn gha rhie obọ yi ne uwa ru ọre ọna khin: ọmọ okpiaikọmọ okpia vbe uwe uwa, te a gha rhuẹ ọre.

Gẹnẹsis 17:10 ပူးပေါင်းရင်းမြစ်များ

Gẹnẹsis 17:11

Ke ẹghẹ na kpao, te u gha rhuẹ emọ ikpia ruẹ hia vbe ọ gha sẹ ọmọ ikpẹdẹ erẹnrẹn nẹ, kevbe eviẹn ne a biẹe vbe owa kevbe ne a dẹlẹ ke ore rre, vbe obọ avbe orhunmwuyẹn. Ọna ọre ọ gha rhie ma wẹẹ, mẹ vbe uwa gba ta ile.

Gẹnẹsis 17:23

Ẹdẹ nẹdẹrriọ zẹẹ, Ebraham keghi rhuẹ Ismẹl ne ovbi ẹre kevbe eviẹn ọnrẹn hia, kevbe ne a biẹlẹe vbe owa kevbe ne ọ ya igho dẹlẹ, emọ ikpia hia ni rre owa ẹre zẹ vbene Osanobua tama rẹn.

Gẹnẹsis 17:27

Ke avbe eviẹn Ebraham hia.

Gẹnẹsis 21:4

Aizik ghi rre ọmọ ikpẹdẹ erẹnrẹn, Ebraham keghi rhuẹ ọre zẹ vbene Osanobua tama rẹn.

Gẹnẹsis 34:15

Emwi ọkpa ne ọ gha ye ima kue yọ ọrọre ne uwa do gha ye vbene ima ye vbekpa ne uwa gha na gha rhuẹ ikpia uwa hia.

Gẹnẹsis 34:22

Sokpan emwi ne ọ gha ya iran yin ẹvbo ima ne ima gha re ọkpa ọrọre wẹ ne ima gha rhuẹ emọ ikpia ima zẹ vbene iran vbe rhuẹ.

Ẹksọdọs 12:48

A deghẹ ọrriọvbe ne ọ rre ehe ne uwa ye wẹ rẹn gha le evbare Alagberra na ne Nọyaẹnmwa, wa ghi ka rhu uẹ ikpia hia nii guẹe nẹ, iyeke ọnii ọ ghi ye gbe ba emwa ru emwiukpo nii, obọ ne a ya mu ovbi Izrẹl ne ọre ne a biẹe vbe owa, ọre a gha ya muẹn.

Ẹksọdọs 4:25

E Zipora ne amwẹ ọnrẹn keghi rhie okuta ne ọ mu, ọ keghi fian ovbi ẹre ne okpia ukpikolo, ọ keghi ya ẹe kan owẹ e Mosis. Okhuo nii keghi kha wẹẹ, “Ọdafẹn ọha ọghe esagiẹn ọre u gele khin mwẹ re.” Ẹre Nọyaẹnmwa ghi na sẹ Mosis rae. Ẹghẹ nii ọre ọna kha wẹẹ, “Ọdafẹn ọha ọghe esagiẹn” rhunmwuda arhuẹ nii.

Jerimaia 4:4

Wa ya ile ne uwa gu imẹ ne Nọyaẹnmwa uwa ta gha ru emwi, ne uwa ye egbe uwa fiohan mẹ, wa ne ivbi e Juda kevbe ivbi e Jerusalẹm. Adeghẹ wa ma ru vberriọ, ohu mwẹ gha vẹn zẹ vbe erhẹn rhunmwuda emwi dan hia ne uwa he ru. Ọ gha vẹn, orhunmwu ọkpa ne ọ gha dọ ẹre yọ irrọọ.”

Iyẹn ne ọ Maan Ọghe Jọn 7:22

Rhunmwuda ighe Mosis wẹ ne uwa gha rhuẹ ivbi uwa ne ikpia (a rẹnrẹn ighe ẹ i re Mosis, ighe avbe erha uwa odede ọre ọ suẹn ọnrẹn), te uwa ghi rhuẹ ọmọ okpia vbe Ẹdẹ Ikẹtin.

