Gẹnẹsis 17:1 - Edo Bible (E Baibol Ẹdo) Version 1996

¹ Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

Gẹnẹsis 17:1 ပူးပေါင်းရင်းမြစ်များ

Gẹnẹsis 12:1

E Nọyaẹnmwa keghi tama Ebram wẹẹ, “Kpao vbe ẹvbo ruẹ rre, sẹ avbe etuẹn rae kevbe owa erha a, ne u gha rrie ẹvbo ne I gha rhie ma ruẹn.

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 16:16

Ukpo ehan yan iyenẹ ọre Ebram gha ye, vbe ẹghẹ na.

Gẹnẹsis 18:1

E Nọyaẹnmwa keghi rhiegbe ma Ebraham vbe ọkpẹn avbe erhan iruemwi ọghe Mamrẹ, Ebraham keghi tota ye onurho owa ukpọn rẹn vbe ogiavan ogioghogho,

Gẹnẹsis 18:14

Emwi ọkpa rrọ ne ọ lọghọ ne Nọyaẹnmwa ra? Vbe ẹghẹ ne ọ ke yi, vbe uki ihinrin ne ọ dee, I gha dọlegbe bu ruẹ rre, e Sera gha biẹ ọmọ okpia.”

Gẹnẹsis 24:40

Rẹn keghi wanniẹn wẹẹ, ‘Nọyaẹnmwa, ọmwa ne I mẹ gha họn ẹmwẹ na vbe ẹghẹ hia gha gie odibo ẹre leluẹ, ne ọ rhie arudinodẹ nuẹn. Uwe emwa mwẹ ọre u gha na rhie okhuo ne ovbi mwẹ, kevbe uwe ẹgbẹe erha mwẹ.

Gẹnẹsis 26:2

E Nọyaẹnmwa keghi rhiegbe ma Aizik, ọ na tama rẹn, wẹẹ, “Ghẹ yo Igipt. Mudia vbe ẹvbo ne I tama ruẹn ne u dia.

Gẹnẹsis 28:3

Te Osanobua Noghodua gha fiangbe orọnmwẹ uwa ne ọ gue mwẹ emọ nibun, sẹrriọ ne u gha na do gha re erha agbọn ẹvbo nibun.

Gẹnẹsis 35:11

Osanobua keghi tama rẹn wẹẹ, “Mẹ ọrọre Osanobua Noghodua. Biẹlẹ emọ nibun. Uniẹn ivbuẹ gha bun, eso vbe uwu iran gha vbe gha re ọba, u gha mwẹ uniẹn ivbuẹ nibun sẹrriọ wẹ eso gha do khian iyaẹvbo.

Gẹnẹsis 43:14

Osanobua Noghodua ne ọ gie okpia nii tohan uwa, ne ọ miẹn ehe na rhie ọtẹn uwa nokpia kevbe Bẹnjamin ne uwa. Zẹvbe ọghomwẹ mwẹ, a deghẹ te a ghi wẹ ne emọ gha wu mwẹ, a gie iran gha wu mwẹ.”

Gẹnẹsis 46:3

“Mẹ ọrọre Osanobua, ọghe erha a, ghẹ gie ohan muẹn ne u gha rrie Igipt, I gha ya uniẹn ivbuẹ khian okpẹvbo vbe evba.

Gẹnẹsis 48:15

Ọ keghi fiangbe iran. “Te Osanobua gha fiangbe emọ na! Osanobua ne Ebraham kevbe Aizik ne erhamwẹ gae! Te Osanobua ne ọ su mwẹ sẹ ẹdẹnẹrẹ na, gha fiangbe iran!

Gẹnẹsis 48:3

E Jekọb keghi tama e Josẹf wẹẹ, “Osanobua Noghodua rhie egbe ma mwẹ vbe Luz, vbe otọe Kenan, ọ keghi fiangbe mwẹ.

Gẹnẹsis 5:22

Inọk keghi ye gu Osanobua gha yin vbe ukpo iyisẹn yan uri (300), ọ na yevbe biẹlẹ emọ ọvbehe

Gẹnẹsis 5:24

Ẹdagbọn rẹn hia ọre ọ wa ya gu Osanobua yin, ọ keghi ru gbẹnnẹ rhunmwuda Osanobua rhie ẹre kpao.

Gẹnẹsis 6:9

Okha ọghe Noa ọre ena khin. Emọ eha ọre ọ biẹlẹe, Siẹm, Ham kevbe Jafẹt. E Noa kegha re ọmwa esi ne ọre ọmwa ọkpa kẹkan ne Osanobua ta ẹmwẹ ọnrẹn ẹse ẹghẹ nii, rẹn kegha gu Osanobua mu obọ.

I Ọba 2:4

U gha ru vberriọ, e Nọyaẹnmwa gha mu eyan ne ọ yan rẹn sẹ vbe ọ tama mwẹ wẹẹ: ‘Ivbi uẹ ọ re ọ ra rriọba yan Izrẹl vbe ẹghẹ hia, zẹ vbe ne iran vbe ya mu aro yọ ne iran ye ekhọekekhọe gha mu uhi mwẹ sẹ.’

I Ọba 3:6

E Solomọn keghi wanniẹn wẹẹ, “Erriọ ọ re u vbe gha ho ẹmwẹ e Devid ne erha mwẹ, ọguọmwadia ruẹ, rẹn keghi wa vbe gha maa, ọ guobọ ruẹ, ọ na vbe gha re ne ọ gie a mu ẹtin yan vbe emwi ne ọ gha ru vbe odaro ruẹ. U keghi ye vbe gha ho ẹmwẹ ọnrẹn khian, vbe ekpa ne u na rhie ọmọ okpia ne ẹẹn ne ọ rriọba lele ẹe.

I Ọba 8:25

Banbanna nian, e Nọyaẹnmwa Osanobua Izrẹl, I rinmwian wẹ ne u vbe mu eyan nọkpa sẹ, ne u yan ma erha mwẹ ighẹ Devid ẹkpo ne u na kha ma rẹn wẹẹ, ‘I gha rhie ne uẹn rhinrin ẹdẹ ọmọ ne ọ gha rhie ihe ruẹ zẹ vbe ọba Izrẹl adeghẹ avbe ivbi uẹ họn ẹmwẹ mẹ zẹ vbene u wẹ gha ru.’

II Ọba 20:3

“E Nọyaẹnmwa, yerre, ekhọekekhọe mwẹ ọ re I ya ye ẹkoata gha gaa kevbe wẹ, ẹghẹ hia ọ re I ya gha hia ne I ru emwi ne u rhirhi a wẹ ne I ru.” Ọ keghi suẹn gha viẹ eve orriara.

Job 1:1

Okpia ọkpa kegha rrọ vbe ẹvbo ne a tie ẹre Uz, a keghi tie eni okpia na e Job, ọmwa na keghi ga Osanobua, ọ kevbe guobọ ẹre ẹsẹse. Ọmwa esiesi wa gha nọ, ọ keghi gha hia ne ọ ghẹ ru emwi dan rhọkpa.

Job 11:7

“Wẹ gha sẹtin rẹn okhiẹ kevbe ukpẹ ọre ra ighẹ ẹtin kevbe ukpọlọmwẹ Osanobua?

Psalm 115:3

Osanobua mwa rre ẹrinmwi, ọ vbe ru emwi ne ọ rhirhi khọn rẹn.

Psalm 116:9

Rhunmwuda ọnii, ọ re imẹ na khian vbe odaro e Nọyaẹnmwa, vbe otọe iran ni rre agbọn.

Psalm 25:14

Ọse iran ni họn ẹmwẹ ne ẹẹn, ọ re Nọyaẹnmwa khin. Ọ ghi gha so igie ye ile ne ọ gu iran ta.

Ẹksọdọs 6:3

I rhie egbe ma Ebraham, Aizik kevbe Jekọb zẹ vbe Osanobua Ne Oghodua. Sokpan, I ma ya eni mwẹ ne ọ huanrẹn ighẹ Nọyaẹnmwa rhie egbe ma iran.

Itan 10:9

Emwa ni yin ẹse rrọ vbe ai mwẹ ẹbe ẹkun ne ọ sotọ, sokpan obọ gha vba emwa uyinmwẹ orhure.

Aizaia 38:3

“Yerre Nọyaẹnmwa wẹ, ekhọe mwẹ hia ọ re I ya ga a vbe ne a i na ru ero. Kevbe wẹ te I wa hia ne I ru vbene u ho ne I ru vbe ẹghẹ hia.” Ọ keghi viẹ ua ghẹghẹghẹ.

Jerimaia 32:17

“E Nọyaẹnmwa ne Udazi, wẹ ọ re ọ yii otọ kevbe iso vbekpa ẹtin kevbe iwegbe ruẹ nọkhua, emwiọkpa ne ọ wegbe gbe ne uwẹ, ẹ i rrọọ.

Daniẹl 4:35

Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Nọmbas 11:23

E Nọyaẹnmwa keghi wanniẹn, “A miẹn emwi ne ime isẹtin ru ra? U gha miẹn wan a deghẹ ẹmwẹ ni tae gha sunu ra ẹ i ra sunu.”

Nọmbas 24:16

ne ọ sẹtin họn vbene Osanobua kha hẹ, ne ọ vbe miẹn irẹnmwi ne ọ ke ọghe ne ọ yo sẹẹ rre. I rhan aro a gba daa, I keghi miẹn ọẹn vbe umian emwi ne Osanobua Ne Oghodua mu ma mwẹ,

Matiu 19:26

Jesu keghi ghe iran, ọ wẹẹ, “Emwi ne ẹ i gia ru ọre ọna khin ne emwa ne agbọn sokpan a i miẹn emwi ne ẹ i gie Osanobua ru.”

Matiu 5:48

Wa gha re emwa ne uyinmwẹ ọnrẹn gbae, zẹẹ vbene Erha uwa ne ọ rre ẹrinmwi vbe re ne uyinmwẹ ọnrẹn gbae.”

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Iwinna 23:1

Pọl keghi ziẹn aro ye emwa iko ni aro, ọ wẹẹ, “Etẹn mwẹ, orhiọn mwẹ ma bu abe gbe mwẹ hiehiere vbene uyinmwẹ mwẹ ye hẹ vbe odaro Osanobua do sẹ ẹdẹnẹrẹ na.”

Iwinna 24:16

Rhunmwuda ọnii ọre I na lo ẹtin mwẹ hia wẹ ne orhiọn mwẹ ghẹ sẹ osẹe gbe mwẹ vbe odaro Osanobua kevbe emwa ne agbọn.

Ẹfisọs 3:20

Ne irẹn ni ne ọ sẹtin ru gberra vbene ima nọ rẹn, ra vbe ne a mu roro vbe ekhọe, vbe ekpa ẹtin ẹnrẹn ne ọ winna vbe uwu ima.

Diuteronomi 10:17

E Nọyaẹnmwa Osanobua uwa kpọlọ sẹ ẹbọ hia kevbe ẹtin hia. Ọmwa ne ọ kpọlọ ne ọ mwẹ ẹtin rẹn khin, ọmwa ne ọ kere ne a gha mu ohan ẹnrẹn ẹsẹse. Ẹ i gbe ghe obọ okpa, ẹ i miẹn igho iyeke.

Diuteronomi 18:13

Wa gha re emwa ne Nọyaẹnmwa gba ẹko ẹre fẹẹrẹ.”

Diuteronomi 30:20

Wa ho ẹmwẹ e Nọyaẹnmwa Osanobua rua, wa gha họn ẹmwẹ ne ẹẹn ne uwa gha ye ẹko ata gu ẹe yin, ne uwa vbe avbe ivbi uwa sẹtin tọ vbe otọe ne irẹn ve wẹ rẹn gha mu ne avbe erha uwa odede, Ebraham, Aizik kevbe Jekọb.”

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

Hibru 12:28

Rhunmwuda ọnii nian, wa gie ima kpọnmwẹ ye ọna wẹ, arriọba ne a i sẹtin mu rueghe ọre ọ sẹ ima obọ. Wa gie ima kpọnmwẹ Osanobua ne a vbe gae vbe ọghọ kevbe ute, zẹ vbe ne ọ gha yẹ ọre.

Hibru 7:25

Rhunmwuda ọnii, te irẹn ghi sẹtin miẹn emwa ni la obọ ẹre bu Osanobua gha dee fan, vbe ẹghẹ na, kevbe ẹghẹ hia, rhunmwuda, rẹn wa rre agbọn ẹdẹdẹmwẹdẹ, ne ọ gha rinmwian ne iran.