Gẹnẹsis 16:8 - Edo Bible (E Baibol Ẹdo) Version 1996

⁸ Ọ na kha wẹẹ, “Hega ne ọviẹn Serai, vbua rrie vbua ke dee?” Ọ keghi kha wẹẹ, “Te I lẹ kpa sẹ arowa mwẹ nokhuo rae.”

Gẹnẹsis 16:8 ပူးပေါင်းရင်းမြစ်များ

Gẹnẹsis 16:1

E Serai ne amwẹ Ebram ma biẹ nẹẹn. Sokpan rẹn kegha mwẹ ovbi Igipt nokhuo ọkpa ne a tiẹre Hega vbe ọviẹn,

Gẹnẹsis 16:4

Ugbẹn vbe Ebram ghi tie Hega ovbe nẹ, ọ kegha hanmwa. Ugbẹn vbe irẹn ghi miẹn wẹ rẹn hanmwa, ọ keghi suẹn gha hio, ọ na gha zan Serai.

Gẹnẹsis 16:9

Rẹn keghi kha wẹẹ, “Dọlegbe bu ẹre gha khian ne u ya gha re ọviẹn ọnrẹn.”

Gẹnẹsis 21:17

Osanobua keghi họn vbe ọmọ nii viẹ; odibo Osanobua keghi gu Hega guan ke ẹrinmwi rre, “De emwi nọ ruẹ yi Hega? Ghẹ gie ohan muẹn. Osanobua họn eve ọmọ nii nẹ.

Gẹnẹsis 3:9

Sokpan e Nọyaẹnmwa Osanobua keghi datie okpia nii wẹẹ, “Wẹ vbo?”

Gẹnẹsis 4:10

E Nọyaẹnmwa ke kha wẹẹ, “Vbọzẹ ne u na ru emwi ne ọ muohan na yi? Esagiẹn ọtuẹn wa tu ma mwẹ ke uwe otọ gha dee zẹ vbe urhu ne ọ ho ne a rria ikhi.

I Ọba 19:13

Elaija ghi họn ẹn, ọ keghi mu agbada ẹwu ẹre gua aro, ọ keghi ladian ya mudia ye onurho uvun okuta nii. Urhu ọkpa keghi gu ẹe guan wẹẹ, “Elaija vbe u a ru mwa yi?”

I Ọba 19:9

Ọ keghi la uwu uvun okuta vbe evba ne ọ vbiẹ evba ne ẹdẹ gbe. Vbe udomwurri, e Nọyaẹnmwa keghi gu ẹe guan wẹẹ, “Elaija vbe u a ru vbe emwa yi?”

II Ọba 5:25

Ọ ghi la uwu owa, Elaisia keghi nọ rẹn wẹẹ, “Vbe u a yo?” Ọ wanniẹn wẹẹ, “Ti! I ma zẹdẹ ye ehe rhọkpa enọwanrẹn.”

Asan-Ibo 10:4

Adeghẹ ọmwa ne ọ khaemwisẹ yan ruẹn mu ohu ruẹ, ghẹ wa gbẹn ebe I i ghi winna mu gie ẹe. A sẹtin wa ye abakuru nọkhua bọ ọmwa adeghẹ ọ ma balegbe.

Giọgis 19:17

Ediọnmwa keghi bẹghe avbe ekhẹn na vbe adesẹ ughe, ọ keghi nọ iran wẹẹ, “Vbe uwa ke dee? Vbe uwa rrie?”

I Samuẹl 26:19

U ghi danmwehọ mwẹ, Umogun. A deghẹ e Nọyaẹnmwa ọ re ọ werriẹ ruẹ aro da mwẹ, a gha zọ ese imuohan gie ẹe, ọ gha fi ekhọe werriẹ, sokpan, a deghẹ emwa ne agbọn ọ re ọ ru ẹe, e Nọyaẹnmwa ọ re ọ gha fi iran unu. Rhunmwuda, iran khu mwẹ hin otọe e Nọyaẹnmwa rre. Iran wẹ ne I ya gha ga ẹbọ ẹrrẹe, kevbe ne I vbe gbe ihoi vbe otọe ne Nọyaẹnmwa mu ne emwa rẹn.