Iwinna 7:8

Ẹghẹ nii ọre Osanobua na rhie iruemwi arhuẹ ne Ebraham, zẹ vbe ama ọghe ile nii. Ebraham keghi rhuẹ Aizik vbe ọ rre uzọla ọkpa ne a biẹ ọe. Aizik keghi rhuẹ Jekọb, Jekọb keghi rhuẹ avbe erha mwa odede ne iweva.

Ebe ne Pọl gbẹẹn gie emwa Rom 2:28

Ne a ta ẹmwata, gha ọ re Ju ne Ju ne a gele rhuẹ yi? Ẹ i re Ju ne ọ ye ikinnegbe re Ju ne arhuẹ ọre re ọghe ikpakpa egbe kẹkan.

Ebe ne Pọl gbẹẹn gie emwa Rom 3:25

Te Osanobua yae ru ọmwa ẹse wẹ rhunmwuda uwu ẹre, ne irẹn do khian emwi ne a la ekpa ẹre ya orukhọ bọ emwa vbe iran a ya ẹe yi. Te Osanobua ye Kristi ru ẹse ne ọ ya ma emwa ẹre vbene irẹn ya ye emwa khian emwata vbe odaro ẹre hẹ. Vbe ẹghẹ ne ọ gberra, Osanobua keghi ziengbe, ọ ma vbe zẹ ye orukhọ ne emwa ne agbọn ru.

Ebe ne Pọl gbẹẹn gie emwa Rom 3:28

Vbene a ghi ya mu ẹmwẹ na ye owa ẹre ọrọre wẹ, iyayi ọkpa ọre ọ ye ọmwa khian ọmwata vbe odaro Osanobua, ighẹ ẹ i re ne ọ na ru vbene nene Uhi kha re.

Ebe ne Pọl gbẹẹn gie emwa Rom 3:30

Ọkpa ọre Osanobua khin. Rẹn gha ye avbe Ju khian emwata vbe odaro ẹre zẹ vbene iyayi iran kha re, ọ ghi vbe ye avbe iran ne ẹ i re Ju khian emwata vbekpa iyayi iran.

Galatia 3:28

Rhunmwuda ọnii, alughaẹn ne egbe i rrọọ vbe ẹkpo avbe Ju kevbe avbe iran ne ẹ i re Ju, eviẹn kevbe ne ẹ i re eviẹn, ikpia ra ikhuo, ọkpa wa hia khin vbe uwu a ya egbe ba Kristi Jesu.

Galatia 6:12

Iran ni ho ne iran gha tọn ifuẹn mu, kevbe ne iran gha ya emwi ikinnegbe rhuọ, ọre ọ ho ne ọ ya ẹkiudu mu uwa ne uwa rhuẹ. Sokpan, emwi ne ọ ya iran ru ẹe ọrọre, ne a ghẹ miẹn ehe na kpokpo iran ba ẹmwẹ ugbugbe Kristi.

Ẹfisọs 2:11

Wa ne a biẹlẹ ẹre emwa ne ẹ i re Ju, ne iran ne Ju tie ẹre ne ọ ma rhuẹ, iran ni tie egbe iran ne ọ rhuẹre (vbe ekpa emwi ne emwa ne agbọn ye obọ ru ye iran egbe,) wa ghi yerre emwi ne uwa te khin ẹghẹ ne ọ gberra.

Diuteronomi 10:16

Rhunmwuda onii nian, wa gha họn ẹmwẹ ne Nọyaẹnmwa, wa dobọ iyienhọ yi.

Diuteronomi 30:6

E Nọyaẹnmwa Osanobua rua gha rhie ekhọe ne ọ họn ẹmwẹ ne uwa kevbe avbe ivbi uwa, wa ghi ya ekhọe uwa hia kevbe orhiọn uwa hia ho ẹmwẹ ọnrẹn wa ghi vbe gha yin otọe nii khian.

Filipai 3:3

Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.

Jọsua 5:2

Ẹre Nọyaẹnmwa na tama e Jọsua wẹẹ, “Ya okuta nọ wegbe ru abẹe ne u ya rhuẹ ivbi Izrẹl.”

Jọsua 5:4

Emwi ne ọ yae ru ọna ọrọre wẹ avbe emwa hia ni sẹe ni yo okuo vbe iran kpao vbe Igipt wulo fo nẹ vbe uwu ato vbe odẹ